Bakıda hava 31°
USD 1.7000 AZN
EUR 1.9478 AZN
12:25Feride Hamiya salam xoş istirahətlər 07:55Xəyalə Murad Sabahınız xeyirli,gününüz uğurlu olsun,Əziz Qadin.Netlilər!
40609

Həyatın dilemması (həyat hekayəsi)

Həyatın dilemması (həyat hekayəsi)

Bu yaxınlarda inetrnetdə tanış olduğum bir türk rəfiqəmin həyat hekayəsini dinlədim. O qədər təsirləndim ki, sizlərlə də bölüşmək qərarına gəldim. 

Rəfiqəm M. 31 yaşında, 2,5 ildir ailəlidir. Yoldaşı ilə iki il tanışlıqdan sonra sevərək ailə qurublar. Dediyinə görə hələ də yoldaşını çox sevir. 

Hər mövzuda bir-birilərini tamamlayan cütlükdür. Yoldaşının da onu sevdiyinə inanır və hiss edir. Bu zamana qədər aralarında çox az hallarda mübahisə, yaxud dava-dalaş olub, o da xırda məsələlər üstündə. Hər şeyi danışaraq həll etməyə üstünlük verirlər və əsəbi ikən qəti hərəkət etməməyə çalışırlar. Yaşıddırlar. Rəfiqəm öz ailəsinin tək qızıdır, yoldaşı da öz ailəsinin tək oğludur. Ailələri ümumi mövzularda anlaşırlar və heç bir problemləri də yoxdur. Maddi vəziyyətləri də yaxşıdır, hər ikisinin gözəl bir işi var. 

Həyatın dilemması (həyat hekayəsi)

İndi də gələk əsas problemlərinə. Rəfiqəmin yoldaşı qətiyyən uşaq istəmir və bunu ona yeni söyləyib. Halbuki evlənməzdən əvvəl onlar bu mövzuda söhbətləşib ümumi qərara gəlmişdilər. Daha doğrusu rəfiqəm ağlaya-ağlaya danışdı ki, o sadəcə sual verib ki, uşaq sahibi olmaq istəyirsən, o da istəyirəm cavabını vermişdi. Hətta uşaq istəməyən biri ilə ailə qurmaram demişdi. Buna baxmayaraq yoldaşı onunla ailə qurub, ilk ildə hələ tezdir, bir il gözləyək, ailə bağlarımız yerinə otursun kimi fikirlərlə rəfiqəmi sakit edib. Bu minvalla bir il olub iki il yarım. Yoldaşı rəfiqəmə əsla və əsla uşaq sahibi olmaq istəmədiyini deyib və həmin gündən sonra rəfiqəm böyük depresiyaya girib. Özü elə acı-acı danışırdı ki, "Mən yıxıldım artıq, yenə desəydi ki, bir az gözləyək, yenə də gözləməyə davam edərdim". Ancaq indi ağlamaqdan başqa çarə tapmır. Rəfiqəm yoldaşını istəmədiyi bir şeyə məcbur edə bilmir, amma bu halı ilə rahat ola bilmir. Bir gün oturub sakit-sakit danışıblar, yoldaşı uşaq istəməmək səbəbi kimi bu çətin dünyada yaxşı bir insan yetişdirə biləcəyindən əmin olmamasını göstərib. 

Həyatın dilemması (həyat hekayəsi)

Bu səbəbi rəfiqəm əlbəttə ki, qəbul etməyib, çünki ortada bir xəstəlik yoxdur, uşaq olmasına əngəl olan şərait də yoxdur, yoldaşının göstərdiyi səbəbi tutarlı görməyib. 

Qəribə də burasıdır ki, yoldaşı uşaqları sevir, işi də elə uşaqlarladır. Hələ bir qohum uşağı var, onunla zaman keçirmək üçün ürəyi gedir. 

Ancaq rəfiqəm kədərlidir. Deyir, nə vaxta qədər başqalarının uşaqlarını öpüb oxşamalıyam? Nə vaxta qədər başqa analara həsrətlə baxmalıyam? Necə olur ki, evlənmədən verilən vədlər ailə qurulduqdan sonra yoxa çıxır? Necə olur ki, birtərəfli istəklər anlaşılmır? 

Bütün bu suallarla hər gecə gizli-gizli ağlayır, deyir, dilim lal oldu, qəlbim də yaralı. 

Həyatın dilemması (həyat hekayəsi)

Ən son danışdığımızda həyatımın dilemmasını yaşayıram demişdi. Depresiyaya girdiyini hesab edir. Amma çarəni də heç bir həkimdə görmür artıq, çünki elə özü də həkimdir. 

Əziz xanımlar, belə bir vəziyyətdə rəfiqəm necə çarə tapmalıdır sizcə? Bu həyat hekayəsini saytımız üçün yazdım, bəlkə eyni hekayə yaşayan xanımlar olub. Həm də birlikdə müzakirə edək. 

Səslərin sayı: 4
14
2297
loading...
Şərhlər
Offline
.................
Allah ozu komeyi olsun InwALLAH.
12 sentyabr 2016 22:13
Offline
°elif •.°
Maraqlıdı oxudum sona qeder
23 avqust 2016 00:31
Offline
S U S E N _BACI
tesekkur edirem girl_ang sagol

minnetdaram ellerine salik
10 avqust 2016 17:17
Offline
Emma Svon
Hamsı kişilərin özlərini çox sevməsindən irəli gəlir. Sevdiyi qadının bədən ölçüləri dəyişəcək, özü də ikinci planda olacaq deyə istəmir. Rəfiqənizə deyin müvəqqəti qərardı. Gün gələcək sevincdən dəliyə dönəcək
29 iyun 2016 18:06
Offline
Ellada Babayeva
Çox şey demək olar. Nəsə gözüm su içmədi bu məsələdən. Necə yəni uşaq istəmir. İndi birdən uşaq oldu deyəcək get at... İndi çox gənclər övlad istəmir səbəb karyera və.s Hər bir xanım ailə qurduqda ana olmaq istəyir.
28 iyun 2016 19:37
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Fatma xanım
Çox çətin məsələdi mənim qaynim da ilk uşağını istəmədi gəlin də inad edib uşağa qaldı hələ ana btnində 7 aylıqkən inkişafdan qaldı
28 iyun 2016 11:38
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
ŞƏBNƏM
O xaniminin ona olan sevgisinin azalmasindan qorxur birde ataluq meduliyetinden. Bir bilse o hissin ne qeder gozel oldugunu insallah. Allah yardim etsin
27 iyun 2016 20:52
Offline
Ceylan Mumoğlu
Düşünürəm ki, nə olursa olsun, qadın pəs emtəməli, haqqı olan analıq duyğusunu yaşamalıdır. Bir az yoldaşının üstünə getsin. Necə yəni ata olmaq istəmirəm? Özbaşınadır? biggrin
Yumora çevirmək istəmirəm, ancaq qadın tez təslim olub. laughing
27 iyun 2016 19:09
Offline
Aviana Sophie
lala,
Belke Oglanin hansisa tutarli sebebi var ya da nese xestelik

Yoldaşının o cür xəstəliyi yoxdur, sağlamdır ata ola bilmək üçün.
Xəyalə Murad,
Pərvanə,
Melek Serdevi,
●♥ Səma ♥●,
Təşəkkür edirəm, sizlərə, fikirlərinizi çatdıracam, rəfiqəmə deyəcəm sayta gəlib siz yazdıqlarınızı da oxusun.
27 iyun 2016 19:05
Offline
●♥ Səma ♥●
Qəliz durum oldu bir az.Heç bu tip kişiylə rastlaşmazsız Azərbaycanda mənə elə gəlir.Nə deyəcəyimi də bilmədim.Məncə yoluna düşəcək hər şey.Xanımın ərini səbrlə gözləməsi lazımdır sadəcə.Əlbəttə ki,sevirsə.Çünki uşaq üzündən evdə aralarında problem çıxsa kişi daha da geri addım ataraq:" Bax,düz fikirləşirdim!Uşaq üzündən indidən bir-birimizi yeyirik!Biz uşaq sahibi olub onu sağlam mühitdə yetişdirə bilmərik!"-deyə fikir formalaşacaq.Qorxuları bir növ daha çox qabaracaq.
Sonda,Allah köməyi olsun və səbr versin xanıma deyirəm.
27 iyun 2016 18:52
imza: Qırılmış bir qadın elə susar ki,sükutundan kar olarsan....
Offline
Melek Serdevi
Demekde cetindi.belke heyat yoldawinin mualiceye ehtiyaci var demek istemir.ele ailerer var uwaga gore ayrilirlar.Allah yoluna qoysun ne deyek.
27 iyun 2016 18:02
Offline
lala
Allah komek olsu. Belke Oglanin hansisa tutarli sebebi var ya da nese xestelik basqa bir sebeb ola bilmez mence ...
27 iyun 2016 17:45
Offline
Pərvanə
Belə halda valideyinlər ancaq meslehet vere bilerlər.Oğlanın ata anai ilə danışsın refiqeniz belke böyüklər oğlullarını yola gətirə bilərlər.Desinlər nəvə isteyirik nəvə.
27 iyun 2016 17:22
imza:
Arzu et, istə; amma o arzu ölçülü olsun. Bir saman çöpü bir dağı qaldırmaz.
Offline
Xəyalə Murad
Aviana xanım, əvvəlcə sizə bu vacib mövzunu paylaşdığınız üçün təşəkkür edirəm. Rəfiqənizin yaşadıqları acınacaqlı haldır. Öz adımdan məsləhət vermək üçün düşünməliyəm. Ancaq onu deyim ki, əsl səbəbi öyrənmək lazımdır. Kişilərin uşaq istəməməsinə bir neçə versiya olur. Onlardan biri də özünün ikinci plana keçməsindən qorxması.
27 iyun 2016 17:13
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!