Bakıda hava 17°
USD AZN
EUR AZN
13:32Ayla Ayla Pəri necəsən? 09:22Xəyalə Murad Sabahınız xeyirli,gününüz aydın olsun,Əziz Qadin.Netlilər!
41018

Afrika heç kəsi və heç nəyi bağışlamır (Son Hissə)

 

-Evdən gedəndə qəndin, çörəyin tikələrini də say. Bir anlıq sarsılır, "sarsaqlama" deyib gedirdi.

Aldanıldığımı, məhəbbətimin boş, mənə düşmən adama uğradığını çoxdan anlayırdım. O məni bir qadın, bir insan hesab eləmirdi. Bəzən sərxoş dostları ilə birlikdə gecəyarıyacan ona xidmət etdikdə, bu həyasız sırtıqların gözləri ilə məni yeməsinə, əllərinin sərt hərəkətilə arxama, sinəmə vurmalarına əhəmiyyət vermir, qeyri-təbii şəkildə bərkdən gülürdü. Qonaqlar getdikdən sonar qabları da yığışdırmağa macal vermədən sərxoş canavar acgözlüyü ilə üstümə cumur, istəmədiyim halda, zorla, qəzəbli bir kinlə məndən zövq alırdı. Bütün bunlara baxmayaraq mən yenə də ərinə sadiq arvad kimi o, gecələr gec qayıdanda yatmır, gündüzlər gec gələndə yemir, onu gözləyirdim. O isə xəbər vermədən hardasa əylənir, yeyib-içir, ac–susuz yolunu gözlədiyimi bilə-bilə mənə işgəncə verirdi. O, mənə xidmətçi qədər də əhəmiyyət vermirdi. Haqq vermədən işlətdiyi xidmətçi olduğumu sonra anladım, amma gec anladım. Ceyms bir şey itirməmişdi, həm pulsuz xidmətçi, həm də zövqünü oxşayan və xəstə olmadığını qətiyyətlə bildiyi qadın əldə etmişdi. Daha ona nə lazım idi ki…

Zülmünü artırdıqca səbrim tükənsə də, iqtidarım məni tərk etsə də, ayrıla bilmirdim. Bir tərəfdən kor məhəbbətim, bir tərəfdən də el qınağı məni Ceymsə qul eləmişdi. Şikayət yerim, üz tutacaq yerim yox idi. Hara gedəcəkdim? Atamdan-anamdan utanırdım…Qohum-əqrəbanın, nənəmin qarğış və kinayələri ürəyimi əsdirirdi. Özümü günahkar, onları haqlı hesab edirdim. Taxsır məndə idi, ona görə də cəzamı özüm çəkməli idim. Ən yaxın dostlarıma belə ürəyimi açıb deyə bilmirdim. Güləcəklərindən, istehza edəcəklərindən, ləkəli məhəbbətimi, öz-özümə, irqimə, rəngimə, millətimə xəyanət etdiyimi üzümə çırpacaqlarından qorxurdum.

İndi isə artıq qəlbimdə məhəbbət və nifrət bir-birinə qarışmışdı.Hansı hissi daha çox yaşadığımı bilmirdim….

-Hadisə baş verən gecə Ceyms çox gec qayıtdı. Gecəyarıdan keçənəcən otağımda oturub kitab oxuyur, yolunu gözləyirdim. Binaya yaxınlaşan hər maşın səsi məni diksindirir, pillələrlə qalxan hər addım səsi məni yerimdən qaldırırdı. Ceyms isə gəlmək bilmirdi, gözlərim yazıda olsa da qulağım səsdə idi. Nə oxuduğumu bilmirdim… Gündüz 7 saat xəstəxanada çalışmış, sonra evə qayıdıb dincəlmədən yemək hazırlamış, pal-paltar yumuş, məni vaxtilə genişliyi ilə sevindirən, indi isə üzüb əldən salan nəhəng otaqları süpürüb-silmişdim. Yorğunluq mənə qalib gəldi, nə vaxt yuxuya getdiyimi bilə bilmədim. Səhər gözümü açan kimi saata baxdım. İşə gecikirdik. Vaxta bircə saat qalmışdı .Ceymsin otağına keçdim. Nə zamansa qayıdıb, öz açarı ilə qapını açıb yatmışdı. Hərəsini bir tərəfə atdığı paltarları yığın-dərin eləyə-eləyə onu güclə yuxudan oyatdım. Deyinə-deyinə qalxdı. Sanki gec gəlməsində, az yatmasında, tez durub işə getməsində mən müqəssir idim. Hər ikimiz gecikirdik, hər ikimiz geyinməli, yeməli, eyni yolu getməli, eyni vaxtda işdə olmalı idik. Amma mən yemək, ona lazım olan başqa paltar və əşyaları hazırladıqca o, yuyunub bəzənir aram-aram özünə lazım işlər görürdü. Mənə yardım etməyi ağlına belə gətirmirdi, hələ üstəlik deyinir, söylənirdi. Mətbəxdə ona sevdiyi, hər səhər adəti üzrə südlü çayla yediyi qrenkiləri hazırlamaqla məşğul idim. Çörək tikələri yanmasın, eyni bərabərdə qızarsın deyə bütün fikrim tavada idi. 

Görünür Ceyms məni səsləyib, nə isə istəyib, mən isə eşitməmişəm. Birdən ağır bir şeyin kürəyimə toxunduğunu duyub silkələndim və mətbəxdən xolla açılan qapiya tərəf çevrildim. Ceyms əllərini belinə vurmuş, şortidən aşağı çılpaq qalan ayaqlarını genış-genış açıb durmuş, deyirdi:

-Ay heyvan, səninlə deyiləm? Karsan? Ay qara meymun. Bütün nəsli qara meymun olandan nə törər?....Qara meymun, qara meymun, qara meymun….

O, bu sözü üç dəfə dedi. Qəlbimə üç zərbə dəydi. Ceyms məni çox təhqir etmişdi, dözmüşdüm. Amma, bu dəfə səbr kasam daşdı, o təkcə məni deyil, ata-anamı, nəslimi, millətimi, mənsub oluğum irqi təhqir edirdi. Bu təhqiramiz “qara meymun” sözləri ağlımı başımdan uçurdu. Mətbəx bıçağını qapıb nə vaxt üstünə cumduğumu, dəlicə məhəbbətlə sevdiyim bədənə neçə zərbə vurduğumu bilmədim. Qanı axdıqca sevinirdim. Mən onu əsl insan məhəbbətilə sevmişdim. O isə heyvanlıq edib anlamadığı, böyük məhəbbəti təhqir etdi. Sevən insan olmaq, sevilən heyvan olmaqdan daha yaxşıdır.

Aili susdu. Zalda əksəriyyəti yerlilərdən ibarət olan xalq onun tərəfində idi. Ölənə acıyan yox idi. Hətta Ceymsin bir neçə gün əvvəl təyyarə ilə uçub gəlmiş qohumları belə duruxmuş, donub durmuşdular. Vəkil də dalğındı.

Ailinin danışdıqları hakimi də şaşırmışdı. O bütün zənci qəlbi ilə qadını duyur, dərk edir, dərdinə şərik olurdu. Lakin o, hakim idi. Zaldan qalxan uğultunu kəsmək üçün göyümtül dırnaqlı qara barmağını ağ sədəf zəngə basdı, sükut tələb etdi. Məhkəmənin sabaha təxirə salındığı elan olundu.

Son.

Səslərin sayı: 7
27
3704
loading...
Şərhlər
Offline
Farida_Asadova
Seli,
۰۪۫۰۪۫۰₪MoOn-FloWeR₪۰۪۫۰۪۫۰,
Ellada Babayeva,
♥YAQUT♥,
Rzayeva  Guler,
Humay,
Almaz S.,
Minira Aslanzade,
Xanımlar şərhləriniz üçün təşəkkür edirəm.
28 mart 2014 16:27
Offline
Minira Aslanzade
Hekayş xoşuma gəldi təşəkkür
26 mart 2014 12:12
Offline
Ramile Asgerova
o, qeder onun gununde olan qadinlarimiz varee demek esl sevgide adami canavara donderir sebirde day bir yereqedde xebere gore minnetdaram.
5 oktyabr 2013 22:13
Offline
Almaz S.
Ailini heç qınamıram,düzdür insanı öldürmək günahdır,ancaq Ceyms onu elə həddə gətirmişdi ki,o buna məcbur oldu.
Heyf Aili gənc ikən həbsxanaya düşdü,dəyərsiz birinə görə,ancaq buna təssüfləndim.
Fəridə xanım,sağ olun Əzizə Cəfərzadənin maraqlı hekayəsini bizimlə paylaşdığınız üçün.
29 sentyabr 2013 19:45
Offline
Humay
Tam bawdan sonacan oxudum cox maraqli idi .Ibratamiz bir hekaye idi kim ise meni tehqir ede biler amma menim neslimi ,soyumu,milletimi tehqir ede bilmez.Men bu qiza haqq verirem.Bele yazilar davamli olsun
25 sentyabr 2013 20:07
Offline
Rzayeva Guler
maraqli meqale idi
24 sentyabr 2013 19:16
Offline
♥YAQUT♥
ellerine saglıq girl_ang
24 sentyabr 2013 12:32
Offline
Ellada Babayeva
Bəs qərar nə olacaq? Axır ki,səbr qasası doldu.Bu qədər zülümə dözmək olar.Çox gec anladı. Ceymsin onu sevmədiyini.. ireful

Maraqla 3 -hissəsinidə oxumuşam.Təşəkkürlər. yes
23 sentyabr 2013 22:53
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
۰۪۫۰۪۫۰₪MoOn-FloWeR₪۰۪۫۰۪۫۰
ESLINDE BU BIR VEHWILIKDIKI SANKI QIZDA GUNAH YOXDU,NE OLURSA OLSUN INSAN CANINI ALMAQ BOYUK GUNAHDI.REZZONASA OXWADIYE BIR AZ ANA OVLAD QATILLERINI ELE GOSTERIRLERKI SANKI GUNAHSIZ MELEKLERDI...TEXRIBATDI..OGLAN VICDANSIZ QIZ VEHWILIK TOREDIB TEWEKKURLER MARAQLA 3 HISSENI OXUDUM ..COX SAGOLUN/
23 sentyabr 2013 19:06
Offline
Seli
Seher tezden oxudum acgozlukle, amma yazmaga indi vaxtim oldu. Feride, cox tesirli bir hekayeni bizimle bolusduyun ucun cox sagol.
23 sentyabr 2013 16:13
Offline
Farida_Asadova
tutu abbaszade,
Ramiz Veliyev,
Merve Caniyeva,
GODDESS_OF_BEAUTY,
nura84,
Dəniz84,
Nermin Musayeva,
lala,
AY İŞIĞI,
MAYA EL,
KEMALE MEMMEDOVA,
balaca-zelzele,
Aytac M'va,
Gulum,
DJ  BIBIXANIM  ,
gulnaz semedova,
Hər birinizə ayriliqda təşəkkür edirəm.
23 sentyabr 2013 16:00
Offline
MAYA EL
bütün hissələri maraqla oxuduğum kimi bu hissənidə maraqla oxudum .həmişə özündən razı kimisə alçaldan kişilərin sonu bax belədə olmalıdı bomb nifrət edirəm yuxarıdan aşağiya baxanlara diablo .çox təşəkkür edirəm davamlı xəbərlər give_ros
23 sentyabr 2013 14:53
imza: Özün haqqında qışqıra-qışqıra danışma, qoy başqaları sənin barəndə sakitcə danışsınlar.
Offline
wwwwwwwwwwwwwwwww
ellerine saqliq qizim .cox maraqla oxudum.men bele yasilari oxuyanda sanki ozum oluram o eserdeki qadinin yerinde
23 sentyabr 2013 14:47
Offline
balaca-zelzele
maraqli movzulardi..tesekkurler
23 sentyabr 2013 14:36
Offline
AFET
üč hissenin üçünüde maraqla oxudum çox gözel hekayedi çox teşekkur edirem amma bele son gözlemirdim.
23 sentyabr 2013 14:11
Offline
Gulum
Minetdaram Feride xanim maraqlidi amma mehkemenin qeraei neden aciqlanmadi eserde,yeqin bu da yazicinin secimidir Mence ozune hormet qoyan her bir kes tehqiri layiq olmadigi tehqiri goturmemelidir ,
23 sentyabr 2013 13:15
Offline
AY İŞIĞI
Niye son? Bes nece olacaq?yeqin cezasi yungul olar
23 sentyabr 2013 12:52
Offline
BIBIXANIM
oxumamis cunku hoselem catamadi bacim yazn ellerin derd goremesin
23 sentyabr 2013 11:46
Offline
lala
Bes davami :( ?maraqli idi
23 sentyabr 2013 10:04
Offline
Nermin Musayeva
cox maraqlidi devamli olsun girl_ten
23 sentyabr 2013 09:13
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )