Son aylar dərman qıtlığı ilə bağlı narazılıqlar tez-tez eşidilir. Xəstələr həkimin təyin etdiyi dərmanları almaq üçün şəhərin bütün apteklərini gəzməyə məcbur olurlar. Apteklər tapılmayan dərmanların əvəzedicilərini təklif edir, həkimlər isə əvəedicilərin istənilən effekti vermədiyini söyləyir. Sentyabrın əvvəlindən isə şəkər əleyhinə preparatlar, hətta ağrıkəsicilər "yoxa çıxıb".
Milli.Az virtualaz.org-a istinadən bildirir ki, Rusiya istehsalı ağrıkəsicilər, şəkər əleyhinə preparatlar satışda yoxdur.
"Əvəzləyicilərini təklif edirik"
Metronun "Neftçilər" stansiyasının yaxınlığındakı aptekdə əczaçı təqdim etdiyimiz reseptdəki dərmanların əvəzləyicilərini təklif edir. Hətta ağrıkəsici kimi istifadə edilən "Tempalgin", antibiotik olan "Tetrasklin" məlhəmi satışda yoxdur.
Yaxındakı aptekdən isə ağrıkəsici və qızdırma əleyhinə istifadə olunan "Nurofen" həblərini soruşuruq. Bəlli olur ki, sentyabrın əvvəlindən bu həb verilmir. Bəzi apteklərdə isə 5 qramlıq "Aktovigen" iynəsi tapılmır. Baxmayaraq ki, Tarif Şurası qiymətləri tənzimləyərkən bu iynənin qiyməti artırılıb. Əvvəllər 17 manata satılan iynə hazırda 19-20 manatadır.
Bu dəfə başqa istiqamətə, metronun "Memar Əcəmi" stansiyasının yaxınlığındakı apteklərə üz tuturuq. Bəlli olur ki, zob əleyhinə istifadə olunan "L tiroksin 50 mq", "L tiroksin 100 mq" həbləri də "yoxa çıxan" dərmanlar sırasındadır. Ağrıkəsici "Diklofenak", "Spazmalqon" həbləri də satışda yoxdur.
Binəqədi rayonu, 6-cı mikrorayonda yerləşən "Zeytun" aptekində satıcı işləyən Elmira Məmmədova artıq neçə vaxtdır ki, bəzi dərmanların verilmədiyini təsdiqləyir. "Apteklərdə levomisetin, penisillin dərmanları neçə vaxtdır ki, yoxdur. Təzyiq üçün istifadə edilən "Korinfar", "Tempalgin", "Bor turşusu" da satışdan yığışdırılıb. "Nurofen" həbləri bir neçə gündür ki, satışa verilmir.
Metronun "20 yanvar" stansiyasının yaxınlığındakı apteklərdən Rusiya istehsalı olan "İbuprofen" axtarırıq. Əksər həkimlərin uşaqlara məsləhət gördüyü bu dərman çoxdandır ki, satışda yoxdur.
"Məsələn, qarnı ağrıyan xəstələrə "İmodium" təklif edirik. Düzdür, bu dərman "Levomisetin"i tam olaraq əvəz eləmir. Çünki "Levomisetin" özü antibiotikdir və daha yaxşı təsir edir. Bu dərmanın əvəzedicisi "Tetrasiklin"dir. Amma o da uğursuz əvəzedicidir. Həm də uşaqlara verilməsi məsləhət görülmür", - Respublika Klinik Xəstəxananın yaxınlığındakı aptekin satıcısı yaranmış vəziyyəti izah edir.
Dərman var, amma...
"Həkim mədə ağrılarına görə dərmanlar təyin edib. "Neksium" həblərini yalnız müəyyən apteklərdən tapmaq mümkündür. Artıq 3 aptek gəzmişəm, deyirlər ki, metronun "Qara Qarayev" stansiyasının yaxınlığındakı "Elita" aptekində var. Tapılmayan dərmanları yalnız bir neçə aptekdən almaq olur".
Bunu deyən alıcı Samir Abbasov Respublika Klinik Xəstəxanasının yaxınlığındakı apteklərdən həkimin təyin etdiyi bütün dərmanları ala bilmədiyindən şikayətlənir.
Digər alıcı isə "Beklagen" məlhəmi istəyir və "yoxdur" cavabı alaraq apteki tərk edir.
Xərçəng xəstəliyinin müalicəsində istifadə olunan "Oksiprogesteron" iynələri də müəyyən apteklərdə yoxdur. "Anama bu dərmanlardan təyin ediblər. Həkimə əvəzedicisini yazmasını xahiş etdim, dedi ki, çalışın, bundan tapın. Bakıdan Sumqayıtadək neçə aptek gəzmişəm, yalnız bir aptekdə dərman oldu, o da ki müalicəyə yetməyəcək", - əczaçının cavabından narazı qalan satıcı gileylənir.
"Apteklərə dərman verilir"
"Avromed"dən satışda olmayan dərmanlarla bağlı sualımıza qısa cavab verməklə kifayətlənirlər. "Zeytun" apteklər şəbəkəsi isə yazılı müraciət tələb edir. Adının açıqlanmasını istəməyən firma nümayəndəsi dərman qıtlığını dolların bahalaşması ilə əlaqələndirdi. "Dərmanların qiyməti dövlət tərəfindən tənzimlənir. Dollar bahalaşandan sonra daha ucuz dərman gətirməyə çalışırıq".
Səhiyyə və İqtisadiyyat nazirlikləri dərman qıtlığı ilə bağlı deyilənlərlə razılaşmır. "Satışda kifayət qədər əvəzedicilər var", - Səhiyyə Nazirliyindən belə deyirlər. İqtisadiyyat naziri Şahin Mustafayev də mətbuata açıqlamasında dərman çatışmazlığının olmadığını söyləyib.
Qeyd edək ki, Tarif Şurası tərəfindən 9850 dərman vasitəsinin qiyməti təsdiq edilib. Sentyabrın 1-dən qiymətləri təsdiq edilməyən dərman vasitələrinin satışına qadağa qoyulub. Həmin dərmanların satışı qiymətləri təsdiq olunduqdan sonra həyata keçiriləcək. Bütün dərmanların qiyməti təsdiqlənəndən sonra dərman qıtlığı ilə bağlı problem olmayacağı vəd edilir. Gözləyirik...
Milli.Az
XƏBƏR LENTİ
Təhsil naziri iki şöbə müdirini işdən çıxardı
Ramazan ayının 11-ci gününün duası - İmsak və iftar vaxtı
Bayden Rusiyanı hədələdi: “Əgər qalib gəlsəm...”
Medvedev: "Rusiya tənəzzülə uğraya bilər"
Selin Şekerci ilk dəfə onunla görüntüləndi-FOTO
Rola görə inanılmaz dəyişikliyə məruz qalanlar
Prezidentdən manat açıqlaması
DİQQƏT: “ASAN xidmət” 4 gün işləməyəcək
I sinfə qəbul dəyişir
Merve Boluğur müflis oldu
Özümüzü tanıyırıqmı?
Turist qadınları öldürənlər cəzalandırıldı-FOTO
Sosial şəbəkədə istifadəçilərinə müraciət edildi
Ənliklərdən ənlik bəyənə bilmirsinizsə
“Facebook” sifətləri tanıyan startapı aldı
İmtahanın nəticələri AÇIQLADI
Sahibkarlardan İlham Əliyevə müraciət
Bir maşının neçə sürücüsü ola bilər?
Sağlam qidalanma proqramı
Prezident İlham Əliyev yenidən jurnalistlərin dostu seçildi
İcbari tibbi sığorta xidmətlərinə nələr daxildir? - SIYAHI
Azərbaycanın futbol klublarında yenilik
"Cəbhə xəttindəki gərginlik Formula 1-ə təsir etməyəcək"
Hamiləlikdə qidalanma
2012-ci ilin hamilə paltarları
Tuba Büyüküstün SAÇ STİLİNİ dəyişdi - FOTO
17 illik rəfiqələr bacı olduqlarını öyrəndilər-FOTO
Azərbaycan millət vəkilləri Brüsseldə keçirilmiş “Parlamentlərdəki qadınların Qlobal Forumu” adlı Zirvə Toplantısında iştirak etmişlər
Nazirlikdən 66 şagirdin durumuna münasibət
38 uşaqlı ana: "Daha övlad sahibi olmaq istəmirəm" - FOTO
Gecə geyimləri
Hava haqqında - 14.02.2014
Birinci xanım Mehriban Əliyevaya Veliko Tırnovo şəhərində fəxri vətəndaş və fəxri doktor diplomları təqdim edilib
Möhtəşəm üzük modelləri
Uşaq telefonu təklifi hələ öyrənilir
Mənim seçdiklərim
Uşağınızı cəsarətləndirmək üçün 20 ifadə
Dəbli kişi gödəkçələri
Xanımların sevimli geyim aksessuarı
Sirkdən heyvanları yığışdırdılar - ŞOK QƏRAR - FOTO
Bir-birini başa düşməyən ailənin yükünü kim çəkir?
Günün qoroskopu: Qəfil görüş, məktub, telefon zəngi ola bilər
Cennifer Lopez məktəbli "forması" geyindi- FOTO
Prezident “AzerGold”a üç milyon manat vəsait ayırdı - SƏRƏNCAM
Məşhurlar və övladları
Qızınıza söyləməməniz lazım olan 10 söz
2012-nin stil ikonları
Bu rayonlarda qaz kəsiləcək
SƏNİ SEVMƏK
500 milyon smartfon təhlükə altındadır