Bakıda hava
USD 1.7001 AZN
EUR 2.0914 AZN

21-ci əsrin gizli diri ölüləri...

21-ci əsrin gizli diri ölüləri...

Bu bir müəllimənin  harayıdır..Neçə müəllimələri....Həkimləri diri-diri yaşayarkən ölmüş müəllimənin..!!! 

" Anası savadsız olan xalq  kordur ..! "... H. Z. Tağıyev millətimizin atası demişdir.

Əslində çox gizli problemdir, amma ən böyük problemlərimizdən biri qızların oxumaması məni bir müəllimə kimi narahat edir. Yaşadığım yerdə və qonşu kəndlərdə böyük bir bəladır. 13 ildir müəlliməyəm. Hər sinfimdə neçə müəllimlərim, həkimlərim, gələcəkdə cəmiyyətimizə böyük xeyirlər verə biləcək qız uşaqlarını  2-ci sinifdən və ya ibtidai təhsili bitdi ataları dərsə qoymurlar. Deyirlər hərfləri bildi,  saymağı bildi yetər!

Evdə bu qızlar nə edirlər?.. 

Hə onu deyim. Televizyada bütün kanallarda bir verliş serial buraxmırlar. Evlilik verlişləri və s. bu qızlar nəyə istəsəniz baxır. Bunlara müəllimə yox telivizordakılar  tərbiyə, savad verir. Onlardan "dərs" alırlar. "Amma əsas məktəbə getməyib" təmiz qız adı ilə 14 və ya 15 yaşda ərə verilirlər. Və gələcəkdə yıxılan ailələr, ölü həyatlar... 

21-ci əsrin gizli diri ölüləri...

Başıma gələn hadisələrdən 2-sini deyim.

Uşaq sinfimin  əlaçısıdır. Neçə gündür dərsdə yoxdur. Xəbər tutdum ki, ata Haca gedib. Maraqlanıram uşaq niyə gəlmir? Hacı ata deyir:"-Müəllimə, bilirsən, bizdə nəsildə qız oxumur. Yaxşı baxmırlar, əsas da Haca gedib gəlmişəm olmaz yaxsı deyil. Mən qoymaram ki, desinlər, Hacının qızı məktəbə gedir. "

Bəli, bu 17-ci 18-ci əsr deyil, 21-ci əsrdə başıma gələn hadisələrdən biridir. Öz dillərində danışmağa çalışıram.  O oxuduğun Quranı açanda nə deyir? -Oxumaq, Oxumaq! Qıldığın namaz da qunut yeri Oxumağa işarədir. Nəsə çox izah edirsən. Cahili başa salmaq müşkül məsələdir! 17-ci əsrdən dəyişməyən beyinlə çox çətindir. Bizim kənddə  və ya qonşu kəndlərdə toya gedirsən balaca yaşlı qızlar təzə nişanlandığı 12-13 yaşlı qızlarını çoxu da gəlinlərini oynadır, hələ bir fəxrlə də əl çalırlar! Mübarizə aparmaq lazımdır. Əlbəttə ki, zamanla. Birdən birə mümkün deyil. Əslində öz müəllimlərimizdə də günahı görürəm. Bir iki dəfə maraqlanır, gördü qoymadılar, vəssalam. Mübarizəni dayandırırlar. O qızlar da məhv olurlar. Güc birlikdədir, unutmayaq bunu!  

21-ci əsrin gizli diri ölüləri...

Savadsız ana axı necə ailədə övlad idarə edə bilər? Deyəcəksiz nənələrimiz-analarımız oxumayıb biz yaşamırıq? Unutmayın, bu 21-ci əsrdir!  Savadsız ana yalnız və yalnız gələcəyə bəladır.

Axı nəyi pisdir? Oxumuş qızın ailəsinə, yoldaşına kömək etməsi niyə pisdir ki? Həm də indiki zamanda maddiyyatın bu qədər önəm daşıdığı zamanda?! Yoldaşa köməyin nəyi pisdir? Ona dayaq olmaq niyə pisdir?!  Axı hansı qanunda var ki, kişi tək işləyib ailəni saxlamalıdır?! O heyvanlar qədər də deyilikmi? Onlardan dərs alaq: Hər ikisi yuvanı ququr, əsas da dişi heyvan. Ailə hər iki insan tərəfindən qurulduğu kimi idarəsi və maddiyyatı da hər iki insan tərəfindən idarə olunmalıdır!

Bu bizim qəsəbədə və qonşu kəndlərdə yaşanan gizli hallardan biri idi! 

Bir Nardaranlı ilə söhbətimi yada salım. 1 qız var, deyirəm oxudun. Xahiş edirəm, belə etməyin! Cavabı:"Müəllimə oxutduraram, amma gedib başqasına xeyir verəcək ya da getdiyi yerdə qoymayacaqlar işləsin. Məndə əziyyətlə oxudum, yazıq deyiləm? Məni düşünün.."

Bu beyinləri düzəltməliyik! Biz özümüz özümüzü gizli məhv edəcəyik!

Bu işlə məşğul olun, mənim əziz xanımlarım. Bu işlə guya dövlət tərəfindən məşğul olanlar. Gəlib özlərini göstərib geyimlərini göstərib iki kəlmə danışıb guya "biz varıq" deyənlər,  komək edin. Bu işlə məşğul birgə olaq! İnsafa gəlin.

Hacı  Zeynalabdin Tağıyev demiş:

"Bir oğlana təhsil verməklə təhsilli bir insan qazanırsız. Bir qıza təhsil verməklə təhsilli bir ailə."

Bu bir müəllimənin harayıdır... Neçə müəllimələri ..həkimləri diri-diri yaşayarkən ölmüş müəllimənin!!! Oxudunuzsa, ciddiyə alın. Vicdanlı olun! Unutmayın ki, şərqdə ilk dünyəvi qızlar məktəbi olub  Hacı Zeynalabdin Tağıyevin təşəbbüsü və dəstəyi ilə açılmışdır

Səslərin sayı: 2
9
3138
loading...
Şərhlər
Offline
Fatma xanım
Oxudun qızlarınızı analar ər həmişə var tələsməyin
16 fevral 2016 17:35
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
pure love
"Bir oğlana təhsil verməklə təhsilli bir insan qazanırsız. Bir qıza təhsil verməklə təhsilli bir ailə."
21 noyabr 2015 22:44
Offline
Aysel İ.
Axı nəyi pisdir? Oxumuş qızın ailəsinə, yoldaşına kömək etməsi niyə pisdir ki? Həm də indiki zamanda maddiyyatın bu qədər önəm daşıdığı zamanda?! Yoldaşa köməyin nəyi pisdir? Ona dayaq olmaq niyə pisdir?!

Əlbəttə heç də pis deyil. Mənim şəxsi fikrimsə oğlan uşaqlarını oxutamaya da bilərsiniz. Ancaq qız uşağını mütləq oxutmaq lazımdır. Savad hər kəsə lazımdır. Aktual və siz də dediyiniz kimi əsrin bəlası olan bir mövzudur. Təşəkkürlər çox gözəl yazıdır.
19 noyabr 2015 17:40
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Emma Svon
Bəzi ucqar kəndlərimizdə var bu cəhalət. Çox axmaq "adət-ənənədir"! Qadın təkcə ev işlərini bilməli deyil, eyni zamanda uşaqlarına düzgün tərbiyə vermək üçündür. Bəs gələcəyimiz bu cür kor olmazmı? Heç nə yox, o uşaqların ərə verildikdən sonra düşüncəsi maraqlıdı. Görəsən, onlar da öz övladlarını belə tez ərə verməyə razıdılar? Yoxsa qohum-qonşunun dilinə düşməmək üçün kor olmağa üstünlük verirlər?
19 noyabr 2015 11:27
Offline
alisa1971

Bəxtin gətirsin,
Doğulma qadın.
Atan verməsin
Əlinə yadın.

niyə ey, qadın
ağırdır adın?
bir qadın kimi,
sən yarımadın.

kişilər, atın
köhnə adəti,
qoyun qadınlar
sevsin həyati.
19 noyabr 2015 10:23
Offline
Ellada Babayeva
Fatma xanım,
Məndə talış qızıyam bizdə 40 yaşına çatmış qız var subaydı. Bizim nəsildə qızı tez vermirlər. O hansı vəhşidi elə.. ireful
18 noyabr 2015 22:18
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Fatma xanım
Iceberg,
Talış zonasında çox dəhşət var 11 yaşında qızları verirlər ərə
İ Hacının getdiyi yol ona ordaca qənim olsaydı nə yaxşı olardı papağı boş qalmışın
Lerikdən bir müəllim tanıdım facedə özü məktəb direktorudu ama qızını məktəbə qoymur bunun savadlısı belə olanda gör savadsızına nə deyəsən
18 noyabr 2015 19:02
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Iceberg
Cox maraglidir, o region hardadi ele yeni bele cehalet hele de var?
18 noyabr 2015 18:58
imza: shafaabdulla.blogspot.com
Offline
Ellada Babayeva
Aktual mövzudur. Qızını uşaq yaşda ərə vermək ayıb deyil. Təhsil almaq ayıbdır. Mübarizə aparmaq lazımdır. Mənim atam bizə gedin oxuyun işləyin ayaqlarınız üstə durmağı bacarın deyir.
18 noyabr 2015 18:09
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Adıniız:*
E-Mail:
ıifrə: *
Son yazılar
Son şərhlər
Maraqlıdır