Bakıda hava
USD AZN
EUR AZN
20:07Ayla Ayla Mən də dincələ bilmədim.Yeni il tətilini dözlüyəcəm 16:51Surayye Guya 5 gun tetil idi 3 gun oldu 16:51Surayye Qizlarim qizillarim necesiz? 15:24PERI qurtardi hec dincelmedik ama 15:12aysel hesenli Hamiya salam 15:11aysel hesenli Payiz tətili de qutardi 10:02Xəyalə Murad Sabahınız xeyirli,gününüz aydın olsun,Əziz Qadin.Netlilər!
41136

"Səfil" (I hissə)

"Səfil" (I hissə)

            Yaddaşım 6 yaşımdan bu günə qədər yaşadığım hər şeyi özündə qeyd edib saxlamışdı. Gizli kamera qeydlərini izləyirmiş kimi, hər şey gözlərimdə video kimi canlanır tez-tez.

            6 yaşımda idim. Məni evin işığı adlandırdılar.Ona görə ki, evin tək oğlan övladı idim. İki bacım vardı məndən böyük. Hər səhər, atam işə, bacılarım isə məktəbə gedirdilər. Evdə anam bir də mən qalırdıq.

Anam... Tək sığına biləcəyim insan. Niyə, tək? Atam hər axşam işdən yorğun qayıdır, bacılarım isə dərsləri ilə məşğul olurdu. Başqa çarəmmi vardı? Anamı çox istəyirdim. Amma, onun qəribə xasiyyəti var idi. Gün ərzində ən azı bir dəfə döşəməyə sürətlə uzanıb yatırdı. Hə, yatırdı. Gözləri yumulurdu çünki. Bu, axşamlar olurdu çox vaxt. Atam da anamı yerdən qaldırıb oyatmağa çalışırdı. Bilmirəm niyə. Bəzi günlər isə, anam döşəmədə bərk yatırdı, atam onu oyada bilmirdi. Telefonla zəng vurub “Həkim, o yenə huşunu itirib. Tez gəl.” deyirdi. Huş nədir, görəsən? Nə olsun ki, itib. Bazarda təzəsi satılmırmı? Buna görə anamı şirin yuxudan oyatmaq nəyə lazımdır?

Bir gün, anam çox uzağa getdi. Daha doğrusu, həkim paltarında olan əmilər onu apardılar. Ağlayıb, “Məni də apar.” deyirdim. Sonra, həmən yerdə balacalara iynə vurulduğunu eşidib, fikrimdən daşındım. Anam, söz vermişdi ki, mən məktəbə getməyə başlayanda, dərslərimdən 5 alsam, qayıdıb mənə velosiped alacaq. Anam gedəndən bir neçə gün sonra, atam məni bibim gilə apardı. Bir neçə gün orda qaldım. Atam məni evə gətirəndə, həyətdə yük maşını və yük maşınına uzun dəmirlər yığan bir neçə nəfər tanımadığım adam var idi. Bu dəmirlər mənə tanış gəlirdi. Belə dəmirlərlə toyxana çadırları düzəldirdilər. “Bizim həyətdə toy olub yəqin.” -deyə düşündüm və toyda olmadığım üçün təəssüfləndim. 

"Səfil" (I hissə)

            Atam mənə çox az vaxt ayırardı. Anam gedəndən sonra, hətta, bacılarımla məni incitməyə də başladı. Bacılarımı məktəbə getməyə qoymadı. Sonra, bir gün bir qadınla ilə evə gəldi. Bu qadını tanıyırdım. Evləri bizim evdən elə də uzaqda deyildi. Heç xoşum gəlmirdi ondan. Həmişə uşaqların üstünə qışqırırdı. Kobud idi.

     - Bundan sonra, buna “xala” yox, “ana” deyəcəksiniz. – deyə, atam bizə tapşırdı. O qadın bizi hər gün incitməyə başladı. Boş yerə döyür, söyürdü.

* * *

            Artıq, 8 yaşında idim Məni tərbiyəsiz adlandırdılar. Gəl ki, tərbiyəsiz bir hərəkət eləmirdim. Mən cəhənnəm, bacılarımı incidən o alçaq analığıma nifrət edir, onun buyruqlarına məhəl qoymurdum sadəcə. Hətta, bəzən acımasız işgəncələrindən əsəbləşib onu söyürdüm də.

            Artıq az da olsa dərk etməyi bacarırdım. Anamın ölümündən də xəbərim vardı. Amma, qəbul edə bilmirdim. O, yenə uzaqlardadı. Bir gün gəlib mənə velosiped alacaq.

Anam üçün çəkdiyim həsrət əzabı içində girib, təkliyimlə dost olmuşdum. Evin işığı deyildim daha. Sönmüşdüm. Hər zarafata əsəbləşib məhəllə uşaqları ilə dava salırdım. Nə edim? Mən nə hayda, onlar nə hayda. İnsan bir anlayış göstərər.

Məktəbə gedirdim. 2-ci sinifdə oxuyurdum. Təkcə, müəlliməm həmişə məndən razı idi. O da ki, ancaq dərslərimə görə. Lakin, davakarlığımla əlaqədar məndən tez-tez evə şikayətlər gəlirdi. Gündəliyimdə hər dərsdə eyni qiymət vardı. “5”... Amma, anam nə bir xəbər göndərmişdi, nə də bir velosiped.

 

Atam, məndən gələn şikayətlərdən bezmişdi. Daha doğrusu, məndən gələn şikayətləri bəhanə edən analığım bezdirmişdi.

     - Belə tərbiyəsizlə bir evdə qala bilmərəm. İkimizdən birimiz getməliyik.

Analığımın təkidi ilə atam məni Bakıya aparmaq üçün dilə tutdu:

     - Səni orada gəzməli yerlərə aparacam. Karusellərə, elektrikli maşınlara minəcəksən.

Lakin, yaşadıqlarımın təsirindən şüuruma görə yaşımdan çox böyük idim və məni aldatmaq olmazdı. Bilirdim ki, Bakıdakı o əyləncələrdən sonra, uşaq evinə atılacaq və bir də o ailənin üzvü olmayacaqdım. Gedərkən sadəcə paltarlarımı yığıb atama verdilər. Mən isə öz istəyimlə tək bir şey götürdüm. “5” qiyməti ilə dolu gündəliyimi. Anam uzaqlardan qayıtdıqda mənə velosiped almamaq üçün bəhanəsi olmayacaqdı.

(Ardı var)

Səslərin sayı: 9
50
3162
loading...
Şərhlər
Offline
●♥ Səma ♥●
Bu nədi belə....?Çox kövrəldim.Göz yaşlarım durmadı sona qədər...O qədər içdən yazılıb ki.... recourse
8 aprel 2015 10:55
imza: Qırılmış bir qadın elə susar ki,sükutundan kar olarsan....
Offline
nigar
alma mazlumun ahini cikar aheste ahesteee.onun atasinin da analigininda cixacaqqq bir gunn
7 noyabr 2013 21:28
Offline
איסון ממדוב.
allah hec bir uşaqa ögey ana ata bəsib etməsin amin
7 noyabr 2013 21:18
imza: Mutsuzum diye bahane arama.
Rabbim o kadar cox guzellik vermiski,
KALP GOZUNU ARALA
Offline
Günel Əsədova
Çox təşəkkür edirəm.Çox təsirli idi.
10 oktyabr 2013 21:03
Offline
toma676
ELLERINE SAQLIQ,DALINI NEVAXT YAZASSAN
6 sentyabr 2013 00:55
Offline
Yağmur damlası
ogey ana ata biler ne demekdi.

heyf ki,bezi ogeyler ve dogmalar usaqin neler hiss etdiyini ve edeceyini bilmirler,ya da goz yumurlar.
21 avqust 2013 14:04
Offline
leman
Çox təsirli hekayədir, cray gözlərim yaşardı..uşaq həqiqətən anadan yetim qalar.Allah analarımızı qorusun,Amin!
19 avqust 2013 02:44
Offline
Yusifim Fatimem
ogey ana ata biler ne demekdi. ardini sebirsizlikle gozleyirem
17 avqust 2013 23:35
Offline
Ellada Babayeva
Allah hec bir övladı anasız qoymasın..Amin! cray Ardını gözləyəcəm.
17 avqust 2013 17:17
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Fatma xanım
Louis Vuitton,
AMİN canım
17 avqust 2013 16:21
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Şəri Babayeva
kovreldim.. cray ardini gozleyirem
17 avqust 2013 15:47
imza: Qadın təbiəti gərəyi zəifdir; amma ağrıya ən çox o dözər. Qadının müqavimətini qıran tək şey xəyal etdiyi kişinin boş çıxmasıdır...
Offline
feqiw
yaziq uwaq coox zulum cekib.1 insafsiz ogey analigdan otru adamda oz dogma balasin atar hecc goren. Ardin sebirsizlikle gozluyurem.

cox maraqlidir.ardin sebirsizliknen gozduyure
17 avqust 2013 15:29
Offline
eliyeva
hec bir uwaq ana nevaziwinden uzaqda qalmasin, ikinci ananin eline duwmesin . tesirlendim yazidan. arxasini gozleyirem
17 avqust 2013 14:31
Offline
MAYA EL
çox təsirli hekayədi Allah heç bir övladı anasız qoymasın
17 avqust 2013 14:21
imza: Özün haqqında qışqıra-qışqıra danışma, qoy başqaları sənin barəndə sakitcə danışsınlar.
Offline
Yağmur damlası
Ferid xos geldin,yazilarinin yeri gorunurdu yaxsi ki,bizleri yada saldin.
Oxuduqca ele bildim butun usaq evine dusen usaqlar bele olub,bu heyati yasayib.Usaqla usaq kimi davranmag boyuklerin borcudur,qocayla da eyni cur davranmaq lazimdir.Cunki heyatda usaq ve qoca olarken insanin komeye,diqqete,qaygiya,sevgiye ehtiyaci olur.Ogey analar usaqla ayaq-ayaga qoyanda goresen ne dusunurler?O usagin olen anasinimi qisqanirlar?Bu hekayede bosanma sohbeti olsaydi tam ferqli olardi,belke anasinin onu aparmasina gore analiq artistlik edib,amma bu usagi kim gelib ve hara aparsin?O onsuzda illerle anasinin gelmeyini ona velosiped almaginin umidi ile yasayib...(((((
17 avqust 2013 12:32
Offline
Huseynova Nigar
goz yaslarimi saxlaya bilmedim....... ALLAH BUTUN VALIDEYINLERE CAN SADGLIGI VERSIN INSALLAH...... sebirsizlikle ardini gozleyecem......
17 avqust 2013 11:04
Offline
aygul,alizade
cox tesirli hekayedir.amma bir sualim var.sanki bunlari yasamis kimi yazmisiniz eledirmi ?twk.
17 avqust 2013 01:58
Offline
seval caniyeva
COx pis oldum ferid bey ardini maragla oxuyacam allah hec kesi validensiz qoymasin. Amin what
17 avqust 2013 01:19
Offline
Yusifim Fatimem
Quş uçmaq istədi, Allah qanad verdi.
O süzdü havanı, gəzdi dünyanı
Qarışqa zəhmətkeş olmaq istədi,
Tanrının hökmü ilə, qüvvət verildi.

İnsanın da arzusu vardı tanrıdan
Bu arzu yaşamaq, yaşamaq idi.
Tanrı da insanın bu arzusunu
Yerinə yetirdi bir mələk verdi

İnsanı yaşadan bax bu mələkdir
Bu mələk anadır, ana mələkdir.
Anasız heç bir şəxs yaşaya bilməz
Ananın əlində o ölə bilməz.

Ona görə yox ki qorxur ölümdən.
O qorxur ananın kövrəlməsindən.
Ananın gözündən axsa əgər yaş
Övladın dünyası dağılacaqdır.




Əvvəl sən düşürsən, yadıma ana.
Baş vurduqca xəyal adlı ümmana,
Yalnız sən yetirsən, dadıma ana.

Doğulandan sənsən arxam,dayağım
Zülmət gecələrdə sönməz çırağım,
Büdrəyib od üstə düşsə ayağım,

Məndən tez yanırsan, oduma ana.
Bu kövrək oğlunu ümid yerisan,

Ayrıla bilmərəm səndən bircə an,
Bircə an da ayrı qalanda
Yaman tez düşürsən, yadıma ana.
17 avqust 2013 00:26
Offline
Seadet Sexavet
FƏRİD BƏY, cox gözәl mövzudur.Ona görә deyirlәr uşaq anadan yetim qalır.Ana saçını süpürgә edib balasına baxacaq.İstisnalar olsa da.Ardını maraqla izlәyәcәm.Tәşәkkürlәr....

Samır cox gözәl şeerdi.Allah heç kimә bu agrını yaşatmasın.
16 avqust 2013 23:43
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!