Bakıda hava
USD 1.7001 AZN
EUR 2.0865 AZN
13:11Surayye Her kese salam/ Sima-Peri Qizlar burdayam 10:12Xəyalə Murad SabahInız xeyirli, gününüz uğurlu olsun))
38086

Qadınlar nə istəyir?

Qadınlar nə istəyir?

Qadın beyni kişi beynindən tamamən fərqli çalışan bir sistemə malikdir. Bir qadın dəyərləndirilməyi və xüsusi olduğunu hiss etməyi həmişə şiddətlə istəyir. Bu istək hərədə bir cür ortaya qoyulur. Kimisi özəl hədiyyələr, kimisi xüsusi sözlər, kimisi özəl bir baxışla bunu hiss etməyi istər. Amma böyük ehtimallarda özəl sözün yerini bir qadın üçün heç nə dəyişmir. Hər qadın tərifi haqq edir. Hansı məshəbə, hansı cəmiyyətə, hansı əxlaqa malik olmasından asılı olaraq, Hər qadının daxilindəki uşaq özəl olduğu bir dünyanın arzusu ilə böyüyür. Amma kimisi bu arzunu gerçəkləşdirir, kimisi qarşısındakı sədləri keçə bilmir. Buna görə heç bir qadını heç vaxt həyatına görə günahlandıra bilmirəm. İstənilən halda ana olmağı dadan qadının daxilində o standart hiss ortalığa çıxır. Qoruyuculuq duyğusu. Buna görə də analar başımızın tacıdır.

Nə isə, mövzuya qayıdaq. Bir qadını susuz, yeməksiz, pulsuz və s. şeylərdən məhrum edə bilərsiniz. Amma qadın tərifsiz yaşaya bilməz.


Qadınlar çox xoşbəxt bir həyat yaşayan kişi ilə bir həyat istər, amma xoşbəxtlik dadmayan bir kişi qadının qəlbini daha tez qazana bilər. Səbəb çox sadədir. Qadınlar sanki həyata bir missiyanın ardınca gəlmiş kimi hiss edirlər və qarşılarındakı kişinin bədbəxt həyatı onlar üçün düzəldə biləcəkləri bir işdir. Belə kişi daha sirli, daha yalnız və qadının yerləşib rahatlıqla gəzə biləcəyi geniş və boş bir xam torpaq kimidir. 

Qadınlar nə istəyir?

Amma kilid nöqtəsi olan bir şey var. Bu qəlibdən olan iki cür kişi var. 

1. Yalnızlığı sevən.

2. Yalnızlıqdan qurtulmaq istəyib bu bataqlıqda ilişən bir kişi.

Bir gün həyatınıza bir adam girər və qarşılıqlı bir eşq yaşarsınız. Amma məsələ budur ki, siz qapanıq bir həyatı sevirsiniz. Sevərək yaşanan olay daha səmimi, daha sehrli və daha çəkici təsir bağışlayır və qadınlar səmimiliyi üstün tutur. Çünki səmimilik qadının güvəndə ola biləcəyi, sahib ola biləcəyi və dəyər görə biləcəyi bir ortamdır.

Amma bütün bunlara baxmayaraq bu səmimi ortamda yalnızlığı və qapanıqlığı sevən bir kişinin həyatına düşən qadın kişinin həyatındakı bu bədbəxt, yalnız və qapanıq durumu dəyişdirməyə çalışar. Səbəb çox sadədir. Bu bəlkə də qadınsayağı bir eqonun, özününküləşdirmə prosesinin bir parçasıdır, amma başqa bir versiya ilə sevdiyim romanlardan birində oxuduğum kimi "Mən sənin həyatını, zövqlərini, məşğuliyyətlərini dəyişmək istəmirəm, sadəcə sənə daha yaxşı təsir edəcək şeyləri həyatına gətirmək və daha xoşbəxt olmağını istəyirəm" kimi bir yanaşmadır.  

Qadınlar nə istəyir?

Demək istədiyim, qadınlar bəzən kişinin fərqli özəlliklərini dəyərləndirib onun həyatına daxil olub həmin xüsusiyyətlərdə dəyişiklik etməyə çalışarlar. Əgər kişi bu bataqlıqdan çıxmağı istəyib bacarmayanlardandırsa, qətiyyətli bir qadının köməyi ilə problemi həll edib xoş bir həyatın astanasına gəlib çıxmış olacaq.

Amma ikinci qəlibdən olan bir kişi vardırsa qarşısında, qadının daxili mənini təmin etməli olan o dəyişiklik planları baş tutmadığına görə araya bir aləm problemlər, mübahisələr və itmiş sehr daxil olacaq. Qadınlar gəlişlərinin fərq yaratmasını istəyirlər. Çünki bu fərq onların özəl olduqlarının bir nömrəli sübutudur. Bu qədər sadə. 

Buradan yola çıxaraq iki nəticəyə gəlirik

 Qadınların bu cəhətdən özəl olduqları ilə bağlı istəkləri iki cür təmin oluna bilər:

1. Kişi müxtəlif hədiyyələr, özəl sözlər, özəl günlərlə bağlı müxtəlif planlarla bunu qadına hiss etdirə bilər ki, bu ən təhlükəli üsuldur. Çünki bir kişi həm ata, həm ailə başçısı, həm də hansısa məsləkdə bir işçidir. Bütün bu qayğıların üçündə özəl günlərə, özəl sözlərə, özəl hədiyyələrə etinasızlıq edə, günlük qayğılara qapıla bilər. Bu isə ailə içində soyuqluğun, problemlərin yaranma səbəbidir.

2. Yuxarıda da vurğuladığım kimi, kişinin bərbad həyatında qadının özünün etdiyi düzəlişlər vasitəsilə özü-özünün özəl olduğunu hiss edə bilər ki, bunun üçün də kişi birinci qəlibdən olanlara aid olması daha olası variantdır.

Dərkənar olaraq qeyd edim ki, ikinci qrup kişilərin ailə həyatı bərbad ya da ümumən olmamış olur. Çünki bu cür kişiyə təhəmmül edəcək qadın öz qadın eqosunu (eqo sözünü başqa yönlərə çevirməyin, bu heç də eqoist kəlməsi ilə bir deyil) kənara qoymalıdır ki, ailə xoşbəxt bir lövhə alsın və  ən vacibi qadınlar üçün onları hüznləndirən kişilər cəlb etdiyi qədər, onları güldürən, dayaq verən kişi də önəmlidir. Yəni qadınlar poladdan deyil, onların da kövrək olanı olur. Bu cür qadına ona dəstək duran kişi lazımdır. Pul, mülk, maddi dünya qadın üçün keçicidir. Əsas olan güvən, səmimiyyət, və qadının özünəməxsus olduğunu hiss edə biləcəyi bir yuvadır.  

Aşırı güvən qadını narahat edə bilər. Onlar həm də qısqanılmağı, azca da olsa, onun üçün narahatçılıq keçirilməsini istəyərlər. Hətta günümüzdə aşırı emosional olan qadınlar sırf sevdiyi insanın diqqəti, güvənindən dolayı onun üzərində deyil deyə xırda xəyanətlərə və sonu olmayan bu yolda çox ciddi fəsadlara da apara bilər. Zatən yanlış yolda olan qadınların heç də hamısı maddi durumundan dolayı bu yollara düşmür. Bəziləri gənc yaşda emosianal bir platonik sevginin qurbanı olub öz kişisini qısqandırsın, ya da reaksıya versin deyə ağrıdacaq bir yanlış hərəkətə əl atır və bir daha çıxa bilməyəcəyi yola addım atır. 

Qadınlar nə istəyir?

Son olaraq onu deyim ki, qadınlar həm güvənilməsini, həm də o qədər çox güvənilməməsini, qapanıq olan kişini, həm də, o qədər də qapanıq olmayan kişini, güldürülməsini, həm də ağladılmasını, xüsusi diqqəti, həm də o diqqəti özü-özü üçün əldə etməsini və bunun kimi bir aləm bir-biri ilə təzad təşkil edən istəklərlə dolu olan bir varlıqdır. 

Onu anlamaq yox, sevmək lazımdır. Çünki hər qadın sevgiyə, diqqətə layiqdir.

Və oxuduğum bir yazıda deyildiyi kimi, "Qadınları güldürün, amma özünüzə yox!"

Dr.Hamid

Səslərin sayı: 7
28
3273
loading...
Şərhlər
Offline
Aysel
qadın sevgi, hörmət, qayğı istəyir.maddi istəkləri də unutmayaq smile
19 fevral 2016 12:34
Offline
Fatma xanım
Qadınlar sevgi xoş rəftar istəyir bunu da onlardan əsirgəmiyin
17 fevral 2016 17:57
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Iceberg
Qadinlari guldurun, amma ozunuze yox))) ela sozdur
16 fevral 2016 15:08
imza: shafaabdulla.blogspot.com
Offline
Fatimə
Qadın çox şey istəyir qarşısındakı insandan bunada haqqı var məncə.
16 fevral 2016 11:31
Offline
Sebuhi Peri
belede cox sey istemirem sadece gosterdiyim diqqetin qarsiliqi olsa
Dunyalar menim olar
diqqetsizliye nifret edirem
16 fevral 2016 09:10
Offline
Aysel İ.
Xəbəri bir daha oxudum zövq aldım təşəkkür.
15 fevral 2016 22:08
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
S U S E N _BACI
salam vallah cox menali sualdi vallahi amma men allahdan gunahsiz olmaqi isderem bendelerdense hecne isdemirem girl_ang her sey oz elimizdedi cnm xeber ucun tsk
15 fevral 2016 17:24
Offline
Xanim_Xatun
Qadın sevgi nəvaziş xoş tərif istər
25 noyabr 2014 16:39
Offline
Miwqa
Maraqli melumatdi teşekkur
20 sentyabr 2014 10:18
Offline
Aysel İ.
İstəklər tükənməz....Əsası odur Qadın anlaşılmaq istər.
təşəkkürlər bu cür gözəl mövzu üçün.Hər kəsin yeni mövsümü ugurlu olsun...

Doğru vurğulamısınız Səadət xanım. Xoş gəldiniz.
20 sentyabr 2014 09:14
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Zeyneb-Esger
Maraqli xeberdir tesekkurler give_ros
19 sentyabr 2014 01:51
Offline
nigar dadasova
Qeseng melumatdir
18 sentyabr 2014 10:51
Offline
♥♥S.Nur♥♥
"Qadınları güldürün, amma özünüzə yox!"

Men cox sevdim bu cumleni... crazy
17 sentyabr 2014 00:10
Offline
Qəribə
Amma qadın tərifsiz yaşaya bilməz.
Təşəkkür edirəm Xəyalə xanım.
16 sentyabr 2014 23:55
imza: Не забывайте благодарить Бога, Он же не забывает будить вас каждое утро.

Iдеальных людей не бывает, цените тех,
кто смог полюбить ваши недостатки.
Offline
Seadet Sexavet
Xəyalə xanım yenə mə gözəl mövzuya toxunmusuz....Qadın nə istər....Maraqlıdır.
məncə qadın
---ətrafında güvən istər
---dogruluq istər
---səmimiyyət istər
---sevgi istər
---lazimi insan oldugunu duymaq istər
---güvənmək və güvənilmək istər. Və s...
İstəklər tükənməz....Əsası odur Qadın anlaşılmaq istər.
təşəkkürlər bu cür gözəl mövzu üçün.Hər kəsin yeni mövsümü ugurlu olsun...
16 sentyabr 2014 23:39
Offline
Gulum
Məncə qadınlar elə də cox şey istemirler Sadece gösterdikleri sevginin qayğının diqqetin azacıq qarşılılıqını isteyirler girl_ten empathy Bax hirslendirmeyin ha bizi yoxsa cox şey teleb ederik bankrot olarsız kişiler girl_cray blum
16 sentyabr 2014 23:36
Offline
איסון ממדוב.
Cox gozeıl xeberdi bir qadinin istediyi sevgi sayqi hormet bunlar varsa o xanim cox xosbexdir
16 sentyabr 2014 23:26
imza: Mutsuzum diye bahane arama.
Rabbim o kadar cox guzellik vermiski,
KALP GOZUNU ARALA
Offline
Aida M-ova
Son olaraq onu deyim ki, qadınlar həm güvənilməsini, həm də o qədər çox güvənilməməsini, qapanıq olan kişini, həm də, o qədər də qapanıq olmayan kişini, güldürülməsini, həm də ağladılmasını, xüsusi diqqəti, həm də o diqqəti özü-özü üçün əldə etməsini və bunun kimi bir aləm bir-biri ilə təzad təşkil edən istəklərlə dolu olan bir varlıqdır

Bələ başa düşdüm ki , qadınlar nə istəyir ? sualına yenə cavab tapılmadı mocking gah istəyirlər gahda ki , yox scratch_
16 sentyabr 2014 22:59
Offline
Ellada Babayeva
Onu anlamaq yox, sevmək lazımdır. Çünki hər qadın sevgiyə, diqqətə layiqdir.

Təbii..Amma bunu bəzi kişilər başa düşmür.
Aşırı güvən qadını narahat edə bilər. Onlar həm də qısqanılmağı, azca da olsa, onun üçün narahatçılıq keçirilməsini istəyərlər.

Yox..Qısqançılıq güvənsizlikdən əmələ gəlir. Qadınlar güvənilməyi xoşlayırlar. Bir ailədə güvən, hörmət yoxdusa o ailə tez dağılır.
16 sentyabr 2014 22:52
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
RUM
Qadinlar shille yumuruqdan bashka herne isteyir gozlerida doymur blum
16 sentyabr 2014 21:53
Adıniız:*
E-Mail:
ıifrə: *
Son yazılar
Son şərhlər
Maraqlıdır