Bakıda hava 22°
USD 1.7000 AZN
EUR 1.9479 AZN
13:41Ayla Ayla Peri necesen? Sima Surayye hani? 12:40PERI salam millet hardasiz 10:20Xəyalə Murad Sabahınız xeyirli olsun Əziz Qadin.Netlilər!
39323

Layəqətli xanımın yoldaşına dəstəyi

 

Layəqətli xanımın yoldaşına dəstəyi

 

Bir dostum var, Nadir. 20 il əvvəl atasını, daha sonra bacısını və qardaşını itirdi. Hamısını da son dərəcə faciəvi bir şəkildə...
Əlqərəz, dərd dərd üstə gəlirdi. Üstəlik ana da ağır xəstə və...çox kritik, insanı dalana dirəyən kasıbçılıq.
Evləndi. Başqa yol yox idi. Hansısa xoş bir səbəbə sığınıb yaşamaq lazımıydı.
Ailə həyatı qurduğu xanım isə 2 ali məktəb bitirmişdi. Ayrıca, dünya gözəli, inanılmaz kübar, səviyyəli və namuslu da biriydi.
....Qızın bəxtinə elə ilk gündəncə əzablar yazıldı. Qaynana vəfat edən günə qədər onun qulluğunda durdu. Daha sonra isə həkim müdaxiləsi zamanı almış olduğu çox ciddi zədələr səbəbilə övladı qüsurlu doğuldu. Və...adamın başı indi də uşaqla "uğraşmağa" qarışdı.
Nadirin öz dili ilə danışaq: "Qızım anadangəlmə "sudurqa"lı olduğu üçün yoldaşım gecələri yatmırdı. "Dil getmə" prosesi artıq bizim üçün adiləşmişdi və xanım ayıq - sayıq olmasa balamız hər an ölə bilərdi...

 

Layəqətli xanımın yoldaşına dəstəyi

 

Bir gün gecə saat 3 idi. Baxdım, Nailə yenə uşaq qucağında, yarım - mürgülü vəziyyətdə oturub. Dözmədim. Kövrəldim. Qucaqladım onu. Hıçqıraraq dedim, bağışla məni. Bağışla ki, bütün bunları sənə yaşadıram. Oysa, məndən də gözəl, məndən də imkanlı, məndən də rahat insanla ailə qurmaq sənin əsl haqqın idi"
Deyir, yoldaşım başını çiynimə dayayıb çox sakit bir tərzdə bu sözləri pıçıldadı: "Yaşadığım həyatda mənim ərimdən böyük, mənim ərimdən güclü, mənim ərimdən dəyanətli kimsə yoxdur. Dünyaya yüz dəfə gəlsəm hər şeyi gözə alıb yenə səni seçərəm"
Nadir davam edir: "Bu sözlər məni həyata qaytardı. Özümə qaytardı. Bu sözlər mənim gözümdəki sevinci, istəyi, ümidi yenidən alovlandırdı. Başladım yaşamaq uğrunda mübarizəyə. Pomidor satdım, badımcan satdım, günəbaxan satdım, lotoreya bileti satdım, yolda durub qəzet satdım...24 saat çalışdım. Sərasər, durmadan çalışdım ki, o qadının, o sözlərin haqqını verim".

P.S Nadir hazırda Türkiyənin Trabzon şəhərində 2 böyük fabrikin şəriksiz patronudur. Övladı sağalıb və 3 - cü sinifə gedir. Ailəcək inanılmaz xoşbəxtdirlər.
P.P.S Ləyaqətli qadının yüksəldə bilməyəcəyi kişi yoxdur! Sadəcə bunu bilirəm. Və onların sayı hər nə qədərsə, hamısının qarşısında baş əyirəm.

Elşən Musayev

Səslərin sayı: 2
6
1297
loading...
Şərhlər
Offline
Iceberg
Burda qedirbilen eslinde kiwidir qadin yox, qadinlar fedakar olur zaten, qedrin bilen kiwi azdir
30 aprel 2016 12:16
imza: shafaabdulla.blogspot.com
Offline
Ceylan Mumoğlu
Yazı ibrətli olmağına ibrətlidir, öyrədicidir. Ancaq bu da var ki, bütün ailələrdə eyni situasiya yaşanmamış ola bilər. Çünki fərdlərə görə xarakterlər dəyişir. Məsələn, belə bir deyim də var, birisinə onun səninçün nə qədər çox dəyərli olmasını hiss etdirsən, ilk vaz keçdiyi insan da sən olarsan. Yəni burda dediyim kimi fərdin şəxsi keyfiyyətləri nəzərə alınmaqla qadın belə bir addım ata bilər. Bəs birdən kişi qadının bu fədakarlığından sui istifadə edərsə? wink
29 aprel 2016 10:30
Offline
S U S E N _BACI
deyimler var heri amma muasir zamanda qadinlar ozlerne soz goturmur

kisilerdeki qadinini elinde saxlaya bilmir girl_ang
29 aprel 2016 10:24
Offline
Kubraİdrisova
Çox gözəl. Azərbaycan qadını ,əvəzsiz həyat oldaşıdır. Dəyərini bilənlər anlar give_ros
29 aprel 2016 10:05
Online
Xəyalə Murad
Bəli Qadn kişini istərsə həm vəzir, həm də rəzil edər. Hər bir güclü kişinin arxasında bir güclü, ancaq bir o qədər də zərif xanım var.

YAzacaqlarımı artıq yazmısan.

Biz xanımlar hər cür çətinliyin öhdəsindən gəlirik. Buna güc verən sevdiklərimiz və iradəmizdir.
29 aprel 2016 09:41
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Offline
Aysel İ.
Bəli Qadn kişini istərsə həm vəzir, həm də rəzil edər. Hər bir güclü kişinin arxasında bir güclü, ancaq bir o qədər də zərif xanım var. Gözəl ibrətamiz yazıdır. İndiki gənclər istər kişi istər qadın çox zəifdirlər. Balaca bir çətinlikdə boşanmağı üstün tuturlar. Ancaq fikirləşmirlər ki, bir az səbr, bir az cəsarət və Allah onların bu səbrinin mükafatını verəcək!
29 aprel 2016 08:42
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )