Bakıda hava 20°
USD 1.7007 AZN
EUR 2.0368 AZN
19 sentyabr 22:18Xəyalə Murad Hər vaxtın xeyir) 19 sentyabr 21:58Iceberg Axşamınız xeyir))
37690

İpək qurdu

Hal-hazırda istehsal səviyyəsi çox aşağı olan baramaçılıq Sovet dövründə çox inkişaf etmişdir. Dünyanın ən gözəl və keyfiyyətli ipəkləri Azərbaycanda və xüsusən də Şəkidə olurdu. Şəki ipək kombinatının istehsal etdiyi ipək dünyanın dörd bir yanına səs salmışdı. Hal-hazırda həmin kombinatın kiçik bir hissəsi fəaliyyət göstərir. İpək barama qurdu və ya ipək qurdu kimi tanınan tırtılın istehsal etdiyi baramadan əmələ gəlir.

İpək qurdu

 

İpək qurdu

Sovet dövründə kolxozlar hər bir kəndliyə bir neçə qram ipək qurdu verirdi (2-3qr). Bu ipək qurdu kiçik bir qutuda verilirdi(kibrit qutusunda). Həmin qutuya xırdalanmış yarpaq tökülürdü. 1-2 gün sonra qutunun həcmi böyüdülür və daha çox xırdalanmış yarpaq tökülürdü və beləliklə daha böyük miqyasda artırılırdı. İpək qurdu tut yatpağı ilə qidalanır. Buna görə kəndlərdə xüsusi tut bağları salınırdı. Əvvəlcə yarpaqlarını qırırdılar sonra isə budaqları qırırdılar. Həmin o qırılan budaqları böyük bir otağın divarlarına düzürdülər və tırtılları otağa qoyurdular. Hər bir budağın üstündə 100-ə yaxın tırtıl olurdu. Və onların xışıltısı otağı bürüyürdü.

İpək qurdu

 

İpək qurdu

Qeyd edim ki, bu tırtıllar üçün keçmişdə xüsusi otaqlar tikilirdi. Və beləliklə tırtıl özü ətrafında özünə yuva qurur. Bu qurulan yuva barama adlanır. Tırtıl öz ətrafında yuva qurur və özü həmin yuvanın içində qalaraq tələf olur. Bu zaman baramaları tut ağacının budaqlarından götürərək təmizləyirlər. Barama budaqlara tor kimi yapışır. Bu baramanı həmin tordan təmizləyib kombinata təhvil verirlər. Qeyd edim ki, bu qısa bir müddətdə olmalıdır. Çünki barama 4-5 gün qalarsa, kəpənəyə çevrilərək baramanı deşir və uçur. Buna görə iməclik keçirilir və qohum-qonşuda olan bütün qadınlar, uşaqlar birlikdə baramanı təmizləyib təhvil verirlər. Və bunun müqabilində dövlətdən pul alırlar.

İpək qurdu

 

İpək qurdu

Onu da qeyd edim ki, barama ağ rəngdə olur və ölçüsü tırtılın ölçüsünə uyğun olur. Kombinatda isə bu baramaları qaynar suya töküb, xüsusi aparatlar vasitəsi ilə ipəyə çevirirlər. İpəkdən isə cürbəcür parçalar və xüsusi ilə kəlağayı istehsal olunur. Növbənöv, rəngbərəng kəlağayılar hal-hazırda Şəkidə mövcuddur.

Səslərin sayı: 3
8
2531
Loading...
Şərhlər
Offline
Ruhəngiz
Maraqlı xəbərdir,təşəkkürlər.Mənə də ipək qurdu həmişə maraqlı olub.Sapın,parçaların və s.alınması məndə maraq doğurub.
11 iyul 2017 19:31
imza: Böyük insanlar hadisələri,dahi insanlar isə nəticələri düşünür.
Verilməsi ən asan şey nəsihət,alınması ən çətin şey ibrətdir.
Offline
Gülşən29
Her kese teaekkur edirem. Bu prosesde mende istirak etdiyim ucun oxumu xosbext sayiram cunki cox maraqlidi
11 may 2016 00:42
imza: Pozanın qeleminden tez biterse sehvlerin çox demekdir...

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Fatma xanım
Tırtıl öz ətrafında yuva qurur və özü həmin yuvanın içində qalaraq tələf olur. Bu zaman baramaları tut ağacının budaqlarından götürərək təmizləyirlər. Barama budaqlara tor kimi yapışır. Bu baramanı həmin tordan təmizləyib kombinata təhvil verirlər. Qeyd edim ki, bu qısa bir müddətdə olmalıdır. Çünki barama 4-5 gün qalarsa, kəpənəyə çevrilərək baramanı deşir və uçur.Maraqlıdı
10 may 2016 15:44
Offline
Xəyalə Murad
Gülşənin xəbərini yenidən görmək xoş oldu. Uzun zaman keçdi... İpək qurdu haqqında bu qədər məlumatım yox idi. Onların inkişaf etdirilməsi yaxşı olardı. İpək sapdan toxunmuş parçalar İpək Yolunun Əas ticarət yolu olmasına səbəb olub. Bunu unutmamaq, inkişaf etdirmək lazımdı.
9 may 2016 09:15
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Offline
Aysel İ.
Möcüzədir deyərdim. Allahın yaratdığı bir çox möcüzə kimi.
9 may 2016 08:19
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Cavadova Xedice
Gözəl milli sallar tikilibki bunlardan.
8 may 2016 20:26
Offline
Ellada Babayeva
İpək qurdu tut yatpağı ilə qidalanır.

Tut ağacında görmüşəm bu cür barama. Maraqlıdır.
8 may 2016 18:46
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Ceylan Mumoğlu
Hər bir budağın üstündə 100-ə yaxın tırtıl olurdu. Və onların xışıltısı otağı bürüyürdü.

Çox amraqlıdır, həmin prosesi izləmək istərdim.
Baramanın kəpənəyə çevrilməsi prosesini də canlı görmək maraqlı olar.
8 may 2016 16:01
Məlumat "Qonaq" kimi daxil olan ziyarətçilər saytda şərhlərin bildirə bilməzlər.Zəhmət olmasa qeydiyyatdan keçin və ya öz hesabınızla sayta daxil olun!
Son yazılar
Son şərhlər
Maraqlıdır