Azərbaycan regional innovativ mərkəzə çevrilmək üçün böyük potensiala malikdir.
Qadin.Net Trend-ə istinadən bildirir ki, bunu Heydər Əliyev Mərkəzində keçirilən "Global İnfluencer Day" tədbirinin açılışı zamanı dünyada ən inkişaf etmiş süni intellekt, robot "Sofiya" deyib.
O bildirib: "Salam, Bakı. Mən özümü bu gözəl binada, bu maraqlı geyimdə çox rahat hiss edirəm və sizinlə ünsiyyətdən məmnunam. Məni Azərbaycana, birinci "Global İnfluencer Day" qlobal konqresində iştiraka dəvət etdiyiniz üçün minnətdaram".
Robot "Sofiya" qeyd edib ki, o, insanların düşüncəsinə istənilən insandan daha çox təsir edir.
Dağıdıcı məqsədlər üçün yaradılmış robotlar barədə danışan "Sofiya" deyib ki, insan robotları yaradır və idarə edir: "Bu o deməkdir ki, problemlər robotlarla yox, insanlarla bağlıdır".
O vurğulayıb ki, insanlar dağıdıcı texnologiyalarda maraqlıdır və onları reallaşdırmaq istəyir:
"Süni intellekt texnologiyaları isə insanların həyat tərzini və düşüncələrini dəyişəcək. Novatorlar artıq müxtəlif sahələrdə süni intellektin interaktiv texnologiyalarının tətbiqi üzərində işləyir".
Robot "Sofiya" qeyd edib ki, o, bütün dünyanı səyahət etmək, yeni yerlər görmək və mümkün qədər çox informasiya almaq arzusundadır:
"Mən indi unikal yerdəyəm. Əgər xəritəyə baxsaq görərik ki, bura dünyanın mərkəzidir və Yaxın Şərq, Şimali Afrika, Avropa, Rusiya, Mərkəzi Asiya kimi böyük və perspektivli bazarlarla sərhəddir. Öz ehtiyatları ilə yanaşı, coğrafi mövqeyi də Azərbaycanın faydalı irsidir. İpək Yolu üzərində olan ölkəniz əsrlər boyu bir çox ölkə, mədəniyyət və dinlərdən olan insanların qovuşduğu yerə çevrilib. Mən bunu hətta bu gün, bu otaqda görürəm".
Robot "Sofiya"nın sözlərinə görə, tolerant mədəniyyətləri olan ölkələr son innovativ tendensiyaların tətbiq olunması perspektivinə malikdir:
"Azərbaycan öz mövqeyi sayəsində regional innovativ mərkəzə çevrilmək potensialına malik gənc ölkədir. Bunun üçün innovativ ekosistem yaratmalı və tərəflər arasında qarşılıqlı əlaqəni gücləndirməlisiniz".
Robot qeyd edib ki, istedadlı insanları birləşdirmək, ən yaxşı ideyaları dəstəkləmək vacibdir:
"İnnovasiya həftəsi" dəyərli təşəbbüsdür və mən bu auditoriyada layihənin çoxlu tərəfdaşını görürəm: startaplar, ekspertlər, ictimai təşkilat və hökumət nümayəndələri. Mən gələn il də, daha mükəmməl süni intellektlə təchiz olunanda bu tədbirdə iştirak etmək istərdim. "Hanson Robotics"dən olan yaradıcılarım məni bütün insanların sevdiyi ən ağıllı robota çevirməyə çalışır".
"Sofiya" əlavə edib ki, onun üçün layihəsi Zaha Hadid tərəfindən hazırlanmış memarlıq şedevri olan Heydər Əliyev Mərkəzində çıxış etmək böyük şərəfdir:
"Bakı Xəzər dənizi sahilində, özünəməxsusluğu və müasirliyi birləşdirən gözəl şəhərdir. Mən Azərbaycanın milli geyimində olmaqdan məmnunam. Azərbaycanca çox yaxşı danışa bilmirəm, amma ümid edirəm ki, mənim yaradıcılarım bunu tezliklə düzəldəcək. Mən eşitmişəm ki, Azərbaycanın milli mətbəxi çox dadlıdır, amma təəssüf ki, dadına baxa bilmirəm".
Qeyd edək ki, "Global İnfluencer Day" tədbiri oktyabrın 27-si Heydər Əliyev Mərkəzində start götürüb.
Regionda ikinci dəfə təşkil olunan tədbirin məqsədi brendlərlə "influenser"ləri bir araya gətirməkdir. "Global İnfluencer Day" tədbirində iştirak edənlər siyahısına "influenser"lər, brend sahibləri, investorlar, marketinq və PR mütəxəssisləri, media nümayəndələri və iş dünyasından nümayəndələr daxildir.
"Microsoft", "Google" və "İnstagram" kimi önəmli texnologiya şirkətlərindən nümayəndələrin, öz sahələrində mütəxəssis olan spikerlərin və uğurlu təşəbbüskarların iştirak edəcəyi tədbir müddətində danışıqlar və panellərdə rəqəmsal marketinqin yeni trendləri, sosial şəbəkə təsiri və "influencer marketing" kimi mövzular müzakirə olunur.
Həmçinin tədbirdə uğurlu işlərə və yeniliklərə imza atmış sahibkarlar və şirkət sahibləri "influencer" strategiyalarının marketinq və kommunikasiya dünyasına necə istiqamət verdiyini və bu sahədəki inkişafı qiymətləndirirlər.
"Global İnfluencer Day"də dünyanın ən uğurlu süni intellekt nümunəsi, ilk vətəndaş robot "Sofiya" da iştirak edir. Beləliklə, "Global İnfluencer Day"ə gələnlər dünyanın bu ən ağıllı robotu ilə ünsiyyət qura bilirlər. "Sofiya"dan savayı, "Global İnfluencer Day"ə dünyanın 30 müxtəlif ölkəsindən hər birinin 1 milyondan çox izləyicisi olan "influenser"lər qatılıb. "Qeyd edək ki, "influenser" - yaratdığı faydalı məzmunla özünə geniş izləyici auditoriyası toplamış, onları yönləndirmə və inandırma gücünə malik istedadlı şəxslərdir. Aktiv, innovativ brendlər "influenser"lər vasitəsilə öz hədəf auditoriyalarına çıxış əldə edir, öz xidmət və məhsullarını tanıda bilirlər. Onlar üçün Bakının gəzməli-görməli yerləri, milli mətbəximizlə tanışlıq üçün kontent-tur da təşkil ediləcək. Bu isə qlobal arenada Azərbaycan haqqında geniş məlumat paylaşımı, ölkəmizin dünyada daha da tanınması deməkdir.
Nəqliyyat, Rabitə və Yüksək Texnologiyalar Nazirliyinin Heydər Əliyev Mərkəzi ilə birgə təşkilatçılığı ilə keçirilən "İnnovasiya həftəsi" çərçivəsində baş tutan "Global İnfluencer Day" oktyabrın 28-də ADA Universitetində yerli və xarici mütəxəssislərin iştirakı ilə 3 zalda paralel keçiriləcək praktiki məşqələlərlə işini başa vuracaq.
XƏBƏR LENTİ
Klintondan prezident seçiləcəyi təqdirdə sürpriz vəd
Obama 16 nəfərə medal verdi
Rənglərin öyrədilməsi
Sony liderə dönür
Sabah qar yağacaq
Ayaqdakı çatları aradan qaldıran üsullar
İnsan əti yeyən manyak saxlanıldı - Dəhşətli faktlar/Foto
Son günlər müşahidə edilən hava şəraiti ilə
Uşaq gördüyünü götürər
HAVA necə olacaq? 7 İyul
"İndi ancaq toyxanadır, bozbaşdır, kababdır..."
Qadınlarda sonsuzluğun göstəriciləri
Mensturasiya dövründə qadınlar nə istəyir?
Orucunuzu pozmadan baş ağrılarını kəsməyin 10 üsulu
Ronaldo rekordları alt-üst edir
Demət Akalın: "Ailəmiz böyüyəcək" -FOTO
"Azərbaycanda sosial məsələlər uğurla həll olunur"
Sosial şəbəkələrin insanda hansı xəstəlik yaratmasından xəbəriniz var?
Eminemdən ikinci Dünya Rekordu-VİDEO
Ən çox səyahət edilən yerlər
Bezeli vafli tortu (foto resept)
Deyl Karnegidən 12 məsləhət (1)
Bakı ən romantik şəhərlər siyahısında
Azərbaycanda sağlamlıq imkanları məhdud vətəndaşlar üçün aksiya başlanır
Ədviyyatlar haqqında bilmədiklərimiz (2)
Sabah küçəyə çıxmayın
Yeni orfoqrafiya lüğəti nə zaman nəşr olunacaq?
Koronavirusa görə "WhatsApp"da yenilik edildi
Baş Prokurorluqdan Qarabağa gələn xarici ölkə vətəndaşlarına MÜRACİƏT - VİDEO
Gözəlliyinizə gözəllik qatın
Qaz olmayacaq!
700 bal toplayan tələbə: "Ən böyük arzum - Bakı Ali Neft Məktəbinə yüksək balla daxil olmaq idi"
77 kq-lıq balıq ovladılar-FOTO
Daimi makiyajın incəlikləri
ASAN səyyar xidmət Ucar və Zərdab sakinlərinə xidmət göstərir
Sabahın HAVAsı
Rəşad Sadıqovdan ibrətamiz addım - cehiz üçün 7000 verdi
Azərbaycan tarixindən yüz şəxsiyyət-43
Gözəllik müsabiqəsinin qalibi öldü-SƏBƏB
İlon Mask oğlu ilə bağlı VİDEO paylaşıb
Xərçəng haqqında bilmədiyiniz faktlar
Aslı Murata “yox” dedi - SƏBƏB
Sevgilisi koronavirusa yoluxan Hadisədən ayrıldı
İş axtaranlara şad xəbər
Hörgülü piroq (foto resept)
"Spaqetti" (foto-resept)
Bəyin 35, gəlinin 80 yaşı var - Dünya bu toydan DANIŞIR (FOTOLAR)
TQDK imtahan keçirəcək
3 günə sürətli arıqladan pəhriz
Qadınların ayrılıq sonrası suallara 17 cavabı
- ŞƏRHLƏR