Bakıda hava
USD 1.7001 AZN
EUR 2.0865 AZN
13:11Surayye Her kese salam/ Sima-Peri Qizlar burdayam
38086

Uşağınız atasına çox bağlıdır?

1-2 yaş arası uşaqlarda analarından ayrılandan sonra yumşaq bir oyuncağa, ədyala, parçaya saldıqları meyl özünü etibarlı yerdə hiss etmək istəyindən qaynaqlanır. Vaxtı gələndə, körpə hazır olanda bu adətini tərgidəcək. Lakin bu zaman kəsiyində atanın rolu nədən ibarətdir? 

Uşaqlar birdən artıq adama öyrəşmir?

Bəzi uşaqlarda öyrəşdiyi adam olaraq ikinci insana yer yoxdur. Öyrəşdiyi adamın qucağından başqasının qucağına getmək narahatlıq hissi yarada bilər. Narahatlıq yaradan digər vəziyyət isə, 1 yaşlı uşaqların ana qucağından ataya keçərkən ağlamalarıdır. Bu vaxt ata özünü kənarlaşmış hiss edə bilər. Çox şiddətli olmasa, əslində bu rəftar təbiidir.

Bəs 1 yaşından sonra ataya bağlılıq necə yaranır?

1 yaşından sonra bəzi uşaqlar atalarına olan istəklərini büruzə verə bilərlər. Bu mərhələ əhəmiyyətli olduğuna görə atalar çox diqqətli olmalıdırlar. Əgər ata uşaqla anadan çox ünsiyyət qurursa bu bağlılıq başa düşüləndir. Lakin uşağın bütün əziyyətini ana çəkirsə, hər şeyi ilə dəqiqliklə əlaqələnirsə, diqqətini, sevgisini uşaqdan əsirgəmirsə və bunlara baxmayaraq uşaq ataya meyl edirsə, onda bu barədə düşünməyə dəyər.

Uşağınız atasına çox bağlıdır?

Bu vəziyyət anaya necə təsir edir?

Bütün gününü uşaqla keçirən ana bu vəziyyətdən təbii olaraq təsirlənə bilər. Gündüzlər ev işləri ilə yanaşı, uşağına da vaxt sərf edərkən, axşam ata evə gələndə uşağın özünü atanın üstünə atması, anaya gəlmək istəməməsi onu kədərləndirə bilər. Ata evdə olmayanda heç bir problem yoxdur, ana və uşaq əla vaxt keçirir, ancaq ata evə gələn kimi vəziyyət dəyişir. Ata və ana bu vəziyyətdə elə fikirləşir ki, uşaq öz seçimini artıq verib və o seçim atanın xeyrinədir. Lakin bu çox istəməklə, və seçimlə əlaqəli bir şey deyil.

Ana bu vaxt narahat olsunmu?

Xeyir! Bu vəziyyət müvəqqəti bir haldır, necə ki, oyuncağa, yorğana meyl edir, ataya da meyl etməsi ananın diqqət, sevgi azlığından irəli gəlmir. Bəzi analar bu vaxt çox kədərlənir və qaneedici bir ana olmadığını, uşağın atasını seçim etdiyini fikirləşir. Lakin analar bilməlidirlər ki, bu təbii bir mərhələdir. Bir müddət sonra münasibət yenidən ananın xeyrinə dəyişəcək. Uşağın o diqqəti də sadəcə atası üçün darıxmağından irəli gəlir. Bütün gün ana ilə olan uşaq atanı az gördüyü üçün vaxtı bütünlüklə onunla keçirmək istəyir. Analar da bu vəziyyətdən öz xeyrinə istifadə etməlidirlər.

Uşağınız atasına çox bağlıdır?

Ana necə rəftar etsin?

Ananın, uşağın ata ilə rahat münasibət qurmasına ən yaxşı şəkildə şərait yaratmağı lazımdır. Ən əyləncəli anlarda ata ananı da münasibətin içinə daxil etməli, beləcə üçlükdə gözəl vaxt keçirməlidirlər. Bu amil münasibətləri daha gözəl tənzimləyər. Əks halda, ana qaba rəftar edərsə uşaq ataya daha çox meyl edər.  Ana bu vaxtlar həmişə şən əhval-ruhiyyədə olmalıdır.

Ataya ifrat bağlılıq nədən yaranır?

Işin təbbi və adi qaydadan çıxdığı vaxtlar da olur, əlbəttə. Buna səbəb verən amillər bunlardır: uşağın dayəyə verilmə mərhələsi, ananın işləməyə başladığı mərhələ. Atanın uşağa daha diqqətcil olması. Ayrılıq təsirini yaşayan körpə o boşluğu digər valideyninə bağlanmaqla doldura bilər. Bu əslində anaya olan qəzəbin büruzə verilməsidir.

Digər vacib amil isə, gün ərzində qurulan adətkarlıq hallarıdır. Məsələn, uşaq ana tərəfindən dayəyə verilir, ata tərəfindən alınırsa, uşaqda ataya qarşı bir inam, güvən hissindən doğan bağlılıq yaranır. Bu uşağın əslində ana sevgisinə ehtiyacının təzahürüdür. 

Səslərin sayı: 2
10
1994
loading...
Şərhlər
Offline
nigar dadasova
men usaqimi vurankimi qacir ya atasina yada nenesine babasina
7 iyun 2015 14:59
Offline
Xanim_Xatun
Digər vacib amil isə, gün ərzində qurulan adətkarlıq hallarıdır. Məsələn, uşaq ana tərəfindən dayəyə verilir, ata tərəfindən alınırsa, uşaqda ataya qarşı bir inam, güvən hissindən doğan bağlılıq yaranır. Bu uşağın əslində ana sevgisinə ehtiyacının təzahürüdür.
7 iyun 2015 14:55
Offline
Fatma xanım
Mənimkilər də həmişə atalarını çox istəyiblər o olmayanda çox darıxıblar
2 iyun 2015 20:56
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Terane Allahverdiyeva
Atasina oxwuyan evlad xowbext olur deyirler
1 iyun 2015 18:01
Offline
Şəri Babayeva
Necədə olsa atasıdır. Məncə bağlı olması yaxşıdı. Təşəkkür edirəm.
1 iyun 2015 17:55
imza: Qadın təbiəti gərəyi zəifdir; amma ağrıya ən çox o dözər. Qadının müqavimətini qıran tək şey xəyal etdiyi kişinin boş çıxmasıdır...
Offline
Qəribə
Maraqli idi tesekkur edirem.
31 may 2015 02:35
imza: Не забывайте благодарить Бога, Он же не забывает будить вас каждое утро.

Iдеальных людей не бывает, цените тех,
кто смог полюбить ваши недостатки.
Offline
Ellada Babayeva
Məncə uşağın atasına bağlı olması normaldır.
31 may 2015 00:41
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
ZEHRAM
Menim qizimin 4 yawi var atasina cox baglidi.Atasini adiyla cagirir.atasiyla nefes alir
30 may 2015 23:27
Offline
Aysel İ.
Mənim 3-cü oğlum atasına çox bağlıdır. Hətta 2-3 aylıq olandan onu görəndə sevinirdi. qığıldayırdı ki, atası ona baxsın. Atası baxmayanda ağzını büzüb ağlayırdı. 1 yaşə var idi axşamatasının gəldiyi vaxtı eelə gözəl bilirdi ki, 7-ni keçən kimi qalırdı qapının ağzında. Onu da deyim ki, yoldaşım heç bir zaman uşaqlara nə isə alıb gətirən deyil əlində ki, uşaq nəyə görəsə onu gözləsin. Mənə pul verir ki, nə istəsələr al. Ancaq özü almır ki, birdən bir gün ala bilmərəm uşaq əlimi boş görüb pis olmasın.
Balacamın 2 yaşı var atası evə 1 saat gec gəlsə ağlayır dayanmadan atam hanı deyir. Çoxx bağlıdır ona. Buna da heç narahat olmuram. Allah həmişəmehriban eləsin))
30 may 2015 17:56
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Mələksima
Mən deyərdimki mənim qızlarım mənə çox bağlıdılar.
30 may 2015 17:29
Adıniız:*
E-Mail:
ıifrə: *
Son yazılar
Son şərhlər
Maraqlıdır