Bakıda hava 12°
USD AZN
EUR AZN
08:30Xəyalə Murad Sabahınız xeyirli,gününüz aydın olsun,Əziz Qadin.Netlilər!
41127

İçərişəhər və içərimizdəki şəhər

İçərişəhər və içərimizdəki şəhər

Bir şəhər var şəhərimin içində – qalın divarları olan, səs-küydən, kütlədən uzaq, qaçıb gizlənməli, sakit oturub düşünə biləcəyin, qürbətdə olanda darıxdığın yeganə yer – İçərişəhər. Bakının hamıdan gizlətdiyi sirri kimidir, içində yığıb saxladığı sevgisi kimidir, ruhu kimidir İçərişəhər. Bəlkə də sakitliyidir, ürəyində qalmış arzularıdır, itirdiyi sevgisidir, susub gizlətdiyi ağrılarıdır. Qucaqlayıb, gizlədib Bakı bu şəhəri öz ürəyində..

İçərişəhər və içərimizdəki şəhər

İndi də orda çox adam qala bilmir, çox adam gəzə bilmir, darıxır, qaçır, kütləyə, səs-küyə qarışır. Çünki İçərişəhərdə içindəki şəhərlə üz-üzə qalırsan. Özünlə danışırsan, ruhunla danışırsan, yaddaşınla danışırsan, bu gününlə danışırsan. İçindəki şəhər İçərişəhərdə üzə çıxır. Sən də buranın bir parçası olursan. Daş olursan – bir parça daş. Torpaqdan ayrılıb, daşa çevrilirsən. Buna dözə bilməyənlər kütləni sevir. Bu fəlsəfəni anlayanlar isə bundan həzz alır. Qapısı hər kəsə açıqdır, amma hər adam orda qala bilmir, hər adam onu sevə bilmir. Bakının ürəyini hər adam anlaya bilmir. Bakının ürəyi İçərişəhərdir. 

İçərişəhər və içərimizdəki şəhər

Özümüz də Bakı kimiyik, üzdə səs-küylü, gülən-ağlayan, daima hərəkətdə, daima təlatümdə, amma içimizdə hamıdan qalın divarlarla ayrılan bir şəhər gizlənib. İçimizdə bir şəhər var. Üsyanlarımızdan bezib, qərarsızlığımızdan, bitib-tükənməyən arzularımızdan bezib… Hər adama aça bilmirik o şəhərin qapılarını, biz Bakıdan daha qəddarıq. Bakı ürəyini hamıya açır, biz isə qorxuruq, cəsarətimizi əvvəlki illərimizdə itirmişik. Sanki əbədi yaşayacaqmışıq kimi, elə hey nəyisə gözləyirik, nəyisə, nəyisə, nəyisə…. Bu “nə” isə heç vaxt baş verməyəcək, biz oturub gözlədiyimiz müddətcə heç vaxt heç nə baş verməyəcək. İçimizdəki şəhər İçərişəhərdə üzə çıxanda, özümüzlə bu qala divarlarının sakitliyinin müşaiəti ilə söhbət edəndə anlayırıq ki, biz qorxağıq, biz qorxağın ən böyüyük. Biz sevdiyimiz həyatı yaşamaqdan qorxanlarıq, hərəmiz bir bəhanə altında gizlənib, bizə ən dəyərli olan şeyləri itirə-itirə gedirik.

 İçərişəhər və içərimizdəki şəhər

Gedin, Bakının ürəyinə girin. Ürəyinizi açın. Düşünün. İçərişəhər sizə kömək olacaq. İçərişəhər içinizdəki şəhəri sizin üzünüzə şillə kimi vuracaq.Kim bilir, bəlkə də “xoşbəxtsiniz, xəbəriniz yox”-dur. Bunu da şəhərin ruhu sizin qulaqlarınıza pıçıldayacaq. Bir az dərin olun, dərinliyə enməkdən qorxmayın..

Şəhərimdə bir şəhər var, qapısı hamıya açıqdır…

İçimizdə bir şəhər var, qapıları bağlı…

Ülviyyə

Səslərin sayı: 6
16
2841
loading...
Şərhlər
Offline
♥Gizem♥
İndi də orda çox adam qala bilmir, çox adam gəzə bilmir, darıxır, qaçır, kütləyə, səs-küyə qarışır. Çünki İçərişəhərdə içindəki şəhərlə üz-üzə qalırsan. Özünlə danışırsan, ruhunla danışırsan, yaddaşınla danışırsan, bu gününlə danışırsan. İçindəki şəhər İçərişəhərdə üzə çıxır. Sən də buranın bir parçası olursan. Daş olursan – bir parça daş. Torpaqdan ayrılıb, daşa çevrilirsən.

Amma mən İçərişəhərdə olmağı çox sevirəm.Çox olmuşam orada.Amma indi İçərişəhər heçdə burada yazılan kimi sakit bir yer deyil.Səs-küy çoxdur.İnsanlar çox olur.
Kim bilir, bəlkə də “xoşbəxtsiniz, xəbəriniz yox”-dur.

Çox gözəl yazı idi.Təşəkkürlər.
6 iyul 2014 01:22
Offline
AFƏR
Cox gozel duygulu,derin dushuncelere insani yollayan sozlerdi heqiqetende cox cox cox beyendim,mende tesuf ki ,hec iceri sheherde olmamisam ama mutleq bir defe olmaq isteyirem allah qismet etse inshallah,tesekkur edirem icerimdeki sheheri gorub gezmeyime sebeb oldugunuz ucun .
20 iyun 2014 13:07
Offline
RUM
Nece il sahilde yashamishik bir defe icheri shere getmemishem amma ne vaxt azerbaycana getsem gedecem. Baki chox bashkadi adam hiss etmir azerbaycandi ele bil bashqa dovletdi azerbaycanin bir bakini birde talishlari beyeniremmmm xebere gore teshekurrler
18 iyun 2014 01:14
Offline
Əhədli Əhəd
Maraqlı idi... çox sağ olun. :)
17 iyun 2014 17:32
Offline
Ruhəngiz
Belə maraqlı mövzunu bizimlə də paylaşdığın üçün sənə təşəkkür edirəm,Xəyalə.
İçərişəhər mənə çox doğmadır.10 il oxuduğum orta məktəb İçərişəhərlə üzbəüz olmuşdur.Siniflə ora tez-tez gedirdik.İndiki İçərişəhər çox dəyişilib.Amma məncə belə tarixi yerlərə qayğını daha da artırmalıyıq.Çünki tarix bizim keçmişimizdir.Keçmişimizi unutsaq gələcəyimizi qoruya bilmərik.
17 iyun 2014 10:55
imza: Böyük insanlar hadisələri,dahi insanlar isə nəticələri düşünür.
Offline
♥♥S.Nur♥♥
MEN SHEKIDE YASHYIRAM.SHEKI DE QEDIM,MARAQLI DIYARDI.BURDA DA QEDIM,DAR KUCELER OLAN YERLER COXDU.BAKIDA DEFELERLE OLSAM DA ,ICERISHEHERDE HEC OLMAMISHAM.INSHALLAH NE VAXTSA QISMET OLAR BELKE GEZEREM ICERISHEHERI.YAZNI HAZIRLAYANLARA TESHEKKURLER...
17 iyun 2014 02:05
Offline
Qəribə
Ellada Babayeva
Mən sevirəm içəri şəhəri gəzməyi.

Özümüz də Bakı kimiyik, üzdə səs-küylü, gülən-ağlayan, daima hərəkətdə, daima təlatümdə, amma içimizdə hamıdan qalın divarlarla ayrılan bir şəhər gizlənib.

Gözəl sözlərdi.Ürəkdən gəlir hiss olunur.

Təşəkkürlər Xəyalə xanim. give_ros
17 iyun 2014 01:39
imza: Не забывайте благодарить Бога, Он же не забывает будить вас каждое утро.

Iдеальных людей не бывает, цените тех,
кто смог полюбить ваши недостатки.
Offline
Ceylan Mumoğlu
GülnaR,
,imkan etsəm saytda bolüşərəm

Gülnar, imkan etsəm nədir, tez elə əldən cəld ol göndər bazaya blum
16 iyun 2014 21:19
Offline
GülnaR
Xəbərin sonunda ÜLVİYYƏ adlı xanımın adı qeyd olunub,yəqin müəllif odur,yazan əllər də,bölüşən qəlblər də sag olsun,olduqca kovrək gəldi bu xəbər mənə,hazırda 1kitab oxuyuram ÖMÜR YOLU orda Qobustan haqqda bu formada 1yazı var,oxuduqca kovrəltdi məni,imkan etsəm saytda bolüşərəm,İçəri şəhəri heç gorməmişəm amma qədimliyi ilə tarx yazan 1 şəhərdir,xəbər vasitəsiylə qiyabi gəzdim.1daha sag olun
16 iyun 2014 20:19
Offline
Şəri Babayeva
girl_ang Maraqla oxudum təşəkkür give_ros Bakı ürəyini hamıya açır, biz isə qorxuruq, cəsarətimizi əvvəlki illərimizdə itirmişik. Sanki əbədi yaşayacaqmışıq kimi, elə hey nəyisə gözləyirik, nəyisə, nəyisə, nəyisə…. Bu “nə” isə heç vaxt baş verməyəcək, biz oturub gözlədiyimiz müddətcə heç vaxt heç nə baş verməyəcək. İçimizdəki şəhər İçərişəhərdə üzə çıxanda, özümüzlə bu qala divarlarının sakitliyinin müşaiəti ilə söhbət edəndə anlayırıq ki, biz qorxağıq, biz qorxağın ən böyüyük. Biz sevdiyimiz həyatı yaşamaqdan qorxanlarıq, hərəmiz bir bəhanə altında gizlənib, bizə ən dəyərli olan şeyləri itirə-itirə gedirik. good
16 iyun 2014 19:40
imza: Qadın təbiəti gərəyi zəifdir; amma ağrıya ən çox o dözər. Qadının müqavimətini qıran tək şey xəyal etdiyi kişinin boş çıxmasıdır...
Offline
Deniz N-va
Cox gozel yazidir canim menimmmm love
16 iyun 2014 19:11
Offline
♥NiLuFeR♥
Gözəl xəbərdir,təşəkkürlər Xəyalə
16 iyun 2014 18:45
Offline
APENAS
Necədə gözəl və kövrəldici yazıdır.. recourse İçəri şəhərdə heç olmamışam..Arzum bir gün orada olmaqdır inşaAllah. Çox gözəl yazı üçün minnətdaram sizə Xəyalə Murad give_ros
16 iyun 2014 18:32
Offline
Aysel İ.
Nə gözəl yazıdır. Xəyalə, şeir kimi. İçəri şəhər əvvəlki sehrini itirib artıq. Deyərdim ki, artıq oranın sakitliyindən əsər əlamət qalmayıb. İnsanlar öz səs-küyünü orada aparıb çıxarıb.
16 iyun 2014 17:39
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Ellada Babayeva
Mən sevirəm içəri şəhəri gəzməyi.
Özümüz də Bakı kimiyik, üzdə səs-küylü, gülən-ağlayan, daima hərəkətdə, daima təlatümdə, amma içimizdə hamıdan qalın divarlarla ayrılan bir şəhər gizlənib.

Gözəl sözlərdi.Ürəkdən gəlir hiss olunur. i_am_so_
16 iyun 2014 17:36
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Ulker.Agamali
Men de cox sevirem iceri seheri! Şeherin içindeki şeheri! Çox içdən gələn sölerle yazilmiş bir meqale idi!
16 iyun 2014 17:24
imza: .Ya ümidsizsiniz, ya ümid sizsiniz.
Ya çarəsizsiniz, ya çarə sizsiniz.
Adıniız:*
E-Mail:
ıifrə: *
Son şərhlər
loading...
Son yazılar
Hansı fəsili daha çox sevirsiniz?
Yaz
Yay
Payız
Qış