Bakıda hava
USD 1.7001 AZN
EUR 2.0865 AZN
10:12Xəyalə Murad SabahInız xeyirli, gününüz uğurlu olsun))
38085

Bizim hekayə...

Bizim hekayə...

Bu bizim hekayədir...
Bir payız günü tanış olduq səninlə. Sən də tənha idin, mən də. Sən də tərk edilmişdin, mən də. Sənin də bağlanmamış mövzuların, bitməmiş hekayələrin var idi, mənim də. Səni gördüm, gözlərinə baxdım uzun-uzun. Sən də mənə baxdın kədərli baxışlarla. O gözlərdə acı var idi, həsrət var idi. Hava da bizə uyğun idi sanki. Sakit və narın yağış yağırdı. Yarpaqlar yerə düşürdü yavaş-yavaş. Addımlar xəzəlin üstə sanki həzin bir musiqi səsləndirirdi. Ətrafda heç kim yox idi, sən və mən idik.

Yaxınlaşdıq bir-bir-birimizə. Ürəyi sözlə dolu, gözləri yaşla dolu, kədərlə dolu idi ikimizin də. Yaxınlaşdıq və sarıldıq bir-birimizə. Ağladıq... Çünki isti bir nəfəsə ehtiyacımız var idi. Başını çiyinə qoyub hönkür-hönkür ağlamağa ehtiyacımız var idi. Dərdimizi anlayana ehtiyacımız var idi. İllərlə qəlbimizdə yığılıb qalanları, göz yaşlarımızla söyləməyə ehtiyacımız var idi. İllərin həsrəti, illərin sevgi və qayğısına ehtiyacımız varidi çünki. Dərdimiz sevgi, sevilmək, isti yuva, mehriban ailə idi çünki. 

Bizim hekayə...

İllər öncə ikimiz də tərk edildik. İsti yuvadan, sevgidən qayğıdan məhrum edildik çünki. Bu qapı ağzına buraxıldıq. İllərlə pəncərə önündə oturub, gözümüz bu qapıda qaldı. Görən nə zaman ardımca gəlib, məni geri aparacaqlar deyərək. Amma illər ötdü, nə gələn oldu, nə gedən. Artıq böyüdük. O gözü yaşlı qalan uşaqlar deyilik artıq. Həyata atıldıq artıq.

Budur illər öncə tərk edilən qapının önündəyik. Artıq öz ayaqlarımızın üzərində duran vaxta gəlib çatdıq. Bura qədər idi sığıntı olmaq, gözü yaşlı qalmaq. Artıq özümüz öz ayaqlarımızın üzərində durmalı və həyatın bütün zərbələrinə qarşı dözümlü olmalıyıq. Çünki, bizim sevincimizə sevinən bir ailəmiz yoxdur, başımıza sığal çəkən bir atamız yoxdur, bizi bərk-bərk bağrına basan bir anamız yoxdur. Çünki biz ailəsi tərəfindən tərk edilən bir  "uşaqlar evində" böyüyən gənclərik. Qalx ayağa artıq, əlimdən tut, həyat bizi gözləyir...

Səslərin sayı: 2
7
1606
loading...
Şərhlər
Offline
S U S E N _BACI
Budur illər öncə tərk edilən qapının önündəyik.. Çünki biz ailəsi tərəfindən tərk edilən bir "uşaqlar evində" böyüyən gənclərik. Qalx ayağa artıq, əlimdən tut, həyat bizi gözləyir. love
15 avqust 2016 19:25
Offline
♥Mira♥
Çox pis oldumeee recourse ALLAH heç bir uşağı ata,anasız qoymasın.AMİN.
8 iyun 2016 15:25
Offline
Ellada Babayeva
Uşağı olsun istəyən o qədər gənclər var ki..baş vurmadıqları həkim yoxdu. Bəzi insanlarda var övladını yad qapılara atır. Allah heç bir uşağı atasız, anasız qoymasın.
7 iyun 2016 16:41
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Ceylan Mumoğlu
Uşaqlığın kədərli keçməsi heç bir uşağa qismət olmasın Yer üzündə. no
7 iyun 2016 14:36
Offline
Aysel İ.
kaş ki uşaq evləri olmayaydı, kaş ki, atılmış uşaqlar olmayaydı, kaş ki, ana həsrəti ilə yanan uşaqlar olmayaydı(( kaş ki....
7 iyun 2016 13:40
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
PƏRVANƏ ƏLİYEVA......
Kederli hekayedi ((Vallah oxuyub kovrelmemey olmur(( Allah pis insanlara nehlet etsin. Adam var bir ushaqi olsun deye illerdi capaliyir eziyet cekir. Adamda var Allahin ona bexsh etdiyinin qedrini bilmir. Allah hec bir ushaqi kimsesiz , atasiz , anasiz qoymasin . Aminnn.
9 aprel 2016 22:53
Offline
Gulum
məncə cətinliklərlə əldə edilən uğurlar daha şirin olur
9 aprel 2016 22:37
Adıniız:*
E-Mail:
ıifrə: *
Son yazılar
Son şərhlər
Maraqlıdır