Bakıda hava
USD 1.7000 AZN
EUR 1.9478 AZN

İki ailə

 

İki ailə

 

Qonşuluqda iki ailə yaşayırdı. Ailənin birində hər gün dava-qırğın, mübahisə idi. Digər ailədən cınqırtı belə çıxmırdı, sakit şəkildə yaşayırdılar.

Bir dəfə dava-dalaşlı ailədəki qadın həsəd aparan şəkildə ərinə dedi:

- A kişi get bir gör o ailə nə edir, nə iş görür, niyə onların heç səs-səmiri gəlmir?


İki ailə


Ər sakit şəkildə evdən çıxıb, asta addımlarla qonşu evin pəncərəsinə yaxınlaşıb güdməyə başladı. Gördü ki, evin xanımı evləri silir. Birdən nəsə onun yadına düşdü və cəld mətbəxə qaçdı. Bu zaman əri qəfil evə girdi, görünür tələsirdi. Ayağının altında vedrəni görmədiyi üçün vedrəni aşırtdı, çirkli su yerə dağıldı. Arvad qaçaraq otağa girib mənzərəni gördü. Əri ağzını açmadan dilləndi:

- Ay kişi, sən Allah bağışla, yadımdan çıxmışdı.

Kişi dedi:

- Nə danışırsan, sən bağışla, fikirli idim, görmədim. Səni də zəhmətə saldım.

Kədərlənmiş qonşu evə qayıtdı. İçəri girər-girməz arvadı dedi:

- Noldu, ay kişi, bir şey gördün?

- Hə.

- Nə gördün?

- Mən hər şeyi başa düşdüm. Bizim ailədə HAMI HAQLIDIR. Onlarda isə HAMI TƏQSİRKARDIR.

 

 

Hazırladı: Farid Abdullah

Səslərin sayı: 0
0
1264
loading...
Şərhlər
Adıniız:*
E-Mail:
ıifrə: *
Son şərhlər
loading...
Son yazılar
Hansı fəsili daha çox sevirsiniz?
Yaz
Yay
Payız
Qış