Bakıda hava 24°
USD 1.7000 AZN
EUR 1.9478 AZN
19:38Surayye Çox gözəlim məndə də işləmir 16:29PERI qizdar sizde fb isleyir? 10:55Ayla Ayla Sürayyə yerin məlum canım 10:52Ayla Ayla Bu nə şirin reseptdi bəhbəhhhhh 09:24Xəyalə Murad Sabahınızli gününüz aydın olsun,Əziz Qadin.Netlilər!
40754

Vicdanım üşüyür...

Vicdanım üşüyür...

Soyuq bəzən yaxşıdı, unutmaq üçün. Fikri dağıdır, tək diqqətini üşüyən bədəninə verirsən. Soyuq əvvəl içini titrədir, yavaşca bütün bədəninə yayılır titrəmələr. Əllərin buz kəsmiş, ovuşduraraq isitməyə çalışırsan. Soyuq bəzən yaxşıdı, xatırlamaq üçün. Əynində boğazlı poliverin, səni isti saxlayan palton. Sən belə üşüyürsənsə, bir də bunlardan məhrum olanları düşünürsən. Bax, o an daha yaxşı hiss edirsən soyuğu. Bir anda, qalın geyimlərini dəlib bədəninə buz saplanırmış kimi hiss edirsən. Bu dəfə təkcə bədənin deyil, vicdanın da titrəyir.

Özünü təlqin edərək evinə qayıdırsan. Daxil olduğun an üzünə çarpan isti hava bədənindəki titrəmələri keçirsə də, vicdanın hələ də üşüyür. Bədənini isitmək üçün sobaya yaxınlaşıb əllərini uzadırsan, ilk öncə sanki buz əriyirmiş kimi əlinin yavaşca isindiyini hiss edirsən. Vicdanın isə hələ də üşüyür. Sonra mətbəxə keçirsən, isti qəhvəni hazırlayıb yerinə əyləşirsən. Vicdanının titrəmələri artır.

Vicdanım üşüyür...

Hər yudumda isinən bədəninə inad, vicdanın daha çox üşüyür. İsti yatağına girib, gözlərini tavana zilləyirsən. Bədəninə bürüdüyün yorğan səni isitsə də, vicdanına bürüdüyün səni dondurur. Birdən ayağa qalxırsan, otaqda var gəl edib düşünürsən, nə edə biləcəyini. Böyük bir heçlik dolur beyninə. Çarəsizliyi hiss edib, arxanı dönürsən. Gözünə səliqəylə qatlanmış səccadə ilişir. Yavaşca yerə sərib dizlərin üstə çökürsən. Əllərini qaldırıb səhərdən səni isitməyə yardım edən hər şey üçün şükrünü edirsən. Sonra səni soyuqdan qoryuan Allahdan, mühafizəsiz qalmış , soyuq qarşısında müdafiəsizlər üçün də eynisini istəyirsən. Vicdanını örtən örtük çəkilir... Özünə diləyirmiş kimi istəyirsən. Vicdanının titrəmələri azalır. Bəzən əlindən heç bir şey gəlmədiyini düşünürsən. Lakin daim açıq olan dua qapısını unudursan. Əgər dua edə bilirsənsə, deməli əlindən bir şey gəlir. Və bu bütün eliyə biləcəklərinin də üstündədir. Sənin əlindən vasitə olmaq gəlmir bəlkə, lakin duanla istəklərini Allaha əmanət edirsən..

Müəllif: Həsənova Aydan

Səslərin sayı: 3
5
1029
loading...
Şərhlər
Offline
Aysel İ.
Duan varsa, eşidən də var...

Əlbəttə Allah ona açıla əlləri heç vaxt geri qaytarmır. Rəki duanı ürəkdən edəsə.
5 may 2016 15:58
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Xəyalə Murad
Duan varsa, eşidən də var...
5 may 2016 15:20
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Offline
Aysel İ.
Ancaq insan gərək elə hərəkət etməsin ki, vicdanını sakitləşdirmək üçün dua etsin. Vicdanı üşüyüən insanlar çoxdur müasir zəmanəmizdə. Elələri də var ki, heç vicdanının səsini eşitmir. Ancaq hələ ki,....
5 may 2016 15:20
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Ellada Babayeva
Əgər dua edə bilirsənsə, deməli əlindən bir şey gəlir.

Dua etmək insanın qəlbini sakitləşdirir.
5 may 2016 14:06
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Ceylan Mumoğlu
Bəzən əlindən heç bir şey gəlmədiyini düşünürsən. Lakin daim açıq olan dua qapısını unudursan. Əgər dua edə bilirsənsə, deməli əlindən bir şey gəlir.

Duanın gücü böyükdür.
5 may 2016 13:56
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!