Bakıda hava 14°
USD 1.7025 AZN
EUR 1.8627 AZN

"Aclıq" dramı (hekayə)

"Aclıq" dramı (hekayə)

Son günlərdə Salehin beynində tək bir fikir dönüb-dolaşırdı – "Getmək, yox olmaq vaxtıdır!" Kaş qanadları çıxardı, göy üzünə yüksəlib uçduqca uzaqlara gedərdi, dərdlər, kədərlər, acılar, uğursuzluqlar, hamısını bir-bir arxasında buraxardı, dincələ bilmək üçün.

Ah, bəlkə bu yolla xilas olacaqdı düşdüyü quyunun dibindən. Axı necə düşdü ora? Özündən bu qədər əmin olduğu halda buna necə yol verdi? İndi neyləyəcək, nə cür çıxacaq?

Aylar öncə bir kitab sərgisində rast gəlmişdi o qadına. Tanınmış yazıçılardan birinin yeni nəşr olunmuş kitabı haqqında danışırdı. Adət etdiyi kimi onu da zehnində "qurbanlar" siyahısına əlavə edərək, ürəyində "tezliklə bunu da əldə edəcəm" demişdi. Sərgiyə tək gəlməmişdi, yeni tanış olduğu və etibarını qazanmağa çalışdığı bir qadınla gəlmişdi. Danışan qadını heyran dolu baxışları ilə izləyərkən, yanındakı qadının qısqanclıq hissi keçirməsini də gözdən qaçırmadı və bu, çıxış edən qadına qarşı marağını bir qədər də artırmış oldu. Sərgidən çıxmazdan əvvəl fürsət tapıb onun ad və soyadını öyrənməyə müvəffəq oldu.

Bu cür macəralarını ya işdən sonrakı saatlarda, ya da istirahət günlərində yaşaya bilirdi. Gəncliyində yaşadığı hislərinin xəyanətə uğramasının, yarım qalmış arzularının intiqamını bu yolla çıxarmağa çalışırdı. Bəlkə də haqlı idi, axı gənclik çağını peşmanlıq duymadan xatırlayan insan xoşbəxt olmalıdır.

Etdiyi əməllərə görə heç də vicdan əzabı çəkmirdi. Hətta maraqlı olsun deyə, hər yeni sərgüzəşti zamanı ədəbi əsərlərdən oxuduğu qisasçı obrazlardan birinə bürünüb, qurbanlarını asanlıqla ram edir, müxtəlif vəziyyətlərdən zəhmətsiz sivişib çıxırdı. Buna həm də ixtisası kömək edirdi, iş fəaliyyəti onu xeyli ustalaşdırmışdı. Ona insan "sərrafı" da demək olardı.

Yeni macərasına kitab sərgisində öyrəndiyi ad və soyad məlumatlarını axtarmaqla başladı. Telefon nömrəsini əldə etsə də təcrübəsinə sadiq qalaraq, əvvəlcə sosial şəbəkədə ünsiyyət qurdu. Ünsiyyət çətin başa gəlmədi, insanlara özlərini xüsusi hiss etdirməyi, güclü cəzbetməni bildiyi üçün bu mərhələni tezliklə aşmış oldu. Hadisələr istədiyi axarda gedirdi. Ancaq qadınla bir neçə gün söhbətdən sonra daxilini, əvvəlcə qəribə bir narahatlıq hissi bürüdü, ardınca isə onu xoş bir həyəcan sardı. Narahatlıq hissi ona görə idi ki, sanki daş qayaya rast gəlmişdi. Manipulyasiya, idarəetmə, üstün olma cəhdləri Salehdə əvvəlki kimi alınmırdı. Elə bil boğazında nəsə tıxanıb qalmışdı. Qarşısındakı adi bir xanım deyildi, təəccüblənmişdi, bildikləri ilə eyni intellektə, bəzi məqamlarda ondan daha üstün qabiliyyətlərə sahib birisi idi. Atdığı addımlarının fərqində idi.

Həyəcan hissinin isə haradan və necə yarandığını bilmədi, bəlkə də bu cür qarşılaşmanı gözləmədiyi üçün idi. Uzun illər əvvəl ruhunu, qəlbini oxşayan, ağlını əlindən alan o gözəl, ülvi hiss və duyğuları sanki yenilənmişdi. Qadınla danışdıqca ayaqları yerdən xəfifcə üzülür, qanadlanıb göy qurşağına tərəf uçmaq hissinə qapılırdı. Nə baş verirdi? Özü də anlamırdı. Seçdiyi "qurban"ını ələ keçirməyə gəlmişkən, özü qurbana çevrilirdi yoxsa? Getdikcə vəziyyət nəzarətdən çıxırdı. Özünü Günəşin cazibəsinə tab gətirməyən planetlərdən biri kimi gücsüz hiss edirdi, ancaq bu halından məmnun idi. Artıq "qadın ovçusu" rolunu buraxıb  səmimi  və hiss etdiyi şəkildə etiraflar etməyə başlamışdı. 

"Aclıq" dramı (hekayə)

– Niyə özünüzə əzab verməyi xoşlayırsınız? Hislərinizi daxildə boğmağı harda öyrəndiniz, məgər rahibəsiniz? – Saleh təngə gəlib soruşdu.

– Rahibə ha! Bəlkə robot deyək? – qadın cavabladı.

– Beyninizə gələn düşüncələri cücərti halında ikən məhv edirsiniz. Mənim kimi vaxtı ilə axtardığınız və indi itirmək ərəfəsində olduğunuzu qorumaq istəmirsiniz. İnadkarlığınızın səbəbi nədir?

– O axtardığım və itirmək ərəfəsində olduğum şey nədir ki? –  qadın ərköyün tərzdə, həm də nazlanaraq güldü.

–  Gülün, gülün. Bir zamanlar belə bir səfehliyimin qurbanı olub ən gözəl hislərimi boşuna xərcləmişdim və indiyə qədər də onun zərbəsinin acısını yaşayıram, – Saleh üzüldüyünü gizlətmədi.

– Hislər, hislər. Sizə bir tövsiyə edim. İnsanlara və əşyalara bağlanmayın, hər şey qaydasında olacaq.

– Mən sizin kimi sevimli "robot" ola bilmərəm, – Saleh deyir.

– Başqa yolu yoxdur.

– Yol var... Yola çıxmağa cəsarət yoxdur, rahibə xanım. Və yaxud robot.

– Ən böyük cəsarət o yola çıxmamaqdır, cənab! – qadın xəfifcə özündən çıxmağa başladı.

– Həyatınızı məqsədsizliyə qurban verməyin! – Saleh də əsəbi görünməyə çalışdı, əslində kədərlənməsi onu ələ verirdi.

– Həyatımı necə yaşamağı mənə öyrətməyin!

– Çox qəddarsınız, lap imperator Kaliqula kimi!

– İpli-saplı dəliyəm, yəni?! Elə isə, bir dəliyə hislərdən bəhs etmək nəyinizə lazımdır? – qadın güldü.

– Heç özüm də bilmirəm, – Saleh qüssələnməyə davam etdi.

Bu cür dialoqlar günlərcə davam etsə də Saleh danışıqları qəsdən uzadırdı. Ona yol görünmüşdü artıq. Buna baxmayaraq, üzüntülər içində qadınla ünsiyyəti bir az daha artırmağa cəhd edirdi. Getməməsi ürəksizliyindən deyildi, sadəcə buna hələ özünü tam hazır hiss etmirdi. Daxilində özü ilə çox danışmağa başlamışdı. Sıx-sıx bu fikirləri təkrarlayırdı:

Tale sevgi dolu insanları rastlaşdırır, onlar isə heç bir işə yaramayan "ağıllı" mühakimələri ilə hər şeyi korlayırlar.

Heç bir zaman özündən əmin olma. Elə yaşa ki, başqaları səndən əmin olsun!

Saleh gəncliyindən bu yana yaşadıqlarından dolayı daxilində bir boşluq gəzdirirdi. Sərgidə rastladığı qadınla tanışlıqdan sonra bu boşluğun hardasa dolacağına ümid bəsləyirdi. Ancaq nə yazıq ki, boşluq nəinki doldu, hətta bir qədər də böyümüş oldu. Elə bil Salehin içindəki uşaq hönkür-hönkür ağlayırdı: "Sevin məni, sevin, qaranlıqdan xilas edin!"

Birdən-birə özündən, əməllərindən diksinməyə başladı. Daxilindəki çirkabdan qurtulmaq üçün titrədi, üzərinə hopmuş iyrəncliyin yuyulması üçün dupduru su arzuladı. O suda tərtəmiz yuyunub arındıqdan sonra uzaqlara getmək, getmək, getmək... yox olmaq... istəyirdi.

"Aclıq" dramı (hekayə)

İçində nöqtə boyda da olsa, yaxşılıq toxumunu qoruyub saxlamağı arzulayırdı. Axı o çox şey istəmirdi, cəmi-cümlətanı bir miqdar sevgi... Baharın isti nəfəsində sevdiyi ilə birlikdə eşidəcəyi yarpaqlı budaqların səsinə qarışmaq... Əl-ələ tutaraq coşqun küləklərin çalxaladığı dalğalı sular üstündən bir-birinə bağlı ağır daşlar kimi dibə çöküb dincəlmək... Heç olmasa, ömründə bircə dəfə...

Saleh kamsız arzularını təkrar köksünə sıxıb uzaqlaşdı... 

Səslərin sayı: 2
12
1299
Digər yazılar
Şərhlər
Offline
My Page
en boyuk cesaret o yola cixmamaqdir.Cenab! air_kiss
5 yanvar 2017 22:48
Offline
Ceylan Mumoğlu
Elif...((,
Gulum,
Təşəkkürlər, xanımlar.
9 dekabr 2016 10:12
Offline
Gulum
Belə gənclərə sadəcə qurtulmagı arzu edirəm Bəlkədə sadəlövlüyündən həyatın acı oyununun qurbanı olub
8 dekabr 2016 20:46
Offline
Aydan
Tebrikler ceyla xanım yenıden sıze uğur
8 dekabr 2016 19:25
Offline
Ceylan Mumoğlu
Profıl bağlandı•٠·˙˙,
Təşəkkür edirəm.
8 dekabr 2016 11:51
Offline
Peri Musevi
Heqiqeten gözel alınıb davamı gelsin
8 dekabr 2016 10:22
Offline
Aida Ustaclı
Təşəkkür edirəm.))
8 dekabr 2016 00:52
Offline
Ceylan Mumoğlu
Aida,
Təşəkkürlər. Sizdən də bol-bol tərcümələr gözləyirik. Həm də yeni hekayələrinizə davam edin.
Uğurlar!
8 dekabr 2016 00:49
Offline
Aida Ustaclı
Çox gözəl alınıb. Qələminizə qüvvət. Cümlələr axıcıdır. Mövzu isə olduqca aktual mövzudur.
8 dekabr 2016 00:45
Offline
Ellada Babayeva
Ceylan Mumoğlu,
Siz sağ olun.
7 dekabr 2016 21:57
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Ceylan Mumoğlu
Ellada Babayeva,
Hekayəni oxuduğun üçün təşəkkürlər, Ellada.
7 dekabr 2016 17:27
Offline
Ellada Babayeva
Bu cür gənclər səhv addım atdıqları üçün tək qalmağa məhkumdurlar.
Tale sevgi dolu insanları rastlaşdırır, onlar isə heç bir işə yaramayan "ağıllı" mühakimələri ilə hər şeyi korlayırlar.

Bu fikirlə razı teyiləm. Sevgi xəyalında olan bir kəs ancaq belə düşünə bilər.
7 dekabr 2016 15:29
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Məlumat "Qonaq" kimi daxil olan ziyarətçilər saytda şərhlərin bildirə bilməzlər.Zəhmət olmasa qeydiyyatdan keçin və ya öz hesabınızla sayta daxil olun!
Son yazılar
Son şərhlər
  • 20:20 - Müəllif: Konul Meherremova
    Toy tortları (55)

    Toy tortları

    Hepsi bir birinden guzel allah hamiya nesib etsin
  • Avtomobil təkərindən dekorasiya

    Cox gozeldir 3ve 4cu ve axirdan 2 ci sekilleri beyendim amma umumide hamisida gewegdir tewekkurler
  • Düzgün ətir seçimi və istifadəsi

    Cox gozel etirdir tewekkurler maraqli melumat ucun
  • 15:36 - Müəllif: Tər Naz Elm Nur
    Qeyri-adi ayaqqabılar (1)

    Qeyri-adi ayaqqabılar

    Dogurdan da qeyiadidir goren geyinen var bulardan tewekkurler maraqli xeberdir
  • Avtomobil təkərindən dekorasiya

    Ayyy ne gözel bayıldım
  • Şampunlarınıza şəkər əlavə edin

    Mirçeyin elinden durmag olar
  • Azərbaycanın ilk ciddi evlilik tanışlıq saytı

    Real qalmisdi insani tanimag ucun qaldi sosyalda duzgun secim edesen cox cetindir.
  • Şampunlarınıza şəkər əlavə edin

    Aa ne yaxsi mende eliyimde onda cunki caclarim tez yaglanir tewekkurler maraqli melumat ucun canim yaxsi faydali melumatlar oturursuz istifadecilerimize
  • Azərbaycanın ilk ciddi evlilik tanışlıq saytı

    Salam Bakida yasayiram .Evli olmusam 1 ovladim var..Tehsilim var Qafqaz univer bitirmisem.Ama Biznesle mesgulam.Virtual tanisligin ciddiliyine inanan insanam .Xasiyyet ve xarakterime geldikde ise heyatda her insana guvenmirem, duzgunluyu sadeliyi sevirem, nece olsa da duz daniwan insani da bawa duwmeyi bacariram, yalan daniwan xanimla ise hec bir unsiyyetim alinmaz... Xanimin təhsili olsa işləsə ibadet etse yaxşı olar.Amma əsas insanlıgı olsun.Cox pul gorende kecmisin ve insanligi unutmasin.Pula mashina onem vermesin.Birdəki çox insan deyirki gözəllik önəmli deyil filan mənimçün 50/50 yəni xanım görnüşcə və xasiyyətcə gözəl olmalıdır.Burda ise yalniz kriteriyalarima uygun, ilk olaraq yalan daniwmayan, komplekslerden kenar, her weyi oldugu kimi ureyindeki sozu uze deyen, agilli, semimi sozun heqiqi menasinda ESL xanimla heyatda unsiyyet qurub tanimaq isterdim...AZE number active+994 70-327-6717 whatsaap aktivdir....istese Zengde ede biler.
Maraqlıdır
Sözün doğrusun de, ...
Hamı sağol desin
Yalan uzun çəkməz
Min atını çap
Tək gel eyvana
Get işini gör