Bakıda hava 18°
USD 1.7000 AZN
EUR 1.9570 AZN
13:17Xəyalə Murad Gözəl gününüz olsun,Pəri xanım! Hər şey sizin üçündür 11:36Sima salam canlarim nece varsiz 11:24PERI ne gozel xeberler var bugun 11:23PERI salam necesiz 10:43Xəyalə Murad Sabahınız xeyir olsun,Əziz Qadin.Netlilər!
39338

Karyeranı davam etməyin yolu

 

 

Karyeranı davam etməyin yolu

 

 

Ən müxtəlif vəzifələrdə çalışan müxtəlif xasiyyətləri insanlar müxtəlif səbəblərə görə çalışdıqları işdən azad olunurlar. Kimisi səhvlərə yol verir, kimisi işçilərlə pis davranır, kimisinin də xasiyyəti pis olur. Uzun müddət əziyyətlə çalışdıqları şirkətlərdən ayrılmaq məcburiyyətində qalan insanlar psixoloji problemlər yaşayır və depressiyaya düşürlər. İlk növbədə şok yaşayan işçilər nə baş verdiyini başa düşməyə çalışırlar, daha sonra rəhbərliyə qarşı əsəbiləşirlər. Qısa müddət ərzində isə depressiya qaçılmaz olur. Heç kim belə aqibət arzulamasa da, müasir biznes dünyası kifayət qədər qəddardır. Buna baxmayaraq, karyerada müəyyən uğursuzluqlar yaşamış insanlar uğursuzluğun təbii nəticəsi olan eskapizmə (məqsədlərdən imtina edərək fantaziya və illüziyalar dünyasında yaşamaq, təkliyə üstünlük vermək) düçar olmamalı, emosional vəziyyətlərini sabit saxlayıb yeni imkanlar axtarışında olmalıdırlar. Necə ki, duman səbəbiylə yolun geri qalanı pis görsənər, eskapizm də işdən çıxarılanların görməsini bulandırar. İşdən ayrılma vaxtı ilə yeni işə qəbul arasında olan boş vaxt kəsiyinə (bundan sonra qısaca "fasilə") isə yeni imkan kimi baxmaq lazımdır. Bu zaman aralığında siz özünükəşf (self-discover) ilə məşğul ola və prioritetlərinizi bir daha gözdən keçirə bilərsiniz. Bütün bu proseslər kifayət qədər güclü iradə tələb edirsə də, çətin bir şey yoxdur. Bu qaranlıq zonadan çıxmaq üçün siz yaxın dostlarınıza, ya da professional psixoloqlara müraciət edə bilərsiniz. Ən əsası isə unutmamaq lazımdır ki, yolu uğurla davam etmək üçün fasilədən maksimum dərəcədə faydalı istifadə etməlisiniz. Yəni, sizin təcrübəniz hər zaman sizinlədir. Təcrübənizi savadınız, biliyiniz və istedadlarınızla birləşdirib yeni sferada, yaxud da yeni ixtisasda istifadə edə bilərsiniz. Yeniliklər o halda sizin üçün düşərsiz olar ki, siz fasilə zamanı oriyentirlərinizi düzgün tənzimləməyəsiniz. Təcrübə göstərir ki, düzgün vektorları müəyyənləşdirən insanlar yaşadıqları karyera böhranlarının öhdəsindən gəlməyə müvəffəq olurlar. Bunanla əlaqədar kifayət qədər uğurlu həyat hekayələri vardır.

 

 

Karyeranı davam etməyin yolu

 

 

Şərtlər gərəyi bizlərdən hər birimiz uğursuzluqlar yaşaya bilərik, lakin təbiətin hamımıza bəxş etdiyi "adaptasiya" bacarığı da var. Yaranmış "fasilə" zamanı özümüzü yenidən nəzərdən keçirməyimiz heç də asan proses olmasa da, qarşımızda təslim olmaq kimi seçim olmamalıdır. Yaxşı strategiya hazırlayaraq, gücümüzə qarşı olan və ani olaraq yaranmış şübhələri və zəiflikləri aradan qaldırmaq lazımdır. Keçmiş iş yerində etdiyiniz səhvləri müəyyənləşdirmək olduqca vacibdir. Karyera yoluna daha təmiz davam etmək üçün mütəmmadi olaraq beyninizi yeniliklər istiqamətində proqramlaşdırın.

Karyera sadəcə bir şirkət, bir müəssisə, yaxud da təşkilatla məhdudlaşan anlayış deyil. Bu yolda hamıya uğurlar.

 

Yazı Harvard Business Review jurnalının 2015 yanvar-fevral nömrəsinin Mitçel Marks, Filip Mirviz, Ron Aşkenazın müəllifləri olduqları "Karyerada uğursuzluq? Hər şeyi yenidən başlayın!" (org: Митчелл Маркс, Филип Мирвис, Рон Ашкеназ - Карьера пошла под откос? Начните все заново!) məqaləsinin qısa məzmununu əks etdirir.

 

İbrahim Niftiyev

Səslərin sayı: 1
3
1139
loading...
Şərhlər
Offline
Iceberg
Karyera sadəcə bir şirkət, bir müəssisə, yaxud da təşkilatla məhdudlaşan anlayış deyil. Bu yolda hamıya uğurlar.
13 iyun 2017 23:24
imza: shafaabdulla.blogspot.com
Offline
Aysel İ.
Bunun üçün insan gərək iradəli olsun və məqsədi olsun.
13 iyun 2017 22:58
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Online
Xəyalə Murad
Karyera yoluna daha təmiz davam etmək üçün mütəmmadi olaraq beyninizi yeniliklər istiqamətində proqramlaşdırın.


Bu mütləqdir!
13 iyun 2017 18:00
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!