Bakıda hava 20°
USD 1.7000 AZN
EUR 1.9550 AZN
09:15Xəyalə Murad Cüməniz mübarək! 09:14Xəyalə Murad Sabahınız xeyir olsun,Əziz Qadin.Netlilər! 08:49Surayye Qızlarım qizillarim necəsiz? Yağışla nə etdiz?
39318

"Sevgidə şikəstlik" halı nədir?

 

"Sevgidə şikəstlik" halı nədir?

 

Uşaqlıq illərində ana sevgisindən məhrum olan gənclər, univeristet illərində çox tez aşiq olur, ona ilk maraq göstərən qarşı cinsdən olan yoldaşının arxasınca çox tez gedə bilir. Gənclər, əksərən daxildə hiss etdikləri “məşhur” xoşbəxtliyin gerçək sevgi olub olmadığından xəbərsiz, qayğı və sevgi gördükləri şəxslərin arxasından, əlvan xəyallarla yola çıxırlar. Halbuki uşaqlıq illərində hiss edilməmiş ana sevgisi, insanın bir ömür boyu sevgiyə möhtac yaşamasına səbəb olur. Qız ya da oğlan fərq etmir, ana sevgisi uşaqlığın ilk illərində vacibdir. Uşaq, xüsusilə ilk yeddi ildə “doya-doya” ana “sevgisini” və “nəvazişini” aldısa, həyatının geri qalan qismini əmin adımlarla irəliləyə bilir, nəyi niyə istədiyini dəyərləndirə bilir. Ancaq, uşaqlıq illərində yetərincə alınmayan ana sevgisi, bir ömür boyu insanda öz yoxluğunu hiss etdirir. Şəfqət hissi ilə hörülü qarşılıqsız bir sevgi olan ana sevgisindən məhrum yetişən gənclər, xüsusilə yeniyetməlik çağından etibarən içlərindəki bu boşluğu doldura bilmək üçün o ünvandan, digər ünvana qaçma ehtiyacı hiss edirlər. Halbuki vaxtıyla əksik qalan ana sevgisinin, həyatın geri qalan qismində aradan qaldırılması əsla mümkün deyildir. O sevgi “uşaqlıq illərində” və “sadəcə anadan” alınır. Vaxtında və yetərincə alınmadığı təqdirdə yeri bir ömür boş qalacaq bu sevgi gəncləri imkansız bir sevgiyə aparır. Ana sevgisi əskikliyinin səbəb olduğu “sevgi aclığı” oğlan və qız uşağlarında özünün eyni şəkildə göstərir; qayğı və sevgiyə möhtaclıq: fəqət ona yönələn heç bir sevgidən qane olmamaq. Ana sevgisinin vacibliyi bu qədərlə də qalmır. Uşaqlıq dövründə anadan yetərincə qayğı və sevgi görməmiş gənclər yetişkinlik dövründə “ sevmə əngəlli” olma riski ilə qarşı –qarşıya olurlar. “Sevgi şikəstliyi” halı nədir? Şəxsin özünün sevgiyə və qayğıya həddən çox ehtiyac hiss etdiyi halda, ondan sevgi gözləyənlərə də yetərincə sevgi verməmə halıdır. Ya da, şəxsin arxasıyca qaçdığı insandan sevgi və qayğı görməyə başlaması halında, gördüyü bu sevgidən bir müddət sonra bezib uzaqlaşma istəyinin meydana gəlməsi halıdır. Çünki belə hallarda axtarılan şey qarşı cinsin sevgisi və qayğısı deyil, daxilində yoxluğunun acısını hiss etdiyi ana sevgisidir. Bir tərəfdən sevilməyə olan həddən çox ehtiyac, digər tərəfdən onu sevən insanlardan bir müddət sonra “ bezmə” və “uzaqlaşma” istəyi, ana sevgisinin yoxluğunun xaricə vurması halıdır.

 

"Sevgidə şikəstlik" halı nədir?

 

 

Şəxs özü ilə üzləşə bilməli

İnsana veriləcək ən böyük cəza sevgisiz bir mühitdə yaşamağa məcbur edilməkdir. İnsan sevgiyə möhtacdır, bundan əlavə sevməyə də möhtacdır. Sevilməyə və sevməyə olan ehtiyac çox normaldır və insan olmanın əsasıdır. Ancaq burda gənclərin diqqətə alması lazım olan həyati nöqtə, əgər “ sevgidə doyumsuzluq” varsa, deməli bu həyacan siqnalının səsidir. İnsan öz əksikliyini, öz dünyasını və xatirələrini yoxlayaraq bu sevilmə və qayğı görmə ehtiyaclarının səbəblərini mütləq sürətlə öyrənməlidir.

Adəm Günəş mütəxəssis pedaqoq: Valideyn sevgisindən məhrum olanlar, uşaqları ilə münasibət qura bilmir. Anasından yetərincə sevgi almamış insanlar, özləri ana ya da ata olduqlarında öz uşaqları ilə aralarındakı sevgi bağında da problemlər yaşama ehtimalını davam etdirməkdədirlər. Aparılan müalicə görüşmələrindən dəqiq bir şəkildə aydın olur ki; uşaqlıq illərində ana sevgisindən məhrum böyüyən insanlar, özləri ana və ya ata olduqlarında uşaqlarına qarşı “ sərhədisz və qarşılıqsız sevgi” verməkdə çətinlik çəkirlər. Çünki, uşaqlıq illərində doydurulmamış ana sevgisinin şüuraltında yaratdığı narahatlıq, öz uşağına eyni mənbədən sevgi verməyə başladığı vaxtda, insanı, uşaqlıq illərinə aparır, sevgisiz qaldığı vaxtları xatırladır və o günlərin yenidən xatırlanmasına səbəb olur. Belə bir halı şüuraltında hiss etmək, insanı narahat edir.

Səslərin sayı: 2
7
1525
loading...
Şərhlər
Offline
Iceberg
İnsana veriləcək ən böyük cəza sevgisiz bir mühitdə yaşamağa məcbur edilməkdir. İnsan sevgiyə möhtacdır, bundan əlavə sevməyə də möhtacdır. Sevilməyə və sevməyə olan ehtiyac çox normaldır və insan olmanın əsasıdır.
15 may 2016 01:45
imza: shafaabdulla.blogspot.com
Offline
Ellada Babayeva
Faydalı yazıdır. Ümumilikdə sevgidən məhrum olmuş uşaqlar eqoist böyüyürlər. Psixoloji cəhətdən uşağın inkişaf etməsində özünü göstərir.
13 may 2016 15:37
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Gulshen_q
Bu yazılanlar həmçinin "analı-atalı" yetimlərə də aiddir. Valideynli valideynsizlərə..Onlar ailə qurduqdan sonra ailənin heç bu üzvünə sevgisini göstərə bimirlər. Uşaqlıqda verilən sevgi uşaq yaşında edilən peyvənd kimidir. Onu zamanında almayan böyüyəndə hər xəstəliyə tutulması və ən kiçik xəstəliyə dözməməsi kimidir zamanında sevgi almamaq.
13 may 2016 11:06
Offline
Ceylan Mumoğlu
Məlumata Türkiyənin tanınmış pedaqoqu Adem Güneşin kitabında rast gəldim, həmən verdim Aidamız tərcümə etdi. Hər şey haqqında bilməliyik. laughing wink
13 may 2016 10:54
Offline
Kubraİdrisova
Doğru yanaşmadır. Bir çox insn özünü bu yazıda tapacaq.
13 may 2016 10:45
Offline
Aysel İ.
İnsana veriləcək ən böyük cəza sevgisiz bir mühitdə yaşamağa məcbur edilməkdir.

Çox doğrudur!
13 may 2016 10:09
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Online
Xəyalə Murad
Sevginin əskikliyi həqiqətən də özünü gələcək günlərdə göstərir. Şiddətlə bu sevgi aclığını dodurmağa çalışır. Çox sağ ol, Aidə. Bəzən düşünürəm bu cür yazılar Qadin.Netdə mütləq olmalıdır.
13 may 2016 09:18
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!