Bakıda hava 10°
USD 1.7000 AZN
EUR 1.9478 AZN
14 noyabr 19:27Surayye Gözəl bacılar haralardaydiz? Niyə iki gündü görüşmüşük
39437

Qeyri-adi qaxınc

Qeyri-adi qaxınc


Bizim millətə məxsus o qədər xüsusiyyət və adət var ki, onları yazmağa başlayanda gərək əməlli-başlı cədvəl qurub kateqoriyalara ayırasan, hər keyfiyyəti də ayrıca şərh edəsən. Bununla məşğul olan şəxsi də azərbaycanlışünas adlandırasan. Dəqiq bilirəm ki, bu iş mənlik deyil. Çünki pis halları sakit qarşılaya bilmirəm. Sarsılıram, “cəhənnəmə ki” deyə bilmirəm. Niyə də deyim, cəhənnəmin nə vecinə, nə olsa bizə-qananlara olur. Odur ki, tədbirini də gəlin birlikdə görək.

Görəsən, hansından yazım? Bir-birinin uğurlarını görəndə bağrı çatlayanlardan, ətrafındakılara mərdimazarlıq edənlərdən, sözü sahibnə qısa vaxt ərzində çatdıranlardan, elmdən xəbərsiz yaşayıb gününü falçı yanında keçirənlərdən ( belələrinin arasında təhsil almışları da var deyəcəkdim, yadıma düşdü ki, onlar təhsili kitabdan almayıblar.) yoxsa... filankəsdən, yoxsa filanşeydən və s. Nə qədər istəsəniz sadalamaq olar. Hələlik “qaxınclıq”dan yazım, onsuz da mövzu bitmir, o birilərindən zaman-zaman yazaram.

Qeyri-adi qaxınc


İnsanı zəif yerindən vurmağın adı var-qaxınc etmək. Pis xüsusiyyət olmağına baxmayaraq, bundan ləzzət alanlar var. Əgər birinin övladı yoxdursa onunla ədavəti olan kəs tərəddüd etmədən ona “ sonsuz” deyə qaxınc edir. Ailəsi dağılmış qadınla savaşırıqsa asanlıqla “yaxşı olsaydın boşanmazdın” deyirik. Əzizi ölənə “cəzandır çək” deyə cahilliklə əzab veririk. Beləcə hər şeyi asanlıqla qaxırıq. Savaşanlar mütləq bir şey tapıb qaxırlar. Nənəm deyirdi ki, “Gözün qarası belə başa qaxıncdı.” Hətta buna əyani misal da göstərirdi. Deyirdi ki, “Qonşuda qadınlar savaşırlar. Bir-birinə o ki var qarğış yağdırsalar da ürəkləri soyumur. Qaxıncın yeri görünür. Birdən qadının birinin ağlına gülünc bir fikir gəlir. Qarşısındakının əkiz övladı olduğunu xatırlayıb onu əməlli-başlı “biabır” edəcəyini düşünərək deyir ki, “Sən yaxşı qadın olsaydın əkiz uşaq doğmazdın” İndi vallah bilmirəm tibbdə bu barədə hansısa məlumat var ya yox, amma o qadının bildiyi bir şey olduğundan adam şübhələnir. Çünki nə atalar sözlərimiz, nə məsəllərimiz, nə də qarğışlarımız əsassız yerə deyilməyib. Buna görə də qadının qaxıncı barəsində düşünməyə dəyər. Dərdi, kasıblığı, şikəstliyi qaxan görmüşdük, əkiz doğmağı eyib hesab edib qaxan eşitməmişdik, bundan da nənəm xəbərdar etdi bizi. Bu qaxıncın tibbi əsası olub-olmadığını izah edən həkimin olmasını səbirsizliklə gözləyirəm.

Pərvanə Bayramqızı

12 mart 2018

Səslərin sayı: 3
3
488
Digər yazılar
Şərhlər
Offline
Surayye
Bele qonsusu varsa dusmene ehtiyaci yoxdu. Qxinc edilecek cox esitmisem amma ekizlerle bagli ilk defe esidirem
17 mart 2018 14:27
Offline
Emma Svon
Bir bu qalmışdı onu da dedilər. O arvadın başına hava gəlib. Hirsli başda ağıl olmaz deyirlər. Boş yerə demirlər
14 mart 2018 16:46
Offline
Xəyalə Murad
Qulaq gündə bir söz eşitməsə kar olar- Bu qarğışı ilk dəfə eşidirəm. Qəribə gəldi. Tibbi cavabını mən də bilmək istəyərəm. Qaxınc üçün nənəniz düz deyir, adamın göz rəngi də qarşı tərəfin ağzından qaxınc kimi eşidilər bilər.
14 mart 2018 15:09
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!