Bakıda hava 14°
USD 1.7000 AZN
EUR 1.9478 AZN
13:25Sima cumemiz xeyirli olsun 10:45PERI herkese gunaydinnn 09:20Xəyalə Murad Sabahınız xeyirli,Cüməniz mübarək olsun,Əziz Qadin.Netlilər!
39443

İlk gözəllik salonu necə yaranıb?

İlk gözəllik salonu necə yaranıb?

İndiki dövrümüzdə bütün dünyada gözəllik salonları çoxluq təşkil edir və günbəgün də artmaqdadır. Müasir dövrdə elə adam tapılmaz ki, bu salonların xidmətindən istifadə etməmiş olsun.

Çoxumuz elə bilirik ki,  bu gözəllik salonları ilk dəfə dəblər mərkəzi sayılan Avropada istifadəyə verilmişdir. Amma bu heç də belə deyil. Qeyd etmək lazımdır ki, ilk gözəllik salonu Avropada deyil, uzaq Avstraliyada- Melburnda yaradılmışdır. Bu  salon ilk fəaliyyətinə bir banka üz kremi ilə başlamışdır...

 XIX əsrin sonlarında əslən Polşanın Krakov şəhərindən olan Tibb Universitetinin tələbəsi olmuş Yelena Rubinsteyn ölkəsini tərk edərək Avstraliyaya yollanır. Yola düşməzdən əvvəl anası özünə hədiyyə edilmiş bir banka üz kremini də qızının çantasına qoyur…

 Yelena Melburna yola düşür. Melburna çatan kimi yerli əhalinin günəşdən yanıb bozarmış və codlaşmış saçları və üzləri onun diqqətini çəkir. Onun fikirinə anasının ona qoyduğu üz kremindən səmərəli istifadə etmək ideyası gəlir.

 Yelena Melburnun mərkəzindəki restoranda ofisiant işləməyə başlayır. Restorana gələn müştərilərə, əsasən də, tanınmış, imkanlı qadınlara yeməklərlə bərabər özü ilə gətirdiyi üz kremini də təklif etməyə başlayır və onlara kremdən istifadə qaydalarını da başa salır.

 Yelenanın “krem müştəriləri” o qədər çoxalır ki, o, Melburnun mərkəzində iri bir zalı icarəyə götürərək ayrıca bir gözəllik salonu açmaq qərarına gəlir. Belə olan halda, Yelena Polşadan Avstraliyaya böyük miqdarda krem sifariş edir. O, Melburnun mərkəzində “Yelena Rubinşteyn: Kosmetika salonu” adlı bir salon açır və fəaliyyətə başlayır. Müştərilərinin hədsiz dərəcədə çoxaldığını görən Yelena özünə gigiyena və massajdan başı çıxan iki işçı götürür və Sidney şəhərində özünün  2-ci  salonunu açır. 

İlk gözəllik salonu necə yaranıb?

 XX əsrin əvvələrində Yelena Avropanın ən yaxşı məktəblərində və klinikalarında dermatologiyanın, plastik əməliyyatın, dietologiyanın, gigiyenanın, dişlərin ağardılması, bərbər sənətinin və s. sirlərinə dərindən yiyələnəndən sonra Avropanın bir çox yerlərində universal kosmetika salonları açmaq qərarına gəlir.

1908-ci ildə Yelena Londonda  kosmetika salonu açır və salon çox tez bir müddətdə populyarlıq qazanır.  Daha sonra o, Parisdə “Yelena Rubenşteyn” adlı bir universal kosmetika salonu açır. 1915-ci ildən başlayaraq, Yelenanın “kosmetika salonu” biznesi Yeni Dünyaya – Amerikaya da “ayaq açır.”  Nyu-Yorkda “ Kosmetika sarayı” adlı salon fəaliyyətə başlayır. Bu salonun 1 saatı müştəriyə 17-18 dollara başa gəlirdi. 8 saatlıq seans 150 dollara idi. Həmin vaxtlarda bu məbləğ — böyük bir məbləğ idi. Burada kosmetik massaj, duş qəbulu, müalicəvi vannaların qəbulu, fiziki qimnastika (aerobika) xidmətləri göstərilirdi və sonda bərbərlər tərəfindən müştərilərin saçlarını son dəbdə düzəldərək yola salırdılar. Bu salonda bir dəfə olan hər kəs daimi müştəriyə çevrilirdi. Tez bir müddətdə populyarlaşan kosmetika salonu Amerikanın digər şəhərlərində də fəaliyyət göstərməyə başlayır. Yelena tezliklə Bostonda, Filadelfiyada, Çikaqoda, San-Fransiskoda, Vaşinqtonda da salonlar açır... 
Yelena Rubinşteyn ömrünün sonunadək kosmetologiya sahəsində çox böyük işlər görmüş, kosmetologiyaya bir çox yeniliklər gətirmiş və böyük töhfələr vermişdir. Onun adını daşıyan “Helena Rubinşteyn” kremləri kosmetologiyada ən populyar kremlərdəndir... Avtraliyanın Melburn və Sidney şəhərlərində fəaliyyət göstərən kosmetika salonlarının əksəriyyəti Yelena Rubinşteynin adını daşıyır.
Səslərin sayı: 0
2
1385
loading...
Şərhlər
Offline
S U S E N _BACI
ox maraqliydi tesekur edire sagol nermin
10 avqust 2016 21:14
Offline
29 iyul 2016 17:20
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )