Bakıda hava
USD AZN
EUR AZN
20:07Ayla Ayla Mən də dincələ bilmədim.Yeni il tətilini dözlüyəcəm 16:51Surayye Guya 5 gun tetil idi 3 gun oldu 16:51Surayye Qizlarim qizillarim necesiz? 15:24PERI qurtardi hec dincelmedik ama 15:12aysel hesenli Hamiya salam 15:11aysel hesenli Payiz tətili de qutardi 10:02Xəyalə Murad Sabahınız xeyirli,gününüz aydın olsun,Əziz Qadin.Netlilər!
41136

Donmuş baxışların od tək yandırır

 

Donmuş baxışların od tək yandırır

 

Xocalı faciəsində bütün ailəsini və yaxınlarını itirmiş 

Əsli anamıza 

Donmuş baxışların od tək yandırır,

Buzun belədirsə, odun nə imiş?

Gözündə donubdur o qış gecəsi

Dağların qarı da saçına enmiş.           

 

Gözlərinə qurban, dəryadan dərin,

Dənizlər də daşar sən ağlayanda.

Bilmirəm, nə haqda düşünür qəlbin

O qarlı gecəni xatırlayanda...

 

Donmuş baxışların od tək yandırır

 

 

Nə deyim, qismətin niyə belədir,

Deyirlər, talelər göylərdən gəlir.

Nədən başlayım mən, harda susum mən,

Şəkillər yaşayır, baxışlar dəlir.

 

Hər gözdə min arzu-dilək yaşayır,

Hər baxış ümidlə, fərəhlə gülür.

Faciələr dolu Xocalımızdan

İllərin yaddaşı oyanır, gəlir.

                                       

Səsin titrəsə də duruşun məğrur,

Qoy düşmən kəlməni bir də dinləsin.

Qatilə bu dağı diləməmək də

Deyil cəsarəti, bilin, heç kəsin.

 Brest 26.02.2011

 

Donmuş baxışların od tək yandırır


 

Nə səbəbdən üzüm gülsün,a dünya!?

 

Haray çəkir,Laçın bizi səsləyir

Nə səbəbdən üzüm gülsün,a dünya!?

Torpağımda yad nəfəslər əsnəyir.

Nə səbəbdən üzüm gülsün,a dünya!?

 

Ələsgəri qurban verdik,niyə biz?

Bəd əməli yaxşı bildik,niyə biz!?

Çox dərsləri yaddan sildik,niyə biz!?

Nə səbəbdən üzüm gülsün,a dünya!?

 

Naxçıvanı ayrı saldıq,barışdıq!

Göyçə getdi,aciz olduq,barşdıq!

Nə dedilər çəpik çaldıq,barışdıq!

Nə səbəbdən üzüm gülsün,a dünya!?

 

Donmuş baxışların od tək yandırır

 

 

Kəlbəcəri tapdaq etdi yağılar,

Yazılacaq hələ neçə ağılar.

Danışmıram,yoxsa dünyam dağılar.

Nə səbəbdən üzüm gülsün,a dünya!?

 

Canımızdan canı verdik özgəyə,

Ad qoydular,baxmadılar güzgüyə.

Ağrılarım sığışmayır yerə ,göyə,

Nə səbəbdən üzüm gülsün,a dünya!?


Zəngilansız,Qubadlısız qalmışıq.

Evimizdə "qaçqin" adi almışıq,

Müvəqqəti neçə yuva salmışıq!

Nə səbəbdən üzüm gülsün,a dünya!?


Füzulinin adı qalb,özü yox,

Viran olub,babaların izi yox

Yerə dəyib Qarabağım,dizi yox

Nə səbəbdən üzüm gülsün,a dünya!?

 

Əsgəransız,Xocalısız,Ağdamsız,

Kişilik yox,düşmən dinsiz,imansız.

Dayaq verib,arxa duran amansız!

Nə səbəbdən üzüm gülsün,a dünya!?

 

Boylanıram,zirvələri kövrəldir.

Murovumu düşmən didir,əridir!

Tərtərimin suyu yaşdır,qəhərdir,

Nə səbəbdən üzüm gülsün,a dünya!?

 

Donmuş baxışların od tək yandırır

 

 

Torpağından yoğrulmuşuq,neyləyək.

Neçə kərə ovulmuşuq,neyləyək.

Evimizdən qovulmuşuq,neyləyək.

Nə səbəbdən üzüm gülsün,a dünya!?

 

Hərdən qalxır günbatandan yağışlar.

Damlaları göz yaşımla qarışar.

Bir ağlasaq Araz dolar,Kür daşar!

Nə səbəbdən üzüm gülsün,a dünya!?

 

Niyə belə amansızsan,qətisən?

Ədaləti doğramağa itisən.

Düyünlərin açılmayır,çətinsən!

Nə səbəbdən üzüm gülsün,a dünya!?

 

Şuşa yoxdur,Cəbrayılı vermişik,

Düşmən ilə boş söhbətə girmişik.

Neçə-neçə bəd üzünü görmüşük.

Nə səbəbdən üzüm gülsün,a dünya!?

 

İlham İdrisoğlu 22.05.2010 Brest

Səslərin sayı: 10
53
2955
loading...
Şərhlər
Offline
fatime eliyeva
Allah şehidlere rehmet etsin
10 sentyabr 2013 16:57
Offline
19 avqust 2013 20:37
Offline
Ilham İdrisoğlu
Mən aşiq bu dünyaya,
Qarışıq bu dünyaya.
İblis kölgə salmasa,
Çatar işıq dünyaya
14 avqust 2013 11:58
Offline
SARA91
BU DƏRDİ ÇƏKMƏK ÇOX ÇƏTİNDİR. AZƏRBAYCANA ÇƏKDİRİLƏN BU DAĞI ALLAH YERDƏ QOYMASIN.
13 avqust 2013 15:22
Offline
Hacət-i Vuslat
Kaş belə şeirləri yazmağa mövzu tapmayaydız deyəsim gəlir...kaş...
12 avqust 2013 02:45
imza: Diqqət əziz xanımlar! Sərbəst qrafikli,yatırımsız işə ehtiyacınız varsa mənimlə əlaqə saxlayın.
Offline
Sada
Ilham İdrisoğlu,İnşaallah ümid edirəm ki bir gün olar o yollar da açılar...AMİN!
12 avqust 2013 02:04
Offline
Ilham İdrisoğlu
Louis Vuitton,

Qarabağa aparan yol

Qarabağa aparan yol.
Çöhrəsinə buludlardan,
Dumanlardan pərdə salır.
Hərdən baxır oğrun-oğrun.
Küsgün-küsgün haraylayır.

Qarabağa aparan yol
Əl eyləyir,,burdayam mən,,
Bəs vəfanız haradadır?
Özgəsinə könlüm yatmır
Mənim sevgim Qarabağdır:

,,Seyrə dalaq o dağları
Bir baş çəkək bulaqlara.
Sərinləsin ürəyimiz.
Sonra düşək yaylaqlara.

Yox-yox, çirkin deyiləm mən
Kimlər üçün sığal çəkim?
Yuyunuban yağışlarda
Sağ-soluma güllər əkim?

Qarabağa aparan yol
Nifətindən,qanqallanıb
Əzab dolu, qan qarışıq
Körpə ayaq izlərinin
Dəhşətini gizlətməkçün.
Anaların yerdə donan
Heyrətini gizlətməkçün
Babaların tapdalanmış
Qeyrətini gizlətməkçün.

Qarabağa aparan yol
Gördüyüylə barışmaqçün
Tənhalığı sirdaş seçib.
Dəhşətlərdən yanmamaqçün
Neçə qanlı yaşlar içib.

Qarabağa aparan yol
Tək dolanır obalari.
Yovşan yığıb dəstə-dəstə
Hey çiləyir babaların
Qəribsəyən qəbri üstə

Qarabağa aparan yol
Görür Ağdam xarabadır
Sona bülbül çoxdan köçüb.
Kəlbəcərdən bir əsər yox.
Sularından düşmən içib.

Qarabağa aparan yol
Baxışıyla hey soruşur:
,,Nə söyləyək Füzuliyə?
Deyək nədən belə oldu?
Arazımın sahilləri
Axı necə qanla doldu?
Necə deyək Xan babaya
Şuşa tara həsrət qaldı?
Xarı bülbül düşmənlərin
Tapdağında sındı soldu?
Bu tənhalıq,bu ayrılıq
Yazımıdır yığvalımda?
Yağı hələ çox gəzəcək
Qubatlımda,Laçınımda?
Qarabağa aparan yol
Zəngilanda,Cəbrayılda
Susuzluqdan yanan dil tək
Neçə yerə paralanıb.
Baxmayın ki,fəryad dolu
Nalələrlə çox sulanıb.

Qarabağa aparan yol
Xocalının fəryadına
Qış səhəri tək yollandı.
Namərdlərin sözlərinə.
Inaninca ,ez allandı.

Qarabağa aparan yol
Necə dözdü,kül olmadı?
Naləc qalıb boylananda
Sinəsində ana-bala
Qucaqlaşıb uyuyanda.

Qarabağa aparan yol
Qayalara qısılaraq
Ümid ilə işıqlandı
Ünü yetib əl verincə
Gördüyündən bir də yandı

Qarabağa aparan yol
Kitabdır ki,vərəqləri
Nalələrlə cilalanıb.
Hər sətrinə,kəlməsinə
Neçə haqqsız qan bulanıb

Qarabağa aparan yol
Hey boylanır Kürə sarı.
Toylar üçün qəribsəyib.
Üzə vurmur ürəyində
Qərənfilllər dəstələyib.

Qarabağa aparan yol
Xatırlayır,hey kövrəlir
Sürüləri,otlaqları
Qayalardan süzüb gələn
Tütək səsli ovqatları.

Qarabağa aparan yol
Sevinirdi,kövrəlirdi
Qayıdanda el yaylağa
Necə dözsün on illərdən
Körpü salan ayrılığa?


Qarabağa aparan yol
Düşkünlüyə düçar olub
Yoğrulduqca yaşda,qanda
Halsız düşüb,elə bil ki,
Aralanıb ürək candan...

Qarabağa aparan yol
Hey qoruyur ürəyində
Bir arzunu,xoş niyyəti
Bir-bir evə ötirəcək.
Geri dönən bu milləti.,,

Hicran dağlar ürəyini bu yolun
Düşmən sıxıb biləyini bu yolun.
Ulu Tanrı,ətəyindən tuturuq.
Yerə salma diləyini bu yolun.

İlham İdrisoğlu 09.02.2012 Yevlax .Köyük kəndi.
12 avqust 2013 01:56
Offline
Louis Vuitton
Təşəkkür edirəm, İlham bəy. Əvvəl elə bildim sevgiyə aiddi, sonra gördüm yox dərdimizdəndi...
Yerə dəyib Qarabağım,dizi yox

Nə səbəbdən üzüm gülsün,a dünya!?

Nə səbəbdən?!
11 avqust 2013 22:07
Offline
NUREL
Gozel, duygulu shere gore tesekkurler. Allah butun shehitlerimize rehmet elesin. Aminn
11 avqust 2013 11:16
Offline
VOTSAR
Allah butun Sehidlermize Rehmet etsin Ailelerne Sebir versin Amin
9 avqust 2013 11:50
Offline
pure love
allah bütün şəhidlərimizə rəhmət etsin.Yaxınlarına da səbir
9 avqust 2013 11:39
Offline
lilyana girl
Zehra Bedirxanli,
Amin
9 avqust 2013 01:01
Offline
Sevil Mamedova
allah butun sehidlere rehmet ermenlerede lenet elesin
8 avqust 2013 00:24
Offline
Zehra Bedirxanli
Allah butun wehidlerimize rehmet elesin/
7 avqust 2013 19:28
imza: QADİN.NET
Offline
_GLaMuRKa_
heqiqeten cox gozel seirdi
7 avqust 2013 18:50
Offline
.
Butun sehidlerimizin yeri cennetlik olsun. isgal olan torpaqlarimizda Insallah tezlikle qaytarilsin. onlarin qani yerde qalmasin.
7 avqust 2013 16:58
Offline
AY İŞIĞI
Allah sehidlerimize rehmet elesin.serler ucun tesekkur edirem Ilham bey
7 avqust 2013 15:53
Offline
Seadet Sexavet
İlham müәllim.Şәhid anası nә etsin.Baxıb görür ki şәhid balası uçub dagılacaq evdә әsgәrlikdәn minbir bәhanә ilә gizlәnәn villalarda yaşayır.Bu ana çatlamasın neylәsin?
7 avqust 2013 15:13
Offline
Ilayda
ALLAH SEHIDLERE REHMET ELESIN.
7 avqust 2013 14:59
Offline
Ayka S
Allah hec bir valideyinin gozun yolda qoymasin tsk
7 avqust 2013 14:58
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!