Bakıda hava 30°
USD 1.7012 AZN
EUR 1.9839 AZN
14:06Şirniyatçı Kamile Qadin Netlilere Salam 09:58Xəyalə Murad Gününüz aydın olsun,Əziz Qadin.Netlilər! 09:44Iceberg Sabahınız xeyir olsun)))
37523

Nə üçün gizli günahlardan qorxuruq?

Gizli günahlar insanın xüsusiyyət və strukturunu müəyyənləşdirir

 

Nə üçün gizli günahlardan qorxuruq?

 

İctimaiyyət arasına çıxan insan bu xüsusiyyətinə görə sayılır və seçilir. Bu əməl insanın gizli şifrəsini qeyb elminə malik şəxslərin əlinə verir. Günah günahdırsa, onun gizli olması nə üçün daha qabarıq şəkildə, həyəcanla ifadə olunur?

 

Gizli günah dedikdə, insanın gözlərdən kənarda qalaraq günah etməsidir. Cəmiyyət qarşısında günah etdikdə onun gözdən düşüb başına sərki vurulma ehtimalı çoxalır. Bu həm də kompleks xəstəliyindən irəli gəlir. Gəlin, gizli günahlara aid bir neçə misal çəkək:

 

Xaqani cavan oğlandır. Onun 19 yaşı vardır. Əsgərlikdən yeni gəlmişdir. İşləmədiyinə görə, evdə çox olur. Qardaşı Elvinin kompüterindən istifadə edərək internetdən istifadə edir. Elvin Xaqani kimi deyil. O, hər zaman dərs oxumağa böyük meyl göstərir. Bu səbəbdən də yüksək balla hüquq fakültəsinə daxil olaraq təhsilini davam etdirir. Xaqani böyük qardaşından, həmçinin valideynlərindən çəkinir, onların gözündən düşmək istəmir. Lakin qəlbində bir təlatüm var. Qardaşının şəxsi fotoapartından təlatümünü yatırmaq üçün şəxsi məqsədləri naminə istifadə edirdi. Hər gün özünə bir gizli yer tapar, oradan küçədən keçən qadınların şəkilini çəkərdi. Aralarından ən maraqlılarını yastığının altında gizlədər, bəzilərini gizli adla internetdə paylaşardı. Bu əməlinin aşkara çıxmasını istəmir. Ələlxüsus da qardaşının bilməsini heç istəmirdi. Bir dəfə o, həmin şəkillərə tamaşa edirdi. Dərin fikrə daldığından Elvinin gəldiyini hiss etməmişdi. Ayılanda başının üstündə qardaşını görür.

 

26 yaşlı Aytənin iki qardaşı var. Atası iki il olar rəhmətə gedib. Anası bircəcik qızını çox sevir. Qardaşları da. Lakin qardaşları bacılarını çox qısqanır. Bu səbəbdən onu nə işləməyə qoyur, nə də bayır-bacağa buraxırdılar. Bir gün Aytəngilə qonaq gələn xalası qızı Gülər ona mobil telefondan istifadə qaydalarını başa salır. Aytənin qardaşı bu il ad günündə ona mobil telefon hədiyyə etmişdi. Gülər bu məsələ əsnasında Aytənə internet xidmətlərini başa salır. Bir-iki internet səhifəsini ona göstərir, bekar vaxtlarda bu saytlardan yararlana biləcəyini söyləyir. Gecə vaxtı hamı yatarkən, Aytən mobil telefonundan “çat” məkanlarının birinə daxil olur. Xalası qızı onun yerinə qeydiyyatdan keçmişdi. Aytənin ünsiyyətə böyük ehtiyacı var idi, qardaşlarının ona bu imkanı vermədiyindən, onlara acığı tuturdu. Bir oğlanla tanış olur. Bir müddət danışdıqdan sonra “MMS” xidmətiylə oğlan bu qızın şəkilini istəyir. Bu qız tanımadan, etmədən bu oğlana şəkilini göndərir. Qız təmiz qəlbli olduğundan düşünə bilmir ki, oğlan bundan nə istəyir. Səhəri gün bu oğlan, dostları ilə söhbət etdikdə, axşam baş verən hadisələrdən danışır. Telefonda qızın şəklini dostlarına göstərir. Qrup yoldaşlarından olan Kənanı da şəklə baxmağa dəvət edir. Kənan isə şəklə baxdıqda bacısını tanıyır. Ondan başqa heç kəs şəkildəki qızın onun bacısı olduğunu bilmir.

 

Cəmiyyətin qınaq obyektindən qurtulmaq üçün özlərinə kiçik bir “dünya” qurmaq istəyən iki gəncin həyatından bir parça oxuduq. Onlar şəxsi istəklərini heç kəs görmədən həyata keçirmək arzusunda idilər. Sirlərinin bir gün açılacağına inanmırdılar. Əgər bir insan bir əməli gizlində edirsə, etdiyi əməldən xəcalət çəkir, deməkdir. Ondan həzz alsa belə, işinə yarasa belə, gizlində edir. Bəzən elə düşünür ki, onun etdiyi bu iş heç də pis iş deyil, sadəcə camaat onu anlamır. Dərdini anladacaq bir kəs tapmır. Hər nə qədər başqa insanın adından danışsa da, camaatın bu əməli nifrətlə qarşıladığını görür və həmin şəxsin özü olduğunu gizlədir. Sağalmaq istəyir, aşkara çıxmaq istəyir, amma bacarmır. Özünü gizlində saxlamaq bir gün günəş işığına çıxacaq ümidlərinin qığılcımlarıdır.

 

 

1. Çoxlarınız Yusif peyğəmbərin (ə) filminə baxmısız, orada Yusifin (ə) Allahından necə qorxduğunu da görmüsüz. O, bir çoxlarının xəyal edə bilməyəcəyi bir şəraitə düşmüşdü. Ona sahib çıxmış şəxsin həyat yoldaşı ilə başbaşa qalmışdı. Ya xəyanət yolunu, ya da acınacaqlı aqibəti seçməli idi… Yusif (ə) pis işdən imtina etməklə bir çoxunun “fürsət” bildiyi alçaqlığı seçmir, əksinə zindan və əziyyəti özünə qurtuluş hesab edir. “Heç kəs məni görmür” kimi bəhanəni işinə yarayacaq kimi əsas gətirmir. Yusif peyğəmbər bu səhnənin kimlər tərəfindən müşahidə olunduğunu, sabah bu əməlinə görə cavab verəcəyini yaxşı bilirdi.

 

2. Bir nəfər Peyğəmbərin (s) yanına gəlir. Allahın hər şeyi görüb-eşitməsi barədə sual verir. Hər şeyin Allah tərəfindən nəzarət altında saxlanıldığını, heç bir informasiyanın Ondan gizli qalmadığını, gizlində etdiyi əməllərdən gizlində qalmadığını öyrəndikdən sonra, əvvəllər etdiyi qəbih işlərə görə xəcalət çəkir, utanır və nəticədə ürəyi partlayır.

 

Maraqlıdır, bir məntəqədə kamera quraşdırılıbsa orada özümüzü sərbəst, ürəyimiz istəyən kimi aparmırıq, əməllərimizə diqqət edirik. İstəmirik ki, bizi ədəbsiz biri kimi tanısınlar. Hansı cinayətkar kamera görüntüsü altında cinayət edər? Yalnız həyasız və aqibətindən narahat olmayan kəs!

 

Unutmayaq ki, bir insanın aşkar və gizlində, xarici və daxili aləmində eyni olması hər zaman təqdir edilmişdir. Bir insanın bir üzü varsa onun kamillik mərhələlərini uğurla keçməsi daha da asanlaşır.

 

Fərid Abdullah

 

Səslərin sayı: 0
2
783
Loading...
Şərhlər
Offline
Banu elizade
allahim her kesin gunahini bagisla y arabbim
18 aprel 2017 22:08
Offline
Banu Elizade
Allah haminin gunahindan kecdin Amin
18 aprel 2017 19:06
Məlumat "Qonaq" kimi daxil olan ziyarətçilər saytda şərhlərin bildirə bilməzlər.Zəhmət olmasa qeydiyyatdan keçin və ya öz hesabınızla sayta daxil olun!
Son yazılar
Son şərhlər
  • Uşaqlara baxan ana ilə atanın fərqi

    Həqiqətin əks olunduğu şəkillərdir
  • Selfi çəkməmək üçün fərqli üsuldan istifadə edən ailə

    Çox maraqlı görünür. Şəkillərdə öz emosiyalarını əks etdirə bilirlər.
  • Nəsillərin söyünc nəsihəti

    21-ci əsrdə hələ də bu cür ailə "münasibətləri" davam edirsə, inkişaf dövrümüz nə zaman olacaq? İnsan özünə hörmət qoymasa, qarşısındakına da qoymaz. Ailədə kişinin qadına münasibəti necədirsə, uşaqları da gələcəkdə öz ailəsində eyni münasibəti davam edir. Nəyisə dəyişmək istəyiriksə, elə özümüzdən başlamalıyıq.
  • Möcüzəvi saçlı bacılar

    IcebergBiri niyə həmişə sağa yığır saçını?Mənə də o qəribə gəldi. Uşaqlıq şəklində eyni yığırmışlar. IcebergBiri niyə həmişə sağa yığır saçını?Mənə də o qəribə gəldi. Uşaqlıq şəklində eyni yığırmışlar.
  • Xoşbəxtliyə səsləyən müəlliflərin öz aqibətləri

    Bəzən elə insanlar olur ki, ətrafındakılara, ümumiyyətlə, cəmiyyətə gözəl nəsihətlər edir, onları doğru yola çağırır. Bunun nəticəsində isə insanlar əməllərini düzəldərək Allaha yaxınlaşır. Lakin həmin şəxsin özü isə dediklərindən nəticə çıxarda bilmədiyi üçün həyatını məhv edir.
  • 10:12 - Müəllif: Iceberg
    Analar və qızları (9)

    Analar və qızları

    Uşağın kefi yoxdur deyəsən ))))))))))
  • 09:56 - Müəllif: Iceberg
    Möcüzəvi saçlı bacılar (3)

    Möcüzəvi saçlı bacılar

    Biri niyə həmişə sağa yığır saçını?
  • İllərin təsirini göstərən şəkillər

    Nəsə neqativ təsir etdi bu şəkillər mənə..
  • Uşaqlara baxan ana ilə atanın fərqi

    Bu xəbərə çox güldüm.
  • Ağcaqanad dişlədiyi yerə təbii üsullar

    Ağcaqanadlarla mübarizədən yorulmuşam, qızıma pis təsir edir
Maraqlıdır
Hansı fəsili daha çox sevirsiniz?
Yaz
Yay
Payız
Qış