Bakıda hava
USD 1.7000 AZN
EUR 1.9478 AZN
13:17PERI hervaxtiniz xeyir qizlar hardasiz 09:56Xəyalə Murad Sabahınız xeyirli,Cüməniz mübarək olsun,Əziz Qadin.Netlilər!
39981

Qara pişik taleyi

Qara pişik taleyi

Deyən ağlamağı adət etmişəm. Bilmirəm bu gücsüzlük, çarəsizlikdir, ya başqa bir şeydir. Bunun adını hələ tam qoymamışam, əslində həyatımda hər şey yarımçıqdır.

Bu gün qara pişiyə bəslənən münasibət mənə də bəsləndi. Mənə görə uğursuzluq gətirən qara pişik deyil, insanların öz əməlləri və yanlış seçimləridir. Sənin işin düz gətirməlidir deyə pişik başqa yoldan getməlidir? Axı o biri yoldan keçəndə səninlə eyni fikirdədir. Bəs bu pişik hardan keçməlidir? Dünya tək insanların yaşayış məskəni deyil.

Nişan aparılacaqdır. Hamıdan çox mən sevindim. Çünki onlar mənim sevdiklərim idi. Onların da sevdikləri mən olduğum üçün ilk mənə üzüyü göstərdilər. Uzaqdan bax dedilər. Yəqin ki, uğursuzluq gətirirmiş yaxından baxmaq, amma sonra başqası əlində baxdı. Çox güman məni uğursuzluq gətirən biri olaraq qərar vermişdilər. Səsli ağlamağa yeni alışdığımdan nəfəsimi tutdum ki, bu gözəl anımı kimsə görməsin, bu səbəbdən evə tərəf yol aldım. Keçərkən qarşıma qara pişik çıxdı. Maraqlıdır, məni görən kimi qaçıb özünü qonşu həyətə atdı. Yazıq heyvan, görünür çox daşlanıb, məni görüncə can qorxusundan qaçıb gizləndi. Ağlamamaq üçün tutduğum nəfəsi, ürəkdən gülərək aldım. Görünür, o pişiyin olanlardan xəbəri yox idi. Olsa idi, mənə təsəlli verməmiş qaçıb getməzdi. Nədə olsa, bu mövzuda məndən daha çox təcrübəlidir. Az daşlanıb, həyətlərdən az qovulmamışdır. Lakin mən heyvanları insanlardan daha şəfqətli və mərhəmətli bilirəm. Əgər mən də uğursuzluq gətirirəmsə, qara pişik məndən əbəs yerə qorxurdu.

İnsanlar əgər anlasaydılar ki, olan hər bir çətinliyi öz əməllərinin bəhrəsidir, qara pişiklər daha asudə yaşayardı. Yazıq heyvanlar qaçmağa adətkar olduqları üçün onlarla eyni taleni yaşayan məndən də qorxdular.

Qara pişik taleyi

Gözəl yay günlərinin birini yaşayırıq. Uşaqlıqdan məni rahatladan tək şey ulduzları seyr etməkdir. Amma heç vaxt yaxından görmək istəməmişəm, qorxmuşam, birdən yaxından baxsam, yerdən seyr edilən qədər gözəl olmasalar? Hər kəsin inandıqı bir inanc var. Yerdəki insanların səmada bir ulduzu var. Çoxları hər parıldayan ulduzun onun olduğunu seçərkən, mən həmişə parlamayan, sonradan görünən ulduzu seçərdim. Mənası nə idi? Hələ də tam bilmirəm. Amma bildiyim tək gerçək var, ulduzlara saatlarca baxmaq məni insanlarla dərdləşməkdən daha çox rahatladır. Düzü insanlarla dərdləşmək kimi bir adətim də yoxdur. Sorğu-sualsız məni dinləyən ulduzlar varkən məni anlamayan insanlarla nə dərdləşim? Həm anlatsam, daş da anlayar, duymaq lazımdır. Bunu da insan deyilənlər nadirən bacara bilir.

Qara pişik taleyi

Gündüz olanları ulduzların köməkliyi ilə unutdum. Gündüzdən gözlərimdə saxladığım yaşları da azadlığa buraxdım. Azadlıqda olmaq onların da haqqı idi. Göz yaşlarının da azadlığı gözlərdən düşməkdir. Bu gün səsli ağlamadım, axı ulduzlarla birlikdə idim. Onların üzülməsini istəmədim. Çünki mənim də uşaqlıqdan kəşf etdiyim öz həqiqətim vardı. Onlar yerdəki insanlardan qaçıb göylərə sığınmış yaxşı insanlardır. Pis insanların səmada ulduzu ola bilməz, çünki ulduzların insana rahatlıq bəxş edən xüsusiyyəti var, pis insanlarda belə xüsusiyyətin olduğuna inanmıram.

 

Ölmüş birinin gündəliyi: bu gün qara pişiklə eyni taleyi yaşadım.

Səslərin sayı: 3
11
3037
loading...
Şərhlər
Offline
Aysel İ.
Nişan aparılacaqdır. Hamıdan çox mən sevindim. Çünki onlar mənim sevdiklərim idi. Onların da sevdikləri mən olduğum üçün ilk mənə üzüyü göstərdilər. Uzaqdan bax dedilər. Yəqin ki, uğursuzluq gətirirmiş yaxından baxmaq, amma sonra başqası əlində baxdı.

Bir insana qarşı belə hərəkət etdiklərinin mən də şahidi olmuşam. Çox pis oldumo an. Mən belə şeylərə inanmıram. O insanın qəlbin qırmaq elə uğursuzluqdur. Növbəti gözəl yazı üçün təşəkkür. give_ros
11 sentyabr 2015 00:35
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Aida M-ova
Aida,yazılarına vuruluram deyəsən.

Hələ deyəsən ? crazy
10 sentyabr 2015 23:04
Offline
●♥ Səma ♥●
Aida,yazılarına vuruluram deyəsən.Çox gözəl alınır səndə.İçdən...Oxuduqca yadımda bir neçə hadisə canlandı və gerçəkdən zamanla qara pişiyin yerinə qoyulduğumuz olur deyə düşündüm.
10 sentyabr 2015 22:50
imza: Qırılmış bir qadın elə susar ki,sükutundan kar olarsan....
Offline
Aida M-ova
Oxuyan kimi bildim ki sənin qələminnən çıxıb
Allah heç kimi o günə salmasın ki onun varlığınnan qorxalar

Oxuyan kimi yazını tanıdığınız üçün təşəkkür edirəm. give_ros
10 sentyabr 2015 21:32
Offline
Fatma xanım
Oxuyan kimi bildim ki sənin qələminnən çıxıb
Allah heç kimi o günə salmasın ki onun varlığınnan qorxalar
10 sentyabr 2015 20:35
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Aida M-ova
Həyata sevinc dolu baxışla baxanda iç dünyanda hər şeydən qurtulmuş olur

Əlbəttə
10 sentyabr 2015 19:43
Offline
MAYA EL
Çox gözəl yazıdı .Bir çox uğursusluqlarda özünə qapammadan əmələ gəlir.Həyata sevinc dolu baxışla baxanda iç dünyanda hər şeydən qurtulmuş olur
10 sentyabr 2015 18:43
imza: Özün haqqında qışqıra-qışqıra danışma, qoy başqaları sənin barəndə sakitcə danışsınlar.
Offline
Aida M-ova
Bu hissə super alınıb.

Bəyəndiyinizə sevindim çox sağ olun. Ümid edirəm gələn bölümlərdə maraqlı alınar. Bəyənərsiz.
Gündəlik yazırsan Aida?

Hə Ella amma bu gün başım qarışıqdır deyə ardını bitirib sayta göndərə bilmirəm.
10 sentyabr 2015 17:56
Offline
Ellada Babayeva
Gündəlik yazırsan Aida? Maraqlı alınıb. O ki, qaldı nişan üzüyünə bu sadəcə inancdır bu cür şeylərə inananda düz olur. Uğursuzluq gətirəcəksə, kiminsə baxmağı niyə göstərirlər bilmirəm. Bəzi insanlarda bir qəribədir. ireful
10 sentyabr 2015 17:01
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
HeyaT GozelmisH
Maraqli alinib.Teshekkurler give_ros
10 sentyabr 2015 15:46
Offline
Ceylan Mumoğlu
Gündəlik get-gedə maraqlı olur.
Çünki mənim də uşaqlıqdan kəşf etdiyim öz həqiqətim vardı. Onlar yerdəki insanlardan qaçıb göylərə sığınmış yaxşı insanlardır. Pis insanların səmada ulduzu ola bilməz, çünki ulduzların insana rahatlıq bəxş edən xüsusiyyəti var, pis insanlarda belə xüsusiyyətin olduğuna inanmıram.

Bu hissə super alınıb.
10 sentyabr 2015 14:36
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )