Vətən, torpaq uğrunda canından keçənlər, özlərini fəda edənlər ölmürlər. Aylar, illər keçdikcə, onların göstərdikləri igidliklər dillərdə gəzir, nəsillərdən-nəsillərə ötürülür. Beləliklə, xalq öz qəhrəman övladlarına qəlbində əbədi heykəl ucaldır.
Azərbaycanın ərazi bütövlüyü uğrunda gedən döyüşlərdə həlak olan oğul və qızlarımızın adını əbədiləşdirmək, xatirəsini əziz tutmaq üçün ölkəmizin bütün bölgələrində abidələr qoyulur, bulaqlar tikilir, parklar salınır.
Təəssüf ki, şəhid adının əbədiləşdirilməsi məqsədilə qoyulan bəzi abidələrin, tikilən bir sıra bulaqların ətrafında baxımsızlıq ucbatından xoşagəlməz mənzərə yaranıb. Bu mənzərə ilə rastlaşanda çoxumuz, xüsusən də şəhidin yaxınları sözlə ifadə olunmayan sarsıntı keçirirlər.
Bəzi qurumlar isə aşağıda göstərilən tələbləri əllərində bayraq tutaraq bildirirlər ki, küçələrdə və məhəllələrdə qoyulan şəhid abidələrinə nəzarət mexanizmi mövcud deyil. Onlara həssas münasibət əhali və şəhidin yaxınları tərəfindən olmalıdır.
Milli.Az modern.az-a istinadən xəbər verir ki, "Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları" Nazirlər Kabinetinin 10 saylı qərarı ilə 1994-cü ilin yanvarın 15-də təsdiq edilib.
Qərara əsasən, şəhid adını əbədiləşdirmə məqsədilə yerli rayon (şəhər) icra hakimiyyəti orqanları aşağıdakı tədbirləri həyata keçirirlər:
- iki dəfə Azərbaycanın Milli Qəhrəmanı olan şəhidlərin büstlərini qoyurlar:
- Azərbaycanın Milli Qəhrəmanı olan, habelə vətən uğrunda döyüşlərə görə azı iki ordenlə təltif olunan şəhidlərin adlarını küçələrə, meydanlara verirlər, təşkilatlara, müəssisələrə, hərbi və mülki gəmilərə verilməsi üçün Azərbaycan Respublikasının Nazirlər Kabineti qarşısında vəsatət qaldırırlar.
Bəs bununla bağlı qanunvericilikdə hər hansı bir dəyişikliyə ehtiyac varmı?
Şəhidin adının əbədiləşdirilməsi üçün daha nə etmək lazımdır?
Məsələ ilə bağlı Mili Məclisin Hüquq siyasəti və dövlət quruculuğu komitəsinin üzvü Çingiz Qənizadə sayta açıqlama verib.
Deputat hesab edir ki, "Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları haqqında" qanuna dəyişikliyin edilməsinə ehtiyac yoxdur.
"Şəhidlərin adları yaşadıqları ərazilər üzrə əbədiləşdirilir. Milli Qəhrəman və digər şəhidlərimiz adlarının əbədiləşdirilməsi ilə bağlı bu gün qüvvədə olan qanunvericilk normalarını normal hesab edirəm. Nəzərə almaq lazımdır ki, biz hazırda müharibə şəraitindəyik. Bizim hələ nə qədər qəhrəmanlarımızın və şəhidlərimizin olması sual altındadır. Ona görə də qanunvericilikdə tənzimləmə hələ ki normaldır".
Çingiz Qənizadə deyib ki, çox təəssüflər olsun ki, bəzi yerlərdə baxımsızlıq ucbatından xarabalığı xatırladan şəhid abidələri və bulaqlar var.
"Mən onu yerli qurumların vicdanına buraxıram. Biz o şəhidlərin xatirəsinə görə həmin obyektlərə xüsusi diqqət yetirməliyik. Əgər xoşagəlməzlik varsa, belə hallar yerli qurumların öz məsuliyyətsizliyindən irəli gəlir.
Bu məsələdə şəhid ailələrinin özləri tərəfindən də xüsusi diqqət və qayğı olmalıdır. Amma hər halda, yerləşdiyi ərazidən asılı olmayaraq müəyyən dövlət strukturlarının bu məsələyə diqqəti olduqca vacibdir. Bu diqqət bizim şəhidlərimizə və qəhrəmanlarımıza hörmətin bir əlaməti olar".
Deputat qeyd edib ki, istənilən şəhidin adı əbədiləşdirilə bilər.
"Bunun üçün müəyyən olunmuş qaydadan kənar müvafiq icra hakimiyyəti orqanları həmin ərazidə küçənin, məktəbin, bağçanın adının şəhidə verilməsi ilə bağlı yerli qurumlar səviyyəsində Nazirlər Kabinetinə məktub göndərməlidir. Nazirlər Kabinetindən müsbət cavab alındıqdan sonra isə həmən yerlərin biri şəhidin adına əbədiləşdirilə bilər. Biz bu praktikanı artıq yerlərdə tətbiq etmişik".
Milli.Az
XƏBƏR LENTİ
Hamiləliyin 9-cu ayında nələr olur?
Yumurta salatı (foto resept)
Müdafiə Nazirliyi düşmənin daha bir yalanını ifşa etdi
Məkkədə zəvvarlar şoka düşdülər
Kosmosdan Azərbaycanla bağlı paylaşım
Ermənilər Tərtəri atəşə tutur: Yaralılar var
32 uşaq atası: “Hədəfim 50 övladdır”
Müştərinin evində kosmetik xidmətlərə icazə veriləcək
HAVA necə olacaq? 5 İyul
Məşhurların böyüyən ailəsi
Putindən növbəti Qarabağ addımı
Evlilik ildönümlərini belə qeyd etdilər
Alman tortu (foto-resept)
Müğənni videosuna görə evdən qovuldu
Sirli təbiət-Hissə 2
Hülya Avşar işləyən anaları tənqid etdi
Qadın.Netlə birlikdə hamiləlik (36-cı həftə)
“Küləklə sovrulanlar” filmi ekranlara qayıdır
Qırmızı kəmər incə belə dar gələr
Sevgilisinə 50 min dollarlıq sırğa bağışladı
Türkiyənin Milli Müdafiə Nazirliyi Azərbaycanı Milli Dirçəliş Günü münasibətilə təbrik edib
Sahib olmağımız lazım olan 4 dost modeli
Gözəl bədən üçün ən xeyirli qida məlum oldu
İtaliya ölkəmizə yeni səfir təyin etdi
Xəstəyə ölmüş insanın ürəyi köçürüldü
Yeni 100 dollarlıq əskinaslar dövriyyəyə buraxılacaq
Bu qidalar baş ağrısına səbəb olur
Hamiləlik zamanı ürək bulanmasını necə azaltmalı?
Nazirlikdən tədris ilinin başlama tarixi ilə bağlı AÇIQLAMA
Azərbaycanda hansı benzinin qiymətində dəyişiklik ola bilər?
Xarici Kəşfiyyat Xidmətinin rəisinə general-polkovnik ali hərbi rütbəsi verilib
Mehriban Əliyeva Əlibaba Məmmədovu 90 illik yubileyi münasibətilə təbrik etdi
Xarici turistlər bölgələrə axın etməyə başladı
“Google” mobil operator olmaq istəyir
Günün ulduz falı
Naringinin xassələri alimləri heyrətə salıb
Uşaqları zəhmətə necə təşviq etməli?
Ayda qeyri-adi obyekt aşkarlandı-FOTO
Düyü şorbası (foto resept)
Çatışmayanı tap
Azərbaycan 900 yeni vaqon alacaq
Aktrisa Türkiyə qanunlarını dəyişdirdi
Qarabağı bu ölkənin ordusu azad edəcək
Yardımlıda yeraltı su mənbələri axtarılacaq
Şəhid Çingiz Qurbanovun nəşi geri qaytarılıb
Teledərslərin sabaha olan cədvəli açıqlandı
Dünyanın ən maraqlı 4 şəfalı su hövzələri
Uşağın oğlan və ya qız olmasının bəzi əlamətləri
Timoşenko koronavirusa qalib gəldi
Yataq dəstləri