Bakıda hava 27°
USD 1.7022 AZN
EUR 1.8999 AZN
16:08Dəniz84 Salam dostlar, NECƏSİNİZ? 13:51 Xèÿáłè 💕 Elik asqitom zeng et mene darixdim tez 13:45 Xèÿáłè 💕 Elik mamedovla sevgiliyik heyy adsiz senenem cekil aradan 09:33Xəyalə Murad Pərvanə xanım, sizi görmək xoş oldu 09:32Xəyalə Murad Əziz Qadin.Netlilər! Gününüz aydın olsun! 09:32Xəyalə Murad Hər birinizə xoş istirahət diləyirəm! 09:15PƏRVANƏ ƏLİYEVA...... Xosh gunlerinize geley Xeyale xanim. Coxsaqolun❤️
37252

Bəs onda niyə ərə getmisən?

 

Bəs onda niyə ərə getmisən?

 

Cinsi sıxıntıları olan, daha dəqiq, vaginizmdən əziyyət çəkən xanmların ən çox eşitdiyi qınayıcı sualdır bu: “əgər edə bilmirsənsə, onda niyə ərə gedirdin?! oturmuşdun da atanın evində!”

 

Bu sualı ona istiqamətləndirən xala, rəfiqə, qonşu, qaynana və s. olduğu kimi, həkimlər də bu siyahıya qatılır. Sonuncunu təəssüf hissi ilə yazıram. Çünki, xüsusilə cinsi problemlərimiz varsa, birinə bu haqda danışmaq olduqca çətindir. Özümüzü toplayıb, həkimə getmək isə daha da çətin. Nə ilə üzləşəcəyimizi bilmərik əvvəlcədən. Hələ üstəlik, tam da cəsarətimizi toplamışkən, həkimdən belə qınayıcı bir reaksiya gördüyümüzdə, qəlbimizlə yanaşı, motivasiyamız da qırılmış olur. Siz buna, ümidi də əlavə edə bilərsiniz.

 

Biraz balansı qorumaq istəyirəm. Qadınların cinsi sıxıntılarından yazarkən, kişiləri unutmuşam zənn etməyin. Hər hansısa bir cinsi sıxıntı yaşayan kişilər də, sanki kişiliklərindən birşey əksilmiş kimi hiss edirlər. Bu haqda mütəxəssisə müraciət etmək onlar üçün də zaman alır. Qınanmaqdan, damğalanmaqdan qorxarlar. Çünki onlar da nə ilə üzləşəcəklərini əvvəlcədən bilməzlər.

 

Bu sıraya yoldaşının cinsi problemi üçün (qadın vəya kişi) mütəxəssisə gedən şəxsləri də daxil edə bilirik. Etika və əxlaqı bir yana qoyaq, intellektual bacarıqlara belə zidd olan nitqlə üzləşirlər. (məsələn: sən buna neylədin ki, bu vəziyyətə düşdü?; sən özün problemlisən, onun boynuna yıxma!…və s.

 

Ölkəmizdə hər 5 cütlükdən 4-nün qarşılaşdığı bəzi cinsi problemlər vardır. Lakin, onların şikayətinə uyğun, düzgün yanaşma olmaya bilir. Ya da, bu şikayətlərlə kimə müraciət etmək lazım olduğunu bilməyə bilərlər. Hələki, ölkəmizdə cinsi diaqnostika və müalicə sahəsi tam inkişaf etməmişdir, mütəxəssis sayı olduqca azdır. Bu sahəyə aid olan şikayətlərə həkimlər aşina olmaya bilərlər. Vəya düzgün diaqnoz qoyduğu halda, müalicəsi üçün nə etmək lazım olduğunu bilməyə bilər. Bu hallar da pasientin çarə axtarışında, sıxıntılarla üzləşməyinə səbəb olur.

Bütün bunlardan yükünüzü biraz da olsa azaltmaq üçün, utanmadan-sıxılmadan, araşdırma ruhunuzu gücləndirərək, partnerinizlə/ yoldaşınızla dəstəkləşərək çıxış yolları axtarmaq faydalı olacaqdır. Cinsi problemlərin həlli üçün düzgün mütəxəssisi tapmaq nə qədər vacibdirsə, partnerin dəstəyi də bir o qədər önəmlidir. Cütlük müalicəyə bərabər qatıldığı zaman, müalicənin müddəti qısalmış olar.

 

Psixi sağlamlığınızın qayğısına qalmanız diləyilə…

 

Psixoterapevt Şəbnəm Sadiqova

Səslərin sayı: 0
0
580
Loading...
Şərhlər
Məlumat "Qonaq" kimi daxil olan ziyarətçilər saytda şərhlərin bildirə bilməzlər.Zəhmət olmasa qeydiyyatdan keçin və ya öz hesabınızla sayta daxil olun!
Son yazılar
Son şərhlər
Maraqlıdır
Yay tətilini harada keçirəcəksiniz?
Evdə
Rayonda
Ölkə xaricində
Hələ bilmirəm
Vətənə gələcəm!