Bakıda hava 31°
USD 1.7000 AZN
EUR 1.9478 AZN
12:25Feride Hamiya salam xoş istirahətlər 07:55Xəyalə Murad Sabahınız xeyirli,gününüz uğurlu olsun,Əziz Qadin.Netlilər!
40609

Qırışmış "tarix"...

Qırışmış "tarix"...

Məni nə düşündürür, bilirsənmi?!

Məni 70 il yaşıyıb, əlində zeytun satan nənə daha çox düşündürür. Mən bütün olmayan işimi-gücümü atıb kənara çəkilib bu insana baxıb, adını "hekayə" qoyduğunuz həyatdan yazmaq istəyirəm. Nənənin doğumundan mənəvi ölümünə kimi olan həyat kadrları bir anlıq sürətli geriyə çevrilmiş lent kimi gəlib keçdi beynimdən. Bir anlıq "stop" edib arada əllərini dizinə bükmüş hissəsinə baxmaq istədim, ancaq olmadı. Sürətli keçən insan ömrünün kadrları dayanmadı və bir anlıq əllərimə baxdım. Əlimdə zeytun bankası və qırışmış əllərin pul üçün mənə tərəf uzandığı kadrları hərəkət edirdi. Hətta səsli, görüntüsü heç bir keyfiyyətli çəkilişlə ölçülməyəcək qədər çox dərin idi. Qırışlar dibində bir nəsli göstərirdi. İlk sevgisi, övladları, nəvələri, nəticələri hamısı xoşbəxt idi. Hərə öz işində, qəh-qəhəsində, nəşəsində idi. Adam lap qırışlara baş vurub xoşbəxt olmaq istəyirdi. Ancaq ora getmək üçün 70 il zaman lazım idi. Bu qədər mənalı həyat, bu qədər xoşbəxtlik, sonda bu qədər qırış... 

Qırışmış "tarix"...

Alın qırışları əl qırışlarından daha çox idi. Bəlli ki, alın yazısı çox uzun idi. Bəlkə də, iztirabın başlanğıcı körpəlikdən alında bu qədər iz salmışdı...

Danışdıqca başa düşdüm ki, qırışların dibindəki xoşbəxtlik nənəyə məxsus deyil. Bu balalarına buraxdığı səadətdir. Qarşılığında tərk edilib, atılıb!!! Qırışlarda bir məzar da vardı. Büküb boynundan asmışdı.

Dedim: "bu nədi, ay nənə?"

Dedi: "bu rəhmətliyin məzarından götürdüyüm qəbr torpağıdır. Torpağı da boynumda gəzdirirəm." Açığı bir az gülümsədim, sonra məsələnin nə qədər ciddi olduğunun fərqinə vardım. Gözdən tökülən gilə-gilə göz yaşı. Heç büruzə vermək istəmirdi, ağlamağını. Övladlarını o qədər təriflədi ki... "Mənə heç nə lazım deyil, əsas odur xaricdə xoşbəxtdilər. Söz veriblər öləndə məni dəfn etməyə gələcəklər..."

Adam pulunu alıb getdi. Çönüb arxasınca baxmağa cürət eləmədim. Yerişinin iztirabına dözə bilməzdim. Düzdür gələndə sıradan alverçi kimi qarşılamışdım, ancaq danışığından sonra başa düşdüm ki, adam təpədən dırnağa həyat hekayəsidir. Nə yazıq ki, hekayə "şərəfsiz övladlar" adıyla başlamalı oldu...

P.S. Gördüyüm insanları sıradan biri kimi hesab etmirəm və hər bir ünsiyyətdə olduğum insanın danışdığı hər nə varsa, tarixdir mənim üçün. İnsan çox dəyərli varlıqdır. Hər biri bir tarixdir. Amma "insan" haaa...

Bu qadın haqda o qədər geniş yaza bilərdim ki, uydurduğunuz romanları çap etdirməyə xəcalət çəkərdiniz. Canlı romanlar hər birinizin küçəsində, skamyalarda gecələməkdədirlər. Bir isti yatağınızdan çıxıb bayıra baxın.. Baxın o uzaqda bükülən, yeriyən atılmışlara....

Düşünürəm ki, bu qadın haqda mütləq çox geniş yazacam.Həyatda bütün bədbəxtlərə yazıçılar borcludur...

Tukon Qulxəlil

Səslərin sayı: 4
11
2037
loading...
Şərhlər
Offline
Aysel İ.
Danışdıqca başa düşdüm ki, qırışların dibindəki xoşbəxtlik nənəyə məxsus deyil. Bu balalarına buraxdığı səadətdir. Qarşılığında tərk edilib, atılıb!!! Qırışlarda bir məzar da vardı. Büküb boynundan asmışdı.
recourse
20 fevral 2016 22:51
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
#
Duzdur bele atilmislar coxdur, ovladlari xaricde oz heyatlarini yasayir amma onlari minbir eziyyetle boyudub boya basa catdiran valideyinleri unudurlar. Davamli olsun yazilariniz
25 noyabr 2015 00:35
Offline
Fatma xanım
Maraqlı yazıdı Allah insanı o təklikdən saxlasın övlad təkliyinnən
15 noyabr 2015 18:50
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Aysel İ.
Romanlardakı kimi həyat daha romantik,daha qəddar deyil.

Yazıya görə biz təşəkkür edirik. Ancaq mənə elə gəlir həyatada romandakılardan daha romantik və daha qədar hadisələr olur.
14 noyabr 2015 11:48
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
S U S E N _BACI
qismet olsun bizde qocalib qrisey )))))
14 noyabr 2015 10:41
Offline
Tural Xəlilov
Salam hər kəsə! Vaxtını ayırıb oxuyan hər bir kəsə minnətdarlığımı bildirirəm.Mənim fikrimcə,romanlar həyatdan götürülmür əksinə,həyat romanlardan götürülür..
Yəni öncə yalan danışırıq,sonra bu yalana inanırıq..
Kimi...
Romanlardakı kimi həyat daha romantik,daha qəddar deyil.Balans həyatda var.Məsələn hər kəsin haqqını özünə qaytarın,hamı xoşbəxt olsun və balans pərpa olunsun...
13 noyabr 2015 20:47
Offline
pure love
ÇOX SAĞOLUN Dəniz84, give_ros give_hea
13 noyabr 2015 20:46
Offline
Aysel İ.
BİR ONU BİLİREMKİ İNSAN İSDİYİR CAVAN OLSUN İSDİYİR QOCA.KİM NEYNİRSE ÖZÜNE EDİR VE GELECEYİNE GÖRE CALIŞIR BU DUNYADA İNSAN .ELƏ YAŞAMAQ LAZIMDIRKİ SONRADAN PEŞMAN OLAMYASAN.

give_ros
13 noyabr 2015 20:25
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
pure love
NEDENSE BU XEBERİ OXUYANDAN SONRA BU ŞEİR YADİMA DÜŞDÜİnsan vardır insan kimi yaşıyır.
İnsan vardır insanlıgdan kənardır.

İnsan vardır insanlığa üz tutur.
İnsan vardır insanlığı unudur.

İnsan vardır bir çörəyə möhtaçdır.
İnsan vardır hər gün çörək tullayır.

Insan vardır hər gün şükür eliyir.
İnsan vardır na şükürlük eliyir.

İnsan vardır xəyallarla yaşıyır.
İnsan vardır xəyalların yaşadır.

Insan vardır sevgi bilmir çox sevir.
İnsan vardır bilir amma sevməyir.

İnsan vardır xoş günlərlə yaşıyır.
İnsan vardır günü-günə calayır.
.BİR ONU BİLİREMKİ İNSAN İSDİYİR CAVAN OLSUN İSDİYİR QOCA.KİM NEYNİRSE ÖZÜNE EDİR VE GELECEYİNE GÖRE CALIŞIR BU DUNYADA İNSAN .ELƏ YAŞAMAQ LAZIMDIRKİ SONRADAN PEŞMAN OLAMYASAN. girl_smi XEBER ÜÇÜN give_ros
13 noyabr 2015 20:23
Offline
Aysel İ.
Əslində yazılan bütün kitablar, bütün romanlar, poemalar, əsərlər hər biri həyatdan götürülür. Bu qadının yaşadığı acı həyatı çox təəsüf ki, çox insanlar yaşayır.3 oğlum var(böyüklərdən üzr istəyirəm). Allah bütün övladları qorusun. Hər bir valideynin borcudur övladını böyütsün, qayğısına qalsın, qorusun. Ancaq Allaha övladlarım üçün dua etdiyim qədər həyat yoldaşım üçün də dua edirəm. Allah övladlarımın hər zaman xeyir günlərini, xoş günlərini nəsib etsin bizə.Ancaq həyat yoldaşımı çox görməsin mənə. Məni onsuz bir gün belə etməsin. İkimizin canını bir gündə alsın. Allah heç bir valideyni övlada möhtac etməsin!.
13 noyabr 2015 20:08
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Ellada Babayeva
Bu qadın haqda o qədər geniş yaza bilərdim ki, uydurduğunuz romanları çap etdirməyə xəcalət çəkərdiniz.

Yaşadığımız bu dünyada o qədər həqiqi acı çəkmiş insanlar var ki, onların həyatını qələmə almaq belə çətindir. Müəllifin uydurduğunuz romanlar cümləsi ilə razı deyiləm. ireful
13 noyabr 2015 18:19
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!