Bakıda hava
USD 1.7000 AZN
EUR 1.9478 AZN
23 fevral 20:18Ayla Ayla Dalaka gəldi amma Sabriye yoxdu gören Sude nu udacag?! 23 fevral 20:18Ayla Ayla Surayyə canım Survivora baxıram,Özetdi.Sən də bax 23 fevral 16:46Surayye Sima Peri Deyirem day unutmusuz meni yazib elemirsiz 23 fevral 16:46Surayye Qizlarim qizillarim necesiz? Ayla mesajlara baxarsan
39991

Talehin taleyi...(Dördüncü hissə)

 

Talehin taleyi...(Dördüncü hissə)

 

Əlindəki pul topası lazım olduğundan da bir az artıq idi.Nədənsə səbəbini bilmədiyi bir sıxıntı vardı içində.Bu qədər pulu bir yerdə heç vaxt görməmişdi.Evə belə getsə anasının çox sual verəcəyini bilirdi.Onun suallarına düzgün cavab verib onu üzməkdənsə yaxşısı budur heç faizlə borc aldığını deməsin..Yox, indi evə getmək tezdi.Əvvəlcə aptekə, dükana gedib köhnə borcları sildirib, sonra isə qəbiristanlıqdakı torpağın pulunu ödəyib rahat evə gedə bilər.Belə də etdi.Yerdə qalan pulun bir hissəsi ehsana, bir hissəsini isə işə düzələnədək evə xərclənəcəkdi..

Evə gəlib çatanda gecə yarıdan keçmişdi..”Kaş ki, anam indi yatmış olaydı.Məndən heç nə soruşmazdı.Ona hələ indiyədək yalan danışmamışam.Başqa yolum yoxdur.Onu incitmək istəmirəm.Yaxşı tanıyıram anamı.Günlərlə fikir edəcək.Məni danlamasa belə ürəyində çəkəcək”.

Həyət qapısını yavaşca açıb həyətə keçmək istəyəndə anasını həyətdə gördü.

-Niyə hələ yatmamısan ana?

-Səni gözləyirdim, oğlum.

-Əsgərliyə gedib-gəldim də, yenə mənə uşaq gözüylə baxırsan?Mənə heç nə olmaz, qorxma.-Gülə-gülə anasını qucaqlayıb hər iki yanağından öpdü.Könlünü almaq istədi.

-Övlad qocalsa da valideynin gözündə həmişə uşaq olaraq qalacaq.Belə gecikdiyin olmamışdı heç.Çox narahat idim.

-Görürsən ki, salamatam.İndi get, rahat yat.Dincəl.Mən də yorulmuşam.Sabah işlərimiz çox olacaq.

-Yerini açmışam.Acsansa xörəyini qızdırım.

-Yox, ac deyiləm, yemişəm.Yuyunum, sonra yatacam.Sən məni gözləmə.Yuxun şirin olsun.

Talehgil hüzrlü olduqları üçün adətə görə televizoru, radionu açmırdılar.Atasının qırxı çıxanadək də belə olacaqdı.Ona görə də yazıq Zemfira axşam düşəndən gecə yarısınadək bir ayağı evdə, bir ayağı həyətdə hər gün beləcə oğlunu gözləyirdi.Evdə tək oturmaqdan darıxır, həm də qorxurdu.

Taleh anasını yola salıb yuyunandan sonra yatağına uzansa da yata bilmədi.Gözü stolun üstündəki şəkil albomuna sataşdı.Götürüb bir-bir şəkillərə baxdı.Ehh.Şirin, qayğısız məktəb illərinin  yerini heç nə verməz.Şəkillərin çoxu kollektivlə çəkilmiş şəkillər idi.

Hamsında da ən cılız, sısqa uşaq elə özü idi.Yaxşı ki, yuxarı siniflərdə idman dərslərində ,daha sonrasa əsgərlikdə idmanla ciddi məşğul oldu.İndi o sısqa uşaqdan bir əsər qalmamışdı.Hətta əsgərlikdən gələndən sonra bəziləri, xüsusən yaşlılar onu tanımaqda çətinlik çəkmişdi.Çox dəyişmişdi.Qızların həmişə həsədlə baxdığı kino qəhrəmanlarında olan əzələli bədəni, hündür boyu, gözəl, mənalı gözləri vardı..Kollektiv çəkilmiş şəkillərin bir neçəsində  müəllimləri də vardı.Əlbəttə ki, sevimli müəllimləri.Bax, bu şəkildəki riyaziyyat  müəllimi Elman müəllimdir.Onu sevməyən şagird varmı görəsən?Məktəbdə ən ciddi müəllim, dərsdən  sonrasa səmimi yoldaş olub şagirdlərinə.Həyatının çoxunu məktəbə, sevimli işinə həsr etdiyi üçün də gec evlənmişdi..Bu da Sona müəllimə.Biologiyadan dərs deyirdi.Sona müəlliməni çox istəsə də biologiyadan yadında heç nə qalmırdı.Hüquq fakültəsinə hazırlaşdığı üçün o fənnə xüsusi maraq göstərməmişdi.Elə indi də biologiyadan yadında qalan ancaq qan qrupları və rezurslar idi.Həmin dərsi keçəndə Sona müəllimənin əvvəlki dərslərdə olmayan həyəcanı, “Balalarım, bu dərsi yaxşı-yaxşı oxuyun.Gələcəkdə çox lazımınız olacaq..”deyərək uzun-uzadı dərs izahını indi də xatırlayır.Müəllimlər arasında ən yaşlı müəllim olduğu üçün onlara həmişə “Balalarım” deyə müraciət edərdi..Bu isə Emin müəllimdi.Şəkildə hamı idman formasındadır.Emin müəllim məktəbin ən cavan, qızların ən sevimli müəllimi olmaqla yanaşı Talehin yaddaşında onu dəyişdirən, özünə inam yaradan müəllim kimi qaldı.Gərgin idman məşqləri nəticəsində Talehin həm bədən quruluşu dəyişməyə başladı,həm də bəzi komplekslərindən azad oldu.Özünə inamı artdı..

Şəkildəki balaca qızların bəziləri artıq anadır.Elə oğlanlardan da evlənənlər var.Bayaqdan fikri müəllimlərdə olduğundan heç diqqət etməmişdi.Demək olar ki, bütün şəkillərdə Sevda onun yanında dayanmışdı.Şəkillərin çoxunda sağ tərəfində oğlanlardan biri, sol tərəfindəsə Sevda idi.Heç bir şəkildə yanında başqa qız dayanmamışdı.Şəkil çəkdirəndə də, dəfələrlə bu şəkillərə baxsa da buna fikir verməmişdi.Görəsən bu təsadüf idimi?Təsadüf bir olar, iki olar.Kollektiv çəkilən on şəkildən yeddisində Sevda yanındaydı.O birilərdəsə ancaq oğlanlar idi yanındakılar..Bəlkə Sevda onu uşaqlıqdan sevirmiş???Ondan xəbərsiz...Ağlına gələn fikrə özünün də gülməyi gəldi."Yox, nə sevgi?O məni bir qonşu, parta yoldaşı kimi çox istəyirdi.Mən də onu.O qədər..Yaxşı, bəs bu albom hardandır?Mənim albomum yox idi axı.Anam da ki, inanmıram beləsini ala.Albomun üstündə ox işarəsi olan ürək şəkli və ingiliscə "Love" sözü yazılmışdı.Bunu ancaq Sevda ala bilər.Heç dəyişməyib.Məktəbdəki kimi romantik, sürpriz etməyi xoşlayan Sevdadır elə."

Albomu örtüb kitab rəfinə yaxınlaşdı.Maraqlı kitablarından birini götürüb oxumaq istədi.Yuxusu gəlmirdi.Kitabların arasında qalın bir dəftər gördü.Yadına düşdü,-bu onun gündəliyi idi.Hələ məktəb vaxtından onun gündəliyi vardı.Bu barədə heç kimə deməmişdi.Bilirdi ki, kiməsə desə:-"Gündəlik tutmaq qız işidir."deyib onu ələ salacaqdılar.Çox utancaq, qapalı, bir az da kompleksli olduğu üçün heç kimə deyə bilmədiklərini, hisslərini, düşüncələrini bu dəftərə köçürərdü.O vaxtdan  əslində o qədər də uzun zaman keçməyib.Cəmi iki il keçib.İki il nədir ki?Amma bu qısa zamanda çox şey dəyişib.Düz deyiblər ki:-"Hərbi xidmət- kişilik məktəbidir".Bu müddətdə onun zahiri görünüşü kimi  həyata baxışı, xarakteri də  tamam dəyişib.Daha möhkəm, özünə daha çox inamlı olub..Əlinə alıb vərəqlədiyi, hər səhifəsini oxuyarkən gülümsədiyi bu dəftəri-gündəliyini atsınmı, ya məktəb illərindən bir xatirə olaraq saxlasınmı?Həyatında indi maraqlı nə vardı axı yazmalı?Sevdiyini insanın itirməsindənmi, bu azmış kimi bitmək bilməyən problemlərindənmi yazsın?Yəni onun həyatında bir işıqlı tərəf yoxdurmu?"Yox, belə ümidsiz olma Taleh,-dedi öz-özünə.-Bəs Sevda?Axı sən də ona biganə deyilsən.Məhz qonşun olduğuna görə hisslərini gizlətdin.Amma görürsən ki, onun da sənə meyli var.Bu şəkillər də, üstündə ürək şəkli olan albomu hədiyyə etməsi də çox şey demirmi?Ah, Sevda...Sevda..."

Səslərin sayı: 15
39
4797
loading...
Şərhlər
Offline
Ulker.Agamali
maraqla davam edirem oxumaga sevgi ve kriminal bir arada cox maraqli
14 dekabr 2014 16:33
imza: .Ya ümidsizsiniz, ya ümid sizsiniz.
Ya çarəsizsiniz, ya çarə sizsiniz.
Offline
Leman B-va
Maraqlidi cox
14 mart 2013 14:42
Offline
Kemale Memmedova
cox maraqlidir.qoy bir qurtarim.
2 dekabr 2012 23:31
Offline
Pervane
Qalani qaldi sabaha,oglum durub meni cagirir,mamasi gel deyir,gedim gorum gece nece yatacam..................Sabah insallah 5ci hisse
22 mart 2011 01:49
Offline
musi
ardini sebirsizlikle gozleyirem tasekkurler
12 fevral 2011 02:48
Offline
SeLiN(Leyla)
Diqqət! Bu linki görmək üçün zəhmət olmasa qeydiyyatdan keçin.
9 fevral 2011 12:57
Offline
PePito
Sitat: Gulşen_q
Anlamadım...

caim menim onsuzda anlamali bir sey yoxdu Nazadi da mirt tutur wink
8 fevral 2011 17:22
Offline
Gulshen_q
Nazuletta,
ŞefeQ,
Anlamadım...
8 fevral 2011 17:20
Offline
PePito
Sitat: Nazuletta
Bəs actiondan-zaddan olmadı )))

action gelen sabah olacaq wink bu gun yaddan cixib wink ,ay qiz hekayede ne action bu senin ucun holluwud filmi zaddi wink
8 fevral 2011 16:32
Offline
Naza
Elə bu? Bəs actiondan-zaddan olmadı )))
8 fevral 2011 16:28
Offline
hkhk
eh,men de gozleyirdim borc veren biznesmen gorek oglani nece isletdi?
8 fevral 2011 15:39
Offline
leylahuseynova
Ardini gozleyirem . Hec subay vaxti nisanlimin yolunu bela gozlememisdim ay Gulsen senin hekayenin sonunun goleyirem lol
8 fevral 2011 10:27
imza:
Məni köhnələr tanıyar,yenilər numunə götürər.Görənlər izah edər,görə bilməyənlər gözlərini bağlayıb xəyal etməklə yetinər
Offline
_dream_
ne maraqlidi ellerinize sagliq.hevesle oxuyurdum birde gordum qurtardi. love
8 fevral 2011 00:41
Offline
vesna
ardini gozleyeceyem
7 fevral 2011 23:20
Offline
AYTEN
Sitat: Luna
sebirsizlikle sonunu gozleyirem

7 fevral 2011 23:02
Offline
yekta
Gulşen_q,
bawiniz guller uste :)
7 fevral 2011 22:46
Offline
Gulshen_q
Selcan_Xatun,
Bunları qaralama dəftərimdə yazıb sonra komp.a köçürürəm, toplamıram.Kitab haqda zarafatla deyirik, amma ciddi düşünməmişəm.Buna hobbi kimi baxıram.))

Talehin gündəlik tutması isə realda da olub.Dəqiq bilmirəm nə vaxtdan tutub.Amma olub) Oglan gündəlik tutmasa da bu tutur.Mənim 'qəhrəmanlarım' seçilmədi də.))

Fatma,
yekta,
Baş üstə.Sizin xətrinizə çalışaram davam edim))
7 fevral 2011 22:40
Offline
Fatma xanım
Sitat: Gulşen_q
yarıda dayanmaq istəyirəm..

canım bircə onu eləmə ha vallah maraqlıdı
7 fevral 2011 22:04
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Luna
sebirsizlikle sonunu gozleyirem gorek ne olur axiri
7 fevral 2011 21:35
Offline
Ceylan Mumoğlu
Gulşen_q,
Evvelce de gorum,bunlari bir kenarda nusxe kimi toplayirsan,ya yox?
Kitab barede ne duşunursen????

Hekayede Sevdanin sevgi bildirmesi usuluna guldum.Men bele ede bilmezdim)))
Bir de Talehin gundelik tutmasi)))
Beyem kişilerde hovsele var gundelik de tutsunlar? wink

Revane,
Sen de defter alanda bir baxeydin de wink
7 fevral 2011 21:02
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )