Bakıda hava 22°
USD 1.7008 AZN
EUR 2.0342 AZN
24 sentyabr 23:06Iceberg Kim var, kim yox )) 24 sentyabr 15:20Iceberg Hər vaxtınız xeyir olsun, necəsiz?
37712

Elə bu da sevmək imiş (şeir)

 

Elə bu da sevmək imiş (şeir)

 

Sevgi öpüşlər deyilmiş,

Toxunmadan sevmək varmış.

Hisslərini pıçıltıyla

Vərəqlərə, güzgülərə,

İnsanlardan gizlədərək

Qaranlığa, gecələrə demək varmış.

Lap uzaqdan xəyalları sındıraraq

Oxşamaqmış sevdiyinin tellərini.

Sevmək varmış səni məndən aralayan,

Şəkillərlə ovunmağa məhkum edən,

Bu məhbusluq yellərini.

Hər keçəndə yaxınımdan

Gizli-gizli qondurmaqmış busələri

Mənim olan “ağ” kölgənə.

Gülüşünə sevinməkmiş,

Kədərinə silmək imiş

Yanağını cızıb keçən göz yaşını.

Yarmaq imiş qarşılıqsız məhəbbətin

Köz daşını.

Cavab yoxdur...

Susur güzgü, susur kağız, susur otaq.

Ülgüc,

Damar,

Qanlı yataq.

...Xəyalının əllərindən bərk –bərk tutub

Atmaq imiş ölən ruhu eşq oduna,

Son qoyaraq illər boyu

Sınıq qəlbdə gəzdirdiyim

Bu oyuna.

Elə bu da sevmək imiş...

 

Nərmin Nöqtə

Səslərin sayı: 0
0
436
Loading...
Şərhlər
Məlumat "Qonaq" kimi daxil olan ziyarətçilər saytda şərhlərin bildirə bilməzlər.Zəhmət olmasa qeydiyyatdan keçin və ya öz hesabınızla sayta daxil olun!
Son yazılar
Son şərhlər
Maraqlıdır