Bakıda hava
USD 1.7000 AZN
EUR 1.9478 AZN
23 fevral 20:18Ayla Ayla Dalaka gəldi amma Sabriye yoxdu gören Sude nu udacag?! 23 fevral 20:18Ayla Ayla Surayyə canım Survivora baxıram,Özetdi.Sən də bax
39991

Xəstəliyin davam etməsi

Xəstəliyin davam etməsi

Bu gün günlərdən hansı idi? Xatırlamadım. Xatırlasam, nə dəyişəcəkdir ki? Məgər ayın, günün bir fərqi var? Ən əsası da bir ölü üçün?

Deyilənə görə xəstəliyim şiddətlə davam edirdi. Amma mən heç nə hiss etmirdim, əksinə hər ötən gün özümü daha yaxşı hiss edirdim. Nəfəs alanda da ciyərlərimə qədər havanın getdiyini düşünürdüm, əvvəllər isə elə bil boğazımda düyümlənib qalırdı.

Bu gün gedərkən yolum qəbristanlığın yanından düşdü. Yanındakı evlərə baxdım bir də səssiz-səssiz boylanan məzar daşlarına, düşündüm bunlar evdirsə, soyuq-soyuq baxanlar nədir? Həm hansı bizim evimizdir? Burada ucalan yaraşıqlı bina, yoxsa orada boyumuzu aşmayan soyuq daşlar? Üç otağa sığmayanlar orada necə yaşayacaqlar? Görəsən buradakı evi ora aparmaq mümkündür? Qəribə suallarla ötüb keçdim oradan, bəzilərinə cavab tapdım, bəziləri cavabsız qaldı.

Bu gün yenə o, xoşum gəlməyən adamı gördüm, birilərindən ona yardım etməsini istəyirdi. Sonra onun yanından ötüb keçəndə məndən də yardım istədi. Əvvəllər üzünə baxmazdım, keçən günlərdə də salam vermişdim. Əvvəllər olsaydı “üz verdim deyə astar istəyir”, deyə düşünərdim. Amma elə düşünmədim, lap ürəkdən kömək etdim. Məmnun baxşılarla baxıb “təşəkkür” etdi. Artıq özümü hər hansı sağalmaz bir xəstəlikdən sağalırmışam kimi hiss etdim.

Amma məni tanıyanlar və ona yardım etdiyimi görənlər "Sənin halın-hal deyil", dedilər, "səndən nə əcəb?" Mən artıq heç kimi dinləmirdim, çünki onlar mənə yaxşı təsir bağışlamırdılar. Onların yanında yorulurdum, insanlarla söhbət etmək məni yorurdu.

Bu gün kor birini gördüm, əlində yemək yeyirdi, yaxından baxanda yeməyin onu yediyini demək daha doğru olardı. Yemək bütün ətrafına saçılmışdı, o, isə boş qaba əlini sürtüb ağzına bir şeylər aparmağa çalışırdı. Ürəyimdən nəyinsə qırıldığını hiss etdim, hətta səsini də eşitmiş kimi oldum. Kor olan o idi, ya biz? Axı insanlar niyə belə qəddardı? Onun yerində özümü düşündüm yəqin ki, diqqətsizlikdən ürəyim dayanardı. O, isə heç nə olmamış kimi boş qabdan yemək yeməyə çalışırdı. Əvvəllər hər kəs öz əməlinin cəzasını çəkir deyirdim, düzünü deyim, indi də elə düşünürəm. Əgər elədirsə, sabah mən də bu əməlimin cəzasını çəkəcəm. Bu niyyətlə yanında oturdum. Doydunmu? - deyə soruşdum. Əslində yerə səpilmiş yeməklərdən cavab bəlli idi. İlk dəfə uşaqlar istisna olmaqla birinə əlimlə yemək yedizdirirdim.

Evə bitkin gəldim. Bu gün həyatımda “ilk”lərin günü idi. Çünki bu gün ilk dəfə səsli ağladım, hətta gözümdən yaş da süzüldü. Necə də gözəlmiş səsli ağlamaq İlahi!

Bu gün sağalmaq yolunda yeni bir addım atmış kimi hiss etdim özümü, hər nə qədər mənim xəstə olduğumu düşünsələr də. Əslində xəstə olan mən deyildim, məndəki o biri mən idi. Mən də onu sağaltmaq istəyirdim.

Kimsə məni anlamır, heç istəmirəm də anlasınlar. Onlar özlərini anlasalar, mənimlə işləri olmaz. Özlərini sağaltmaqla məşğul olarlar. Onlar məndən də xəstədirlər, ən azından mən sağalmaq istəyirəm, onlar isə xəstəliyin onlara verdiyi ağrı ilə digərlərinə təzyiq göstərirlər.

Ölmüş birinin gündəliyi: bu gün hansı gündə olduğumu xatırlamadım.

Səslərin sayı: 2
9
1568
loading...
Şərhlər
Offline
Aida M-ova
Dəniz84,
Çox sağ ol bəyənməyin məni sevindirdi smile
8 sentyabr 2015 11:00
Offline
Aysel İ.
Aida, çoxtəbii, çox təsirli yazmısan. Oxuduqca elə bil yaşadım eyni hadisələri. Çoox bəyədim canım, qələminə qüvvət. give_ros
8 sentyabr 2015 09:07
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Aida M-ova
●♥ Səma ♥●,
Təşəkkür edirəm. Əvvəlidə olub elə xəbərin altındakı yazı " xəstəliyin aşkarlanması" bəyəndiyinizə şad oldum smile
7 sentyabr 2015 22:34
Offline
●♥ Səma ♥●
Oxuduqca kovrəldim.Özümdən asılı olmayaraq gözlərimdən yaş da süzüldü.Ardı olacaq anladığıma görə.Səbrsizliklə gözləyirəm.Çox bəyəndim,Aida. good give_ros
7 sentyabr 2015 20:21
imza: Qırılmış bir qadın elə susar ki,sükutundan kar olarsan....
Offline
Aida M-ova
Oxudum ama oxumadm yaşadım yazdıqlarını

Sevindim. Yaşaya bildinizsə bu məni çox sevindirdi.
Əsas odurki içindəki özünü tapıb yeni bir addım atmaqdır bu başlanqıc yaxşılığa doğru olsun .Çox düşündürücü yazıdı davamı gəlsin

Təşəkkür edirəm. İnşəAllah davamlı olar. Sizlərin sayəsində give_ros
7 sentyabr 2015 18:21
Offline
MAYA EL
Bu gün sağalmaq yolunda yeni bir addım atmış kimi hiss etdim özümü, hər nə qədər mənim xəstə olduğumu düşünsələr də. Əslində xəstə olan mən deyildim, məndəki o biri mən idi. Mən də onu sağaltmaq istəyirdim.

Əsas odurki içindəki özünü tapıb yeni bir addım atmaqdır bu başlanqıc yaxşılığa doğru olsun .Çox düşündürücü yazıdı davamı gəlsin
7 sentyabr 2015 17:49
imza: Özün haqqında qışqıra-qışqıra danışma, qoy başqaları sənin barəndə sakitcə danışsınlar.
Offline
Fatma xanım
Oxudum ama oxumadm yaşadım yazdıqlarını
7 sentyabr 2015 17:44
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Aida M-ova
Ceylan Mumoğlu,
Bəyəndiyinizə sevindim. Davam etdirirəm inşəAllah yaxşı olar. Dəstəyiniz üçün təşəkkürlər give_ros
7 sentyabr 2015 17:26
Offline
Ceylan Mumoğlu
Aida, bu gün də maraqlı alınıb. Kor adamı yedirəndən sonra qəhrəmanın səsli ağlaması lap təsirlidir.
Gözləyək, görək digər günlər nələr olacaq. Səbrsizliklə davamı gözləyirik. laughing
7 sentyabr 2015 14:10
Adıniız:*
E-Mail:
ıifrə: *
Son şərhlər
loading...
Son yazılar
Hansı fəsili daha çox sevirsiniz?
Yaz
Yay
Payız
Qış