İkinci hissə: İtalyansayağı didişmələr
Bütün bu uğurlara baxmayaraq, Borcia və Mediçi kimi şəxsiyyətlərin həmyerlisi olan Quccinin həyatı faciəvi hadisələr və sirli məqamlarla zəngin olub. Bədbəxt taleyi, maliyyə böhranı, nəslinin lənətlənməsi, daima davam edən mübahisələr sanki bitib-tükənmək istəmirdi. Mövcud olduğu 100 il ərzində «Gucci» Moda Evi əsil fashion-imperiyaya çevrilmişdi. İndi bəlkə də heç kimin ağlına belə gəlməz ki, aristokratiyanın dəbdəbəsi sayılan bu markanın adı altında vaxtilə yalnız sadə pul kisəsi və çamodanlar istehsal olunurdu. Amma sonradan başgicəlləndirici uğurlar və Quccinin varisləri arasındakı xoşagəlməz münasibətlər şirkəti məhvə aparıb çıxarır. «Gucci»nin Nyu-Yorkda yeni salonunun açıldığı bir vaxtda Aldonun oğlu Paolo Quççinin atasının maliyyə fırıldaqçılığı ilə bağlı tapdığı bəzi sənədlər böyük qalmaqallara yol açır. Belə bir vaxtda əmisi oğlu Maurisio onun tərəfdarına çevrilir. O zaman Paolonun heç ağlına belə gəlməzdi ki, bir müddət keçəndən sonra Maurisio əmisini və onun oğlanlarını ailə biznesindən uzaqlaşdırmağa çalışacaq. İtalyansayağı ailə dartışmaları, rəhbərliyindəki fikir ayrılıqları dərhal şirkətin gəlirlərinə öz təsirini göstərir. Artıq 80-ci illərin əvvəllərində moda evinin vəziyyəti təhlükəli həddə çatmışdı. Maurisio şirkətin məhv olmaması üçün aksiyaların 42%-ni satmaq qərarına gəlir. bununla yanaşı, o həm də məşhur «Gucci»nin loqotipi ilə məhsulların satışına icazə verən lisenziyaları kültəvi satışına başlayır. Bütün cəhdlərə baxmayaraq, şirkət 90-ci illərin əvvəllərində bir neçə dəfə ciddi böhran keçirir.
İflasa uğramaq təhlükəsindən isə «Gucci» möcüzə sayəsində qurtulur. Şirkətin xilaskarı rolunda Səudiyyə Ərəbistanının xarici işlər naziri, iri maliyyə şirkətlərinin rəhbəri və qiymətli qol saatlarının kolleksioneri çıxış edir. 1993-cü ildə Maurisio babasından qalan mirası ona satır, həmin ərəb isə «Gucci» şirkətinin kapitalı üzərində nəzarəti bütövlüklə ələ keçirir. Bu isə 90-cı illərdən etibarən «Gucci»nin artıq ailə mülkiyyətindən çıxması anlamına gəlir. Avantürist Maurisionun özünü isə 1995-ci ildə qısqanc həyat yoldaşının sifarişi ilə Milandakı ofisdə qətlə yetirirlər.
Üçüncü hissə: Maurisio kabusu
Maurisio Quççinin dostları iddia edirdilər ki, «Gucci» imperiyasının sonuncu varisi sağdır. o, sadəcə olaraq həbsdəki həyat yoldaşının kabusuna çevrilib. 46 yaşlı Maurisio 1995-ci il martın 27-də öldürülmüşdü. İstintaq nəticəsində məlum olmuşdu ki, qətli onun keçmiş həyat yoldaşı sifariş verib. Maurisio başqa qadınla evlənmək üçün onunla boşanmışdı. Törətdiyi cinayət əməlinə görə Patrisiya Recaini Quççi 26 il həbs cəzası almışdı. Sonradan qadın şikayət ərizəsi yazıb bildirir ki, səhhəti ilə əlaqədar onu Milanın «San Vittore» həbsxanasından çıxarsınlar və o, cəzasının qalan müddətini ev şəraitində keçirsin. Ondan iki il əvvəl isə Patrisiya elə yatdığı kameradaca özünü asmağa cəhd göstərmiş, amma onu xilas etmişdilər. Amma dostlarının «Maurisio lənəti» adlandırdıqları sirli xəstəlik keçmiş milyorder dizaynerin həyat yoldaşına heç cür rahatlıq vermirdi. Əlamətləri dəridəki səpkilər, boğaz qaşıntısı və ürəkbulantısı olan bu xəstəliyin simptomları Patrisiyanın şəxsi işini əlinə götürən hər bir hakimdə özünü göstərməyə başlayır. Nəticədə Patrisiyanın şikayət ərizəsinə heç kim baxa bilmir. Səhiyyə işçilərinin ehtimallarına görə, qadının düçar olduğu səpgilər sonradan mikroba çevrilir, həmin mikroblar isə onun Romadakı məhkəmə binasında saxlanılan şəxsi işində getdikcə çoxalmağa başlayır.
Dördüncü hissə: yeni yaranış
Quççio Quççinin övladları və nəvələri arasında sürən uzun dartışmalardan sonra 1994-cü ildə şirkətə hələ o qədər də məşhur olmayan gənc dizayner Tom Ford dəvət edilir. O, ayaqqabı, ətir, saat, bəzək əşyaları, ipək şərflərdən tutmuş maqazinin reklam işlərinə və interyerinə qədər hər şeydə yenilik edir. Tom Fordun həyata keçirdiyi bu eksperiment Hollivud ulduzlarının ürəyincə olur. Nəticədə 1996-cı ildə o, ilin ən yaxşı modelyeri, kişi və qadın geyimləri üzrə ən yaxşı dizayner və digər titullara layiq görülür. Şirkətin reytinqi yavaş-yavaş yüksəlməyə başlayır.
1997-ci ildə konsern İsveçrənin «Severin Montes» şirkətinin aksiyalarının bir hissəsini alıb saat istehsalına başlayır. 90-cı illərin sonunadək artıq «Gucci»nin nəzarətində «Yves Saint Laurent», «Sergio Rossi», «Alexander McQueen», «Ermenegildo Zegna», «Boucheron», «Van Cleef» kimi məşhur markalar var idi. 2004-cü ildə moda evinin illik dövriyyəsi 3,2 milyard dollar, təmiz gəliri isə 200 milyondan artıq idi. Cenifer Lopez, Rita Uilson, Tom Henks, Helen Hant, Stinq kimi məşhur simalar onun daimi sifarişçilərinə çevrilmişdilər. Yox yerdən yenidən var olan «Gucci» indi də moda aləminin ən yüksək zirvəsindədir. Bu işdə hamıdan çox zəhməti olan və işə şirkətin adi modelyeri kimi başlayan Tom Ford isə əvvəlcə dizayn üzrə menecer, 1994-cü ildə isə Don Mellounun yerinə keçərək bədii rəhbər vəzifəsinə yüksəldi. Əslində Ford yeni heç nə kəşf etməmişdi. Elə onun özünəməxsusluğu da bunda idi. Onun «Gucci»nin ilk vaxtlarda məşhur simalar üçün hazırladığı çanta və makasin istehsalını davam etdirirdi. Yeganə fərq həmin əşyaların artıq ipəkdən hazırlanmamasındaydı. «Ayaqqabı qarderobun əsas hissəsini təşkil edir» — bu, onun tez-tez təkrar etdiyi bir ifadə idi. Modelyer kostyumu tikməzdən əvvəl artıq hansı ayaqqabının yaraşacağını düşünürdü. Onun üçün bu işdə əsas rəng palitrasının düzgün seçilməsi idi. Təsadüfi deyil ki, qəhvəyi və rəngli ayaqqabıların istehsalı məhz Tom Fordun adı ilə bağlıdır. O, hazırladığı ayaqqabıların görünüşü, xüsusilə də kablukun forması üzərində də uzun-uzun düşünərdi. 1995-96-cı illərdə Ford ilin modelyeri fəxri adına layiq görülür. Elə təxminən həmin vaxtlarda 70-ci illərə həsr olunmuş və özündə, əsasən qəhvəyi və açıq-qəhvəyi rəngləri ehtiva edən yeni kolleksiya təşkil olunur. Sadəliyi və erotik nişanələri olan dəbdəbəni Tomdan başqa heç kim bir araya gətirə bilməzdi. 1997-ci ildə isə modelyer moda aləminə qızıl bəzək əşyaları bəxş edir. Onun hazırladığı qızıl aksesuarlar tünd rəngli geyimlərlə çox gözəl görünürdü. Müasir dövrdə «uniseks» adlandırılan stilin yaranma tarixi də məhz «Gucci» moda evinin adı ilə bağlıdır. Bundan başqa, Ford daima səyahətlərdə olan iş adamları üçün yeni kostyum modeli hazırlamışdı. O, hamını düşünürdü. Sadəlik və dəbdəbənin vəhdəti Fordun yaratdığı modellərin əsas əlaməti idi.
Gucci moda evi
Təəssüf ki, belə bir istedadlı insan «Gucci» moda evində uzun müddət işləyə bilmir. Tanınmış PPR(Pinault-Printemps-Redoute) yüksək gəlirləri olan şirkəti bütün aksiyalarını ələ keçirmək qərarına gəlir. 2004-cü ildə PPR-in «Gucci»nin yerdə qalan aksiyalarını ələ keçirir və 8,9 milyard dollar qarşılığında bütün şirkətin yeganə sahibinə çevrilir. Bununla da «Gucci»nin tarixində yeni bir eranın başlanğıcı qoyulur. Bir vaxtlar şirkəti böyük bir təhlükədən qurtarmış Ford və De Solee yeni rəhbərliklə dil tapa bilmədikləri üçün moda evini tərk edirlər. Amma onların əvəzinə gələn Cakomo Santuççi və Tom Mendenholl da şirkətin yeni sahibini qane etmir. Oktyabr ayının sonlarında həmin cütlük işdən qovulur. Moda evinin yeni dizayneri isə «Yves Saint Laurent» şirkətinin modelyeri Mark Li olur. Yeni rəhbərliyin gəlişindən sonra şirkəti yalnız Ford və De Solee tərk etməmişdi. Gedənlər arasında bir çox istedadlı mütəxəssislər, o cümlədən Aleksandr Makkuin də vardı. Amma sonrakı hadisələrin necə cərəyan etməsindən asılı olmayaraq, «Gucci» bu gün də moda aləminin ən nüfuzlu markası sayılır. Ümid edirik ki, bu hər zaman belə olacaq.
Müəllif: Zeynəb Rəhimova
Mənbə;Bona Mente juranlı
Bənzər xəbərlər...
XƏBƏR LENTİ
Günün qoroskopu: münasibətləri araşdırmayın
Elə et ki, üzr istəsin...
Qızılgülün faydaları
ÜST-dən virusun qida vasitəsilə yayılması barədə AÇIQLAMA
Uşaqlar üçün quru səhər yeməyi: ziyanlıdır, ya faydalı?
Mehmet Ali Erbilən xəbər var
Azərbaycanda hava şəraiti dəyişəcək
Bu qış canımız daha tez isinə bilər
Arda millidən çıxarıldı
Yeni doğulan körpə hər kəsi HEYRƏTLƏNDİRDİ-FOTO
Apple yenidən lider oldu
Saxta gün eynəklərini necə ayırd etməli?
“Samsung”un rəhbərinin övladları doqquz milyard dollar miras vergisi ödəməlidirlər
Cütlük 135 milyon dollar uddu
Dünyada İLK-Üzən supermarket istifadəyə verilir
Günün ulduz falı
AQTA koronavirusla bağlı gücləndirilmiş iş rejiminə keçdi - FOTO
Xanımlarımıza yad güllər
Sabah Azərbaycanda 650 min ağac əkiləcək
Analıq qadınlıqdan imtina etməkdirmi?
Bütün Türkiyə qara geyinəcək
Valideynlərə müjdə!
Ana və qız arasında konflikt: necə davranmalı
Günün qoroskopu:Uğurlu gündür!
Evlənmək üçün kişiyə PUL verən ölkələr-SİYAHI
Keti Perri plagiatda günahlandırılır
Aleyna Tilki Bakıda
Bəzi faktların elmi izahı
Möcüzə gel süni damarlar yaradır
Bürclərin romantik sirləri (son)
Məndən imtina etmə, ana!
Şahzadənin hər kəsi təəccübləndirən görüntüsünün sirri
Ekran yorğunluğunun qarşısını almaq üçün 3 üsul
3 günə 3 kiloqram arıqladan şaftalı pəhriz
Fikirlərimizi necə ifadə edək?
99 yaşlı veteran koronavirusla mübarizə üçün 8 milyon avro yığdı
Məşhur aktyora 17 illik həbs cəzası
Şok! Marketdən alınan banandan əqrəb çıxdı
Özünü kişi cildinə salan məşhur aktrisanı tanımadılar - FOTO
Sızanaqlar üçün 3 maska
HAVA necə olacaq?
Cəmi 8 həftəyə artıq kilolardan qurtulmaq istəyirsiniz?
Dəvə hərracda 30 minə satıldı - Foto
Bu gün Azərbaycanda buraxılış imtahanı keçirilir
Hadisədən “Bahar hissləri” paylaşımı - FOTO
Azərbaycanın 45 saniyəlik reklamı (VİDEO)
Dünyanın ən böyük qızıl külçəsi tapılıb - FOTO
2 uşaq anası olduğuna heç kim inanmır - FOTO
Rezidenturaya qəbul olanların siyahısı açıqlanıb
Pərəstişkarı onun üçün kitab yazdı
- ŞƏRHLƏR