Bakıda hava
USD AZN
EUR AZN

Cavid ömrü

Cavid ömrü
Tarixi vərəqləsək bütün çanaqları bizim millətin başında çatladıblar. Lakin bizim milləti Allah sevib, güc verib nə qədər kəsilən başlarımız, qırılan qollarımız, sürgünə gedib gəlməyənlərimiz olsa da, lakin biz yenə də məhv olmamışıq! O zamanlar harda düşünən beyin, alim, yazıçı, həkim, dilçi, musiqiçi  var idisə hamısını  silirdilər yer üzərindən. Hətta xarici dilləri bilən gənclərimizə belə qıyırdılar. Qaranlıq zindanlar, Sibir tayqalarına sürgünlər, güllələnmələr, vəhşiliklər bu millətin taleyində çox olub və biz  bu gün onları  unutmamalıyıq, onları yad etməliyik.
Bu gün sizlərə bəhs edəcəyim insan, 1937-ci ilin amansız Repressiyasının qurbanlarından biri, mənim çox sevdiyim, sənətinə dəyər verdiyim, ər oğlu ər Hüseyn Caviddir! 
Hüseyn Abdulla oğlu Rasızadə 1882-ci il oktyabrın 24-də Naxçıvanın Şahtaxtı kəndində dünyaya gəlib. Orta təhsilini bir neçə  yerlərdə alsa da, sonunda Bakıda müəllim işləmişdir. Bu onun Vətən sevgisi idi, millət sevgisi idi ki, elə Vətən uğrunda da həlak oldu. Onu inkaşaf etməyə, etdirməyə  qoymadılar, başından hər dəfəsində vurdular ki, artmasın, qorxsun, bu millət elə illərin yuxusuna dalsın ki, oyana bilməsin. Bütün bunları görən, anlayan Cavid öz əqidəsindən dönməmiş, sosializm haqqında tərifnamələri ondan tələb etsələr də yazmamış, əksinə onlara qarşı çıxmışdır, öz ölümünü göz önünə alan bu mətin insan kimsəyə boyun əyməmişdir. O zamanlar belə insanların həyatı həmin andaca bitirdi, lakin Cavid əfəndini iki balasından, sevgili yarından ayırıb Sibirə sürgün etdilər. O, 1941-ci ildə İrkutsk vilayətinin, Tayşet rayonunun Şevçenko kəndində gözlərini əbədi olaraq yumdu. Görkəmli ədəbiyyatşünas, tanınmış ictimai xadim, yazıçı, publisist, tərcüməçi, mətnşünas, Azərbaycan Yazıçılar Birliyinin üzvü, Millət Vəkili, Nizami Gəncəvi adına Milli Azərbaycan Ədəbiyyatı Muzeyinin direktoru, Filologiya elmləri doktoru, Professor Rəfael Hüseynov, Hüseyn Cavidin həyatını qələmə almışdır. Bu  mənim çox sevdiyim, oxuyaraq göz yaşı tökdüyüm, yanıb-qovrulduğum, qarşısında aciz qaldığım bir kitab və bir taledir. Bu kitab "Vaxtdan uca" adlanır! İndi həmin kitabdan məni ən çox ağladan, yandıran bir hissəni sizə təqdim edirəm.
1882-ci il 26 oktyabr, Bakı Binə hava limanı. Bu təyyarə düşərgəsində illərdən bəri nə qədər həyacanlı görüşlər olub, ancaq o qarşılamaya bənzəri heç vaxt olmayıb və çətin ki, bundan sonra da ola.
Hava limanında adam çox idi o gün. O payız günündə Cavidi "qarşılamağa" gələnlərin içərisində elələri var idi ki, onu sağlığında görmüşdülər, ünsiyyətdə olmuşdular. Elələri vardı ki, bu böyük sənətkarı yalnız şerlərindən, əsərlərindən tanıyırdılar.
Heç vaxt unudulmayacaq o gün!
Cavidlə ayrılıq gününü, o illəri görmüş adamların həmin qarşılama gününü, həmin anlarda üzlərinə qonmuş ifadəni təsvir etməyə sözlərin gücü çatmaz.
Cənazəni təyyarədən düşürtdülər, Cavidi qarşılayanlar arasında bir nəfər də vardı. Turan Cavid.
Dayanıb.
Hərəkətsiz dayanıb.
Külək saçlarını dağıdır. Nə gözlərində yaş var, nə dodaqlarında sevinc işartısı. 45-illik ayrılıqdan sonra Cavid yenidən qayıdıb. Və mən təsəvvür eləmək istəyirəm cənazəni yox, özü qayıdan-çəliyinə söykənib asta-asta təyyarənin pillələriylə enən Cavidi, onu qarşılayan Turanı.
Elə beləcə- nə gözlərində yaş, nə dodaqlarında sevinc.
Ağır-ağır yaxınlaşırlar bir-birlərinə.
Bu Cavidin qoyub getdiyi 14-yaşlı Turan deyil. Bu, Turanın göz yaddaşında yaşatdığı, yuxularında gördüyü Cavid deyil. Qoca bir kişi, yaşlı bir qadın üz-üzə dayanıblar.
Bu onu, o bunu tanıyır-üzlərində donub qalmış müdhiş bir ifadədən, sifətlərindəki ən qocaman kədərdən, ələmdən tanıyırlar bir-birini.
-Gəldim Turanım...
-Xoş gəldin, Baba...
Nə artıq bir söz, nə artıq bir səs.
Binə hava limanında adam çoxdur. Cavidin cənazəsini təyyarədən düşürürlər, Cavidi qarşılayanlar arasında bir nəfər də var...
Hərəkətsiz dayanıb... 
 
 
Hayır, bu gün mənim günüm başqadır,
Könlümdəki çırpıntılar pək ağır.
Bir diləyim varsa, onun vüsalı 
Gözlərimdə yalnız onun xəyalı.
 
Cavid ömrü
Cavidin cənazəsi vaxtilə yaşadığı mənzilində idi, Turan bir dəstə çiçəklə tabuta yaxınlaşdı. Gülü qoydu, əllərini astaca çəkdi tabutun məxmər örtüyünə və qayıtdı. Otaq boyu sıralanmış adamların arasında öz yerinə qayıdanda çevrildi, bir də baxdı az sonra axırıncı mənzilindən - gerçək həyatda yaşadığı son mənzilindən- müqəddəs torpağın köksündəki son mənzilinə yola düşəcək Cavidin tabutuna sarı. Çevrilib baxdı və qayıtdı bayaqkı yerinə...

 
Gəldin də neçin pəmbə buludlar kimi axdın.
Bilməm, niyə getdin, niyə döndün, niyə baxdın?
Şimşək kimi çaxdın da, neçin könlümü yaxdın,
Bilməm, niyə getdin, niyə döndün, niyə baxdın?
 
Cavidin cənazəsini aparırlar .Əlyazmalar fondundan çıxarırlar.
Yoldan ötənlər ayaq saxlayıb, baxırlar.
Oktyabrın 27-də Akademiyada iclas keçirildi, Mehdi Məmmədov yanaşdı kürsüyə: Biz hamımız Cavidin mənəvi övladlarıyıq, yaxşı olardı ki, böyük sənətkar dünyaya göz açdığı Naxçıvan torpağında dəfn edilsin.
-Bəs sizin fikriniz nədir Turan xanım?
Turan xanım cavab verdi: Bir halda ki, Cavidin bu qədər mənəvi övladı Naxçıvanı təklif edir, onun yeganə, həqiqi övladı da şərik olmayıb neyləyəcək!
Cavidi apardılar Naxçıvana və noyabrın 3-də gündüz saat 3-də, Cavid küçəsində, bir zamanlar -gənclik illərində yaşadığı evin yanında, oğlu Ərtoğrulla bir şəhərdə torpağa tapşırdılar.
 
Savadsız bir qız idi Mişkinaz. Bəlkə də elə buna görə atası onu yaşlı bir kişiyə ərə vermişdi. Lakin o, evdə qərar tuta bilməmiş baş götürüb qaçmışdı o evdən. Görəsən onu buna vadar edən nə idi? Bu bir qismətdirmi? Sən demə talehin cadusu onu bəlalı bir sevdaya sarı çəkirmiş. Mişkinaz xanım Cavidlə ailə qurub düz 19-il birgə yaşadılar. Sonra amansız ayrılıq onları ayrı saldı bir-birindən. 4 -il həyat yoldaşının məktublarını gözlədi, səbrlə, göz yaşlarıyla. Sonra məktublar kəsildi, Mişkinaz xanım başladı Caviddən gələn məktubların köhnə ünvanına yazmağa. Yenə də cavab olmadı hər dəfəsində oxşar cavablar "Burdan gedib"...
Gəlin o məktubları oxuyaq, hər sətirində göz yaşları, hıçqırıqlar, həsrət, sonsuz sevgi..
Sevgili Mişkinaz, 2-gün sonra Daşkənddən Vladivostoka doğru hərəkət edəcəyik.Keyfim yaxşıdır,məndən tez-tez məktub gözləməyin.Fürsət düşərsə yazaram.Əbuzərə,Qərənfilə(Əbuzər Müşgünaz xanımın qardaşı,Qərənfil isə qonşusu olub)salam.Sən də Ərtoğrul da Turan xanımdan muğayət olun,heç yerə yalnız buraxmayın.Öpürəm.H.Cavid 26 iyul 1939".
Bu bircə qırıq kağızda min kilometrlərlə uzaq məsafədən,qarlı düzlərdən,dağlardan,səhralardan,meşələrdən şəhərlərdən aşıb gələn doğma,isti ata məhəbbəti var.
"Əzizim Mişkinaz!
Sənə və uşaqlara Viladivostokdan salam.Bura sentyabrın 22-də gəlib çatdıq.Burdan haçan,hara göndəriləcəyimiz bəlli deyil.Sag-salamatam.Sizə də səmimi qəlbdən bunu diləyirəm.Məktub yazmayın,mənim məktubumu gözləyin.Öpürəm sizi.Cavid.29.09.1939."
O gecə hər üçünün yuxusu ərşə çəkilir,Səhərə yaxın huş aparır onları.Göz işlədikcə uzanan ağappaq yollar,qarlı düzənlərdən ötüb keçən qatar...və üçünün də yuxusunda bir sual:Görən o qatarın pəncərəsi varmı?Nələr çəkəcək o səfərdə Cavidin başı-evdəkilər bundan xəbərsiz qalacaqlar.
"Əzizim Mişkinaz.İndiyədək sizə bir neçə məktub yazmışam.Hələ heç bir bağlamaya ehtiyac yoxdur.Ancaq hər iki aydan bir teleqrafla 100-manat göndərin.Öpürəm sizi oğlumu və sevimli qızımı .Turan orta məktəbi bitiribsə ,bir il dincəlsin.Bir də mənə yazın görüm özü hansı ixtisası arzulayır?Müfəssəl yazın görüm necə yaşayırsız?Yenə  öpürəm sizi,yaxınlara,dostlara qohumlara salam.
H.Cavid.Xabarovsk vilayəti,Maqadan.Əlillər zonası.30.06.1940".
Bəs niyə əlillər?O gecə hər üçü için-için ağlayıb,hıçqırıqlarının uda-uda ağlayıb.Bir-birlərindən gizlədiblər bu dərdli gecədəki,ağlayışlarını.Və səhər açılanda da qızarmış gözlərini gizlətməyə çalışıblar bir-birlərindən.O gözlərə qonmuş qəfil ümidsizliyi gizlətməyə çalışıblar.
Cavid ömrü

"Əziz Mişkinaz!
Köhnə yerimdə yaşayıram,sağlamam.Hər ay siz göndərən pulları alıram,yazdığım kimi,hər ay teleqrafla 50-60 manat göndərin.Bağlama lazım deyil.Ancaq hər yarım aydan bir səhhətiniz haqda məktub yazın.Burda hərdən yüzlərlə dustaq azad edilir,ya da müddətlərini qısaldırlar.Arxayın olun mənə də növbə çatacaq.Səni,ağıllı bacarıqlı oğlumu və xüsusən istəkli,mehriban qızımı Turancığımı öpürəm.Yenə də öpürəm.
H.Cavid 27 may 1941".

Cavid ömrü


Bu,Cavidin Bakıya gəlib çatan son məktubudur.Evdəkilər bundan xəbərsizdirlər,xəbərsiz olduqları üçün də gözləyəcəklər..
Çox gözləyəcəklər. İllərlə gözləyəcəklər.Bilməyəcəklər ki,Cavid bu məktubu yazandan 6-ay sonra -1941ci il dekabrın 5-də keçinib.Bunu bilməyəcəklər və gözləyəcəklər.
Amma çox illər sonra Cavidin ellisi-nehrəmli Məmmədin acıdan-acı bir xatirəsi çatacaq onlara:"Aparılanda 9-cu sinifdə oxuyurdum,17 gün Cavidlə bir qatarda getdik.Əlbəttə yarımqaranlıq bir yük maşınında Cavidi seçə bilməzdim,lap görsəydim də tanımazdım.Özü məni səslədi.Danışığımı eşidən kimi ləhcəmdən Naxçıvanlı olduğumu bilib məni çağırdı,"kimlərdənsən?"soruşdu.Xeyli dərdləşdik 17-gün gedəndən sonra qatarı saxladılar,başladılar bizi düşürməyə.Burdan hərəni nəzərdə tutduqları yerə yola salacaqdılar.Vaqonun qapısı yerdən hündür idi.Cavid deyəsən düşməyə çətinlik çəkirdi.Elə bu vaxt hirslə onu itələyib yerə saldılar ki,hamı düşüb sən qalmısan.
Cavid üzü üstə yerə sərildi,burnundan qan gəldi.Cəld ona tərəf yüyürdüm.Elə qolundan yapışıb qalxmasına kömək etmək istəyirdim ki.mənim özümə də arxadan güclü bir təpik ilişdirdilər.Huşumu itirdim,ayılanda nə o düşdüyümüz yer qalmışdı,nə də Cavid-artıq tamam başqa qatar məni aparırdı."
O gecə hər üçünün yuxusu ərşə çəkilir,Səhərə yaxın huş aparır onları.Göz işlədikcə uzanan ağappaq yollar,qarlı düzənlərdən ötüb keçən qatar...və üçünün də yuxusunda bir sual:Görən o qatarın pəncərəsi varmı?Nələr çəkəcək o səfərdə Cavidin başı-evdəkilər bundan xəbərsiz qalacaqlar.


Kənar oldum,uzaqlaşdım,gülüm,bəzmi-vusalindən
Şu ağlar gözlərim məhrum edildi məh cəmalindən.
Yox...Əsla bir gələn yox,bir gedən yox...Qürbət ellərdə
Xəbərsiz qaldım artıq hər sevincindən,məlalindən.

 
Mələk yavrum,bu gün sənsiz benim zövqüm,qəmim,nəşəm,
Nədir?Kəndim də bilməm.Sən,fəqət sənsən həp əyləncəm.
Nasıl  məsud olurdum ah, yalnız bir xəbər bilsəm,
O məsumanə halindən,o hali pürməlalindən
 
Cavid ömrü illər öncə bitsə də, bu günə qədər qəlblərdə yaşayır, hər il anılır. Uyu Cavid əfəndi uyu, yad torpağı səni illərlə ağuşuna aldı, lakin sonunda sənin yolunu gözləyib öz həyatından belə keçən qızın Turan öz arzusuna, məqsədinə nail oldu. O, illərlə dağ boyda dərdlərə sinə gərdi, qadın olsa da kişi kimi dözümlü oldu, atasından sonra qardaşını itirdi, daha sonra anasını, lakin Cavidin yolunu yenə də gözlədi bitmədi-tükənmədi.
Hüseyn Cavidin bütün yaradıcılığı, bütün fəaliyyəti Azərbaycan xalqının mədəniyyətini yüksəklərə qaldırmaqdan, xalqımızı azad, müstəqil xalq etməkdən ibarət olmuşdur. Onun bütün yaradıcılığı Azərbaycan xalqını milli azadlığa, müstəqilliyə çağırıb. Xalqımız, tariximiz nə qədər yaşayacaqsa Hüseyn Cavid irsi də o qədər yaşayacaq və xalqımız ondan istifadə edəcəkdir.
Sonunda Allah bu ailəyə rəhmət etsin, hal-hazırda onlar heç biri bizlərlə eyni dünyanın sakini deyil!
Səslərin sayı: 5
37
8810
loading...
Şərhlər
Offline
Aysel İ.
Hərəkətsiz dayanıb.
Külək saçlarını dağıdır. Nə gözlərində yaş var, nə dodaqlarında sevinc işartısı. 45-illik ayrılıqdan sonra Cavid yenidən qayıdıb. Və mən təsəvvür eləmək istəyirəm cənazəni yox, özü qayıdan-çəliyinə söykənib asta-asta təyyarənin pillələriylə enən Cavidi, onu qarşılayan Turanı.
Elə beləcə- nə gözlərində yaş, nə dodaqlarında sevinc.
Ağır-ağır yaxınlaşırlar bir-birlərinə.
Bu Cavidin qoyub getdiyi 14-yaşlı Turan deyil. Bu, Turanın göz yaddaşında yaşatdığı, yuxularında gördüyü Cavid deyil. Qoca bir kişi, yaşlı bir qadın üz-üzə dayanıblar give_ros
3 fevral 2015 01:02
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Aysel İ.
Çox gözəl xəbər. Sağ ol Yağmurum. Allah səndən Razı olsun. Allah rəhmət eləsin.

Pürhəvəs şerə mübtəla bir qız,
Nura aşiq sevimli bir yıldız.
Kəndi bir şer-pürməlahət ikən,
Şerə bilməm bu incizab nədən?!
Daima gözlərində şer oqunur,
Gəliyor iştə, həm də pək məsrur...
Göydən enmiş mələk kibi pürnur,
Göyə çıqmış bəşər kibi məğrur...
Bu nə fitrət! Nə hali vəcdəfruz?
İştə hər bir ədası taqətsuz.
Nə qədər şairanə bir sima!
Həp gözəlliklər onda cilvənüma...
Bir həzin kölgə var o saçlarda,
Gecə qoynunda bəsləmiş guya.
Nə müəlla bəşər? Nə nazlı mələk!..
Göydən əsla ayırmıyor gözünü,
O bir afət, o bir sevimli çiçək
Ki, öpər pənbə dalğalar yüzünü.
Ona biganədir cahanda kədər,
Daima şux, daima dilbər...
Hüsnü eşq eyləsə təcəssüm əgər,
Böylə bir qız qiyafətində gəzər.


Sevinmə, gülmə, quzum, kimsənin fəlakətinə;
Bu hal, əvət, eyi bir şey deyil, sevinmə, saqın!
Sevinmə başqasının hali-pürsəfalətinə,
Toqunma qəlbinə bikəslərin, zavallıların.

İnan ki, bir acı söz, bir baqış, bir incə gülüş
Kədərli, sıtmalı bir qəlbi tırmalar, yaralar.
O qəlb avunsa da, aldanma, incinib küsmüş,
Sağalmaz iştə o, yıllar keçər də həp sızlar.

Toqunma, ruhum! Əvət, kinlidir fələk, bir gün
Qızar, həmən gücənib intiqam alır səndən.
Bu gün gülən yarın ağlar, saqın öyünmə, düşün!
Düşün də munis ol! İncitmə, qırma kimsəyi sən!..



Mən nə idim? Şərqin əzilmiş qadını!

(Bir az sükut...)

Mən nə idim? Uf, onu heç sormayınız!
Varlığım bir quru heç!

Keçmişin ən qaba, ən vicdansız,
Kirli dırnaqları qəhr etdi məni.
Görmədim gün işığı;
Doğduğum gündən — əvət — tarixin
Paslı zəncirləri inlətdi məni.

Hər tərəfdən qara bir mövhumat
Pərdələr çəkdi həmən gözlərimə...
Qoparırkən fəryad,
Etdi qanun ilə din istehza
Mənim öksüzcə qırıq sözlərimə.

Yox, yalan söylədim, aldanmayınız;
Vardı bir çox tapınanlar da mana
Çünki pək dilbər idim,
Süslü kaşanələrin qoynunda,
Məni sarmışdı ipəklər, tüllər...
Ağlayırdım gülərək,
Alışıb məhbəsə, altun qəfəsə,
Söndürürdüm qaba şəhvətləri mən...

“Pək gözəlsən” — qaniçən sultanlar
Məni əyləncə yapar,
Çox zamanlar da bağışlar birinə,
“Ən nəfis işvəli bir qüvvə” — deyə.
Oh, nə miskincə həyat!?
Yeri gəldikcə atarlar Nilə,
Yaxud atəşkədəyə...

Duyğusuz tanrıya qurban olaraq,
Kül olurdum yanaraq, qıvrılaraq.
Daha dəhşətli bəla, — çirkin isən, —
Atacaqlar dərhal
Bir çuxur, bir quyuya, bir kanala.
Yapsalar hər qabalıq, alçaqlıq,
Baş əyərdim susaraq of demədən...
Bir zamanlar mən, əvət, bir heç idim,
Qismətim sillə, dayaq, könlüm əsir,
Bir böcəkdən də həqir.

İmdi lakin o tikənlərdən uzaq —
Gülərək, oynayaraq,
Yaşamaq zövqünü duymaqdayım ancaq, ancaq...
Yox, mən artıq sürünən heç deyilim,
Parçalanmış da qaranlıqdan hörülmüş
kəfənim,
Gəmirilməz beynim.
İştə ən şanlı üfüqlərdə uçan
Şərqin azadə, gülər bir qızıyam;
Uca həşmətli fəzalardan aşan
Pənbə bir yıldızıyam!..
9 avqust 2013 01:40
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Yağmur damlası
Жасмин.,
Ne xos sizlere,men de onu bir defe Cavidin ev muzeyinde gormusem,amma yaxindan tanimirdim.
8 avqust 2013 14:29
Offline
Naile
Allah rehmet elesin
8 avqust 2013 13:58
Offline
Жасмин.
Bu kitabi basdan axiracan oxumusam,oxumayanlara da meslehetdir ki,oxuyun.Edebiyyatda en cox oxudugum belke de repressiya qurbanlari haqdadir.Turan xanimi ise sexsen taniyirdim,onun dilinden usaqliq xatirelerini esitmek meni hetta aglatmisdi,cunki o Cavidden doymayib ki,o Cavidi gormeyib ki...
7 avqust 2013 18:52
Offline
Everyting is OK ;)
elaaa seviremdee bu kisini kinosudaa superdi
5 avqust 2013 23:52
Offline
Yağmur damlası
Seli,
Yox gozelim,onun nevesi yoxdur,sehv melumatdir.Oqlu esgerlikde vefat edib,qizi da hec vaxt aile qurmayib,omrunu atasina onun heyat,senet yolan serf etdi.Amma ola biler bir nesildendirler,men onu deye bilmerem,hec esitmemisdim.
5 avqust 2013 23:15
Offline
Seli
uzden Cavid ailesinin davamcisi cox heyf cox heyf yoxdur.Azerbaycanin onlara cox ehtiyaci vardi,amma...

Bəs mən esitmisəmki Artur Rasizade (bas nazir) Cavidin nevesidi?
5 avqust 2013 23:13
Offline
Yağmur damlası
Seadet Sexavet,
ne gozel yazmisan baci?cox sag ol,haqlisan...
5 avqust 2013 22:02
Offline
Seadet Sexavet
Cox sag ol Yagmur .Bu cür gözәl mövzu üçün.Agacın kәsilmәyindә әn acı olan kәsәn balta yox baltanı tutanın agac olmasıdır....Bu cür istedadların sürgün edilib sәslәrinin batırılması millәtimizin faciәsidir.?
5 avqust 2013 19:48
Offline
Yağmur damlası
BEST OF ALL....,
Cox sag ol canim gozel serhin ucun,sevdiyin bellidir zaten give_ros
Almaz S.,
Duzdur baci keske Ertogrul Cavid yasasaydi,indi onun davamcisi olardi,qizi da aile qurmadi.o uzden Cavid ailesinin davamcisi cox heyf cox heyf yoxdur.Azerbaycanin onlara cox ehtiyaci vardi,amma...
Seli,
Sonay Quluzade,
Sag olun her ikiniz ,fikrimde var Mikayil.Ehmed Cavad.Almas I bu insanlardan xeber hazirlamaq,Insallah qismet olsun.
canım sən bu yazını necə ürəklə yazmısan bax o hər sətirdə hiss olunur,hadisələrin təsviri insanın goz onündən bir pərdə tək keçir,etiraf edim kövrəldimdə,amansız insanların ona yaşatdıqlarına...çox istərdim sondan 2-si abzasdakı cümlələr o cür xırda deyil,əksinə iri və gozəgirən şriftlərlə yazılaydı,redaktə düzgün olmasa belə bu xəbər oxuyanın içinə axır,sag oooool bacım yazan əllərindən opdüm sənin

Cox sag ol baci,istifade etdiyim kitab menim heyat devizimdir!



Sonunda her kese tesekkur edirem.
5 avqust 2013 19:30
Offline
MELEYIM
cox sagolun bele.hec unudulmayacaq wairlerimizden biri.Allah rehmet etsin
5 avqust 2013 13:20
Offline
FIRUZA
cox saqol Yaqmur canim maraqla oxudum adi tarixi yazilan shesiyyetdi Huseyn Cavid!
5 avqust 2013 10:57
Offline
GülnaR
Hüseyn Abdulla oğlu Rasızadə 1982-ci il
--xaiş edirəm redaktə edərkən diqqətli olundaaaaaa dogum tarixində səhv var kimsə fikir vermir,bu o denək deyil səhv yazılıb sadəcə bəzən insan uzun yazıda yorulur belə şeylər olur,redaktədə diqqət vacibdir,9-u 8 edin

canım sən bu yazını necə ürəklə yazmısan bax o hər sətirdə hiss olunur,hadisələrin təsviri insanın goz onündən bir pərdə tək keçir,etiraf edim kövrəldimdə,amansız insanların ona yaşatdıqlarına...çox istərdim sondan 2-si abzasdakı cümlələr o cür xırda deyil,əksinə iri və gozəgirən şriftlərlə yazılaydı,redaktə düzgün olmasa belə bu xəbər oxuyanın içinə axır,sag oooool bacım yazan əllərindən opdüm sənin give_ros
5 avqust 2013 10:34
Offline
Sonay Quluzade
Yağmur damlası yenə iş başında. Belə xəbərlərin bol olsun, Yağmurum. Gec də olsa, maariflənənlərin olacağına əminəm, çünki Cavidləri, Cavadları, Müşfiqləri hələ yetərincə tanımayanlar var. Sənə başladığın işdə uğurlar.
5 avqust 2013 10:33
Offline
Nigar Sultan
həqiqətən də ətsirli yazır...Allah rəhmət eləsin!
5 avqust 2013 07:11
Offline
cicek
elleriniz yorulmasin
5 avqust 2013 03:09
Offline
♥wirinka♥
allah rehmet etsin onlar olseler de hec vaxt unudulmurlar gozel weirleri her zaman goz onundedir ve her kes terinden sevilirler
5 avqust 2013 01:50
Offline
Ayka S
Mekanlari cennet olsun unudulan amma adi hemise var olan sairlerimiz.
5 avqust 2013 01:20
Offline
Hacət-i Vuslat
Sonunda Allah bu ailəyə rəhmət etsin, hal-hazırda onlar heç biri bizlərlə eyni dünyanın sakini deyil!
Amin,onlar ürəklərdədir...
Çox sağol bacı,dəyərli xəəbərdir.
5 avqust 2013 00:53
imza: Diqqət əziz xanımlar! Sərbəst qrafikli,yatırımsız işə ehtiyacınız varsa mənimlə əlaqə saxlayın.
Adıniız:*
E-Mail:
ıifrə: *
Son şərhlər
  • “WhatsApp” 2020-ci ildən bu telefonlarda işləməyəcək

    “WhatsApp” 2020-ci ildən bu telefonlarda işləməyəcək
  • 20:36 - Müəllif: Nermin_Guler
    Güldürən arxa fon (1)

    Güldürən arxa fon

    Ən çox betmana güldüm
  • Bekhemin bu davranışı psixoloqları ayağa qaldırdı

    Bekhemin bu davranışı psixoloqları ayağa qaldırdı
  • Siçan ilində bizi nə gözləyir? - Şərq təqviminə görə ASTROLOJİ PROQNOZ

    Siçan ilində Amerika təpələrinə səfər proqnoz edilir. Daimi dəyişikliklər sizi gözləyir, narahat olmağa dəyməz, əlamətdar hadisələr də az deyil.
  • Bu tarixdən bütün pensiyalar 13-14 faiz artırılacaq

    Bu tarixdən bütün pensiyalar 13-14 faiz artırılacaq
  • 15:20 - Müəllif: SemmionsNaifyHK
    Hüquqşunas məsləhəti (367)

    Hüquqşunas məsləhəti

    Приветствую Вас друзья, недавно мне в руки попал уникальный сайт на котором Вам необходимо спрогнозировать как будет меняться значение, вверх, или в низ, у Вас всего две кнопки для ответа, благодаря чему если Вы даже будете рандомно нажимать кнопки, Ваши шансы составят 50%, а благодаря специальным методикам которые Вы найдете после регистрации, Ваш баланс будет увеличиваться каждые 60 секунд. За одну минуту Вы сможете зарабатывать от одного доллара до бесконечности! Это уникальный способ заработка в интернете на сегодняшний день, сервис работает с 2014 года, и всегда вовремя выплачивает заработанные деньги. После регистрации Вы получите БОНУСНЫЕ +10 000b на счет, и сможете сами сполна протестировать этот замечательный сервис. Попробуйте БЕСПЛАТНО! http://bit.ly/fastbigtrade
  • 14:59 - Müəllif: Ayla Ayla
    2020-ci ilin 6 dəbli rəngi (2)

    2020-ci ilin 6 dəbli rəngi

    Bənövşəyi paltolar, köynəklər və donlar göz oxşayacaq.
  • Bekhemin bu davranışı psixoloqları ayağa qaldırdı

    Çoxu belə eliyir. Nəyə lazımdıye
  • Qısa boylu qadınlar necə geyinməlidir?

    Qısa köynəklərdən də istifadə edə bilərsiniz. Don seçərkən dar olmasına diqqət edin.
  • Şahzadə Diananın məşhur donu satılmadı-SƏBƏB/FOTO

    Onun modası keçib ona görə
loading...
Son yazılar
Hansı fəsili daha çox sevirsiniz?
Yaz
Yay
Payız
Qış