əl-Cin (Cinlər) surəsi
(Məkkədə nazil olmuşdur, 28 ayədir)
Bismillahir rəhmanir-rəhim!
- (Ya Peyğəmbər!) De: Mənə vəhy olundu ki, bir dəstə cin (Məkkə və Taif arasında sübh namazı vaxtı Quranı dinləyib öz həmcinslərinin yanına qayıtdıqları zaman) dedilər: Biz çox qəribə (təsəvvür edilməz dərəcədə gözəl olan) bir Quran eşitdik.
- O, (xalqa) haqq yolu göstərir. Biz ona iman gətirdik və biz bir daha heç kəsi Rəbbimizə şərik qoşmayacağıq.
- Həqiqətən, Rəbbimizin calalı çox ucadır. O Özünə nə bir zövcə götürmüşdür, nə də bir uşaq!
- Doğrusu, bizim səfehimiz (İblis) Allah barəsində tamamilə yalan (haqdan uzaq sözlər) söyləyirmiş.
- Biz elə güman edirdik ki, nə insan, nə də cin tayfası Allah barəsində yalan danışmaz.
- Həqiqətən, (Cahiliyyət dövründə) bəzi insanlar bir para cinlərə pənah aparır, bununla da onların təkəbbürünü (azğınlığını) artırırdılar (cinlər özləri haqqında çox böyük fikirlərə düşürdülər).
- Onlar (o insanlar) da siz (cinlər, yaxud o cinlər də siz insanlar) təkin elə güman edirdilər ki, Allah heç kəsi (öləndən sonra) diriltməyəcəkdir.
- Biz (cinlər yuxarı aləm əhlinin söhbətinə oğrun-oğrun qulaq asmaq üçün) göyə qalxmaq istədik (səmanı yoxladıq), amma onun (mələklərdən ibarət) güclü gözətçilər və yandırıb-yaxan (axan) ulduzlarla dolu olduğunu gördük.
- Biz (Muhəmməd əleyhissəlamın peyğəmbər göndərilməsindən əvvəl mələklərin söhbətinə) qulaq asmaq üçün (göyün) bəzi yerlərində otururduq. Lakin indi kim (onların söhbətinə) qulaq asmış olsa, yandırıb-yaxan bir ulduzun onu gözlədiyini görər.
- Biz bilmirik ki, (göyün gözətçi mələklərlə, axan ulduzlarla doldurulması və mələklərin söhbətinə qulaq asmağın bizə qadağan edilməsi ilə) yerdə olanlara bir pislik etmək istənilmişdir, yoxsa Rəbbi onlara bir xeyir diləmişdir.
- Şübhəsiz ki, aramızda əməlisaleh olanlar da var, olmayanlar da. Biz müxtəlif firqələrə (məzhəblərə) ayrılmışıq.
- Biz anladıq ki, yerdə də olsaq, (göyə də) qaçsaq, Allahdan (Allahın əzabından) canımızı qurtara bilmərik (heç yerdə, heç zaman Allahı aciz edə bilmərik).
- Doğrusu, biz hidayət yolunu göstərəni (Quranı) dinlədiyimiz zaman ona iman gətirdik. Kim Rəbbinə iman gətirsə, nə (yaxşı əməllərinin mükafatını) əskilməsindən, nə də haqsızlığa məruz qalmaqdan (başqasının günahlarının ona yüklənməsindən) qorxar.
- Şübhəsiz ki, aramızda (Allaha və Onun Peyğəmbəri Muhəmməd əleyhissəlama iman gətirən) müsəlmanlar da var, (haqq yoldan) çıxanlar da. Müsəlman olanlar haqq yolu axtarıb tapanlardır.
- (Haqq yoldan) çıxanlar isə Cəhənnəm üçün odun olacaqlar (orada yandırılacaqlar)
- (Sonra mənə belə vəhy olundu: ) Əgər onlar (Məkkə müşrikləri) o yolda (islam dinində) doğru olsaydılar, Biz onlara (yeddi il davam edən quraqlıq və qıtlıq əsnasında) bol yağış verərdik ki,
- Onları bununla (bu nemətlə) imtahana çəkək. Kim öz Rəbbini yad etməkdən üz çevirsə, (Allah) onu məşəqqətli bir əzaba düçar edər.
- Şübhəsiz ki, (bütün) məscidlər Allaha məxsusdur. Allahdan başqa heç kəsə ibadət etməyin!
- Allahın bəndəsi (Muhəmməd əleyhissəlam) Ona ibadət etmək (namaz qılmaq) üçün qalxdıqda (cinlər) az qalmışdı ki, onun ətrafında keçə kimi bir-birinə keçsinlər (izdihamın çoxluğundan bir-birinin üstünə minsinlər).
- (Ya Peyğəmbər!) De: Mən ancaq öz Rəbbimə ibadət edirəm və heç kəsi Ona şərik qoşmuram!
- De: Mən sizə nə bir zərər, nə də bir xeyir vermək qüdrətinə malik deyiləm! (Bunu ancaq aləmlərin Rəbbi olan Allah edə bilər!)
- De: Məni Allahdan (Allahın əzabından) heç kəs qurtara bilməz və mən də Ondan başqa heç bir sığınacaq tapa bilmərəm!
- (Mənim əlimdən) Allah dərgahından olanı və Onun göndərdiklərini (Quranı və dini hökmləri) təbliğ etməkdən başqa (heç bir şey gəlməz). Allah və Onun Peyğəmbərinə asi olanları cəhənnəm odu gözləyir. Onlar orada həmişəlik qalacaqlar!
- Onlar təhdid olunduqlarını (qiyamətdəki, və ya Bədr vuruşundakı əzabı) gördükləri zaman kimin köməkçisinin daha zəif və sayca daha az olduğunu biləcəklər.
- De: Mən sizin qorxudulduğunuz əzabın yaxın olduğunu, yaxud Rəbbimin onun üçün uzun bir müddət təyin edəcəyini bilmirəm!
- Qeybi bilən ancaq Odur və Öz qeybini heç kəsə əyan etməz;
- Bəyənib seçdiyi peyğəmbərdən başqa! (Qeybi nə bir mələk, nə də bir peyğəmbər bilər. Onun açarları ancaq Allahın əlindədir. Lakin Allah istədiyi peyğəmbərə bir möcüzə olaraq vəhy yolu ilə qeybdən bəzi xəbərlər bildirər). Allah onların önündə və arxasında (mələklərdən ibarət) gözətçilər qoyar ki,
- (Peyğəmbərlərinin) öz Rəbbinin göndərdiklərini (nə cür) təbliğ etdiyini bilsin (bəlli etsin). (Allah) onlarda olanların hamısını (peyğəmbərlərin əhvalatını və bütün əməllərini Öz elmi ilə) ehtiva etmişdir. O, hər şeyi bir-bir sayıb yazmışdır (təsbit etmişdir)!
XƏBƏR LENTİ
Qocalmayan qadınlar
BÖYÜRTKƏN TORTU
700 min qız uşaqlığını itirir
Duayn Conson və ailəsi koronavirusa yoluxub
Azərbaycanlı gənclər Türkiyəni HEYRƏTƏ GƏTİRDİ - VİDEO
Danimarkanın milli muzeyi
Bakıdakı bərbad küçə ilə bağlı gülməli təklif
Bergüzar Korel ikinci dəfə ana oldu-FOTO
Ayaqqabı asılqanı özümüz hazırlayaq
Torta Mikki Maus görünüşünün verilməsi
Sağlamlıq və xoşbəxtliyin meyvəsi: Banan
Hülya Avşar FOTOsu ilə diqqət çəkdi
Hamilə qadın soyuqlayarsa…
Bakı sürücülərinə şad xəbər: zülm bitdi!
Yaz gəlinlik nümunələri
Əncirli piroq (foto resept)
Azərbaycanda yeni televiziya yaradıldı
Adel yenidən aşiq oldu
Hansı geyimlərlə incə görünmək olar?
Əsrin tapıntısı: 40 il meşədə yaşayan ata və oğul
Avtomobilləri ilə sərnişin daşımaq istəyən taksi sürücülərinin nəzərinə
Dünyanın ən ağır çəkili körpəsi doğuldu!-18 kq!
Xoşbəxt olmaq üçün Vanqadan 20 tövsiyə
61 yaşlı qadın ana oldu-FOTO
Sehrli nağıldakı güzgünü psixologiya necə şərh edir?
Antiperspirantların təhlükəsi
“WhatsApp”da bu da olacaq
"Aşk-ı Memnu"nun aktrisası TƏƏCCÜBLƏNDİRDİ-FOTO
Dünyanın ən dəbli kraliçası: Rania Al Abdullah
Azərbaycanda daha 257 nəfər koronavirusa yoluxdu - RƏSMİ
"Real" "Barselona"ya çatdı, Ronaldu tarixə düşdü
2020-ci ildə hansı bürcün nümayəndələri varlanacaq?
Azərbaycanda əhalinin sayı açıqlandı
Dünyanın ən gözəl üz cizgilərinə malik olan qadınları – FOTO
Bu, ən təhlükəli xəstəliklərdən biridir
Azərbaycanda koronavirusa daha üç yoluxma faktı qeydə alındı
Minsk qrupunun ABŞ-dan olan həmsədri Azərbaycana gəlir
Günün qoroskopu: Stress qaçınılmazdır!
Eşqin ömrü nə qədərdir?
Cəbhədən YENİ XƏBƏR: düşmən fəallaşıb
Məşhurlar makiyajsız necə görünür?
Markın WhatsApp-la bağlı planı
Toyuq ətli tərəvəz salatı (foto resept)
Gəlin ayaqqabıları 3
Elmi jurnalistikamız nə yerdədir?
Azərbaycanda yeni tipli məktəblər yaradılır
Serji Hitlerə bənzətdilər
FİFA "ən yaxşı futbolçu"nun namizədlərini açıqladı -SİYAHI
Uşaqlarda rast gəlinən yoluxucu xəstəliklər
2012 qısa saç modelləri
- ŞƏRHLƏR