Bakıda hava
USD AZN
EUR AZN
20:07Ayla Ayla Mən də dincələ bilmədim.Yeni il tətilini dözlüyəcəm 16:51Surayye Guya 5 gun tetil idi 3 gun oldu 16:51Surayye Qizlarim qizillarim necesiz? 15:24PERI qurtardi hec dincelmedik ama 15:12aysel hesenli Hamiya salam 15:11aysel hesenli Payiz tətili de qutardi 10:02Xəyalə Murad Sabahınız xeyirli,gününüz aydın olsun,Əziz Qadin.Netlilər!
41136

Bir ovuc kül

       Bir ovuc kül

 Bir qədər  yol getmişdi, amma buna heç  yolun yarısı da demək olmazdı. Taqəti qalmamışdı artıq. İrəli gedə bilmirdi, çünki yol daha onu aparmırdı. Elə o da yolu tutub gedə bilmirdi. Çünki tutduğu yol düzgün deyildi, əvvəlindən düz gəlməmişdi. Bu yerdə düşündü, düşündü ki, gərək bu yolla gəlməyəydim, daha gücüm qalmadı, yetər, bu yol məni sıxdı, əzdi, sanki bir ilan olub bütün boynuma dolanaraq məni nazilmiş, üzülmüş bir vəziyyətə gətirib çıxardı. Qurumuşdu, sanki barsız ağac idi. Qəlbi param-parça idi, çat-çat olmuş susuz torpaq kimi, geriyə baxdı, qayıtmaq istədi bu yolu geriyə. Qayıtmaq istədi ki, yenidən başlasın, amma qayıtmağa daha taqəti qalmamışdı. Bəlkə də bir təhər qayıda bilərdi, amma yenidən başlamaq ona çətin, çox çətin gəlirdi. Dözə bilməzdi, o əzmkarlıq, o iradə onda yox idi. Uca boyu da sanki əyilmişdi, kiçilmişdi, elə bil. Nəfəsi də güclə gəlirdi.

 

Bir ovuc kül

 

        "Mən neylədim", çarpayısında güclə yarı uzanmış, yarıoturmuş vəziyyətdə düşünməyə başladı, "içimi bir çürük taxt parçası tək  çürütdüm, içim bir toz halındadır, üfürsələr uçaram. Və bu dünyanın dünya boyda dərdlərinə bir zərrə olub mən də qarışaram. O zaman zərrələrə qarışıb bir heç olacağam. Bu dünyanın ağırlığından qurtulacağam. Niyə mənə bu qədər ağır oldun, dünya? Sənin bu ağırlığını çəkə bilmədim. Nəyi  isə unutmaq istədim sanki. Nəyi  unutmağa  çalışırdım ki, heç özüm də bilmirəm. Özümə bir macəra axtarırdım, həyat macərası. Mənə elə gəlirdi ki, dərd çəkirəm, əslində heç nə çəkməmişəm, məni sevənlərə dərd çəkdirmişəm. Məni dünyalar qədər sevən anama, qadınıma yetərincə çəkdirmişəm. Bəs körpə qızım, o hələ  məni bir ata kimi tanıyır, mənim bir insan kimi nələri itirdiyimdən, bu həyatda içimi dağıdan, bütün arzularımı alt-üst edən, məni məndən alan məni tanımır. Zamanla böyüyəcək, hər şeyi anlayacaq. Və bir gün mənim kim olduğumu da anlayacaq. O zaman mən övladımın üzünə necə baxacağam, sıxılacağam, əziləcəyəm, kiçiləcəyəm, bir nöqtəyə çevriləcəyəm, kiçik bir nöqtəyə. Və beləcə övladımın gözləri önündə o boyda mən kiçik bir zərrə olacağam. Onda nə deyəcəyəm?Gözəl qızım, atan qurban oldu,ətrafındakıların, çevrəsindəkilərin puç əməllərinə aludə oldu. Qızım, məni bağışla, bağışla ki, bu yolu geri qayıda bilmirəm. Bu lənətə  gəlmiş yol nə ağır oldu, bəlkə qayıdım, bəlkə qayıdım geri, qızımın xatirinə, bəlkə cəhd göstərsəm qayıdaram, yox, qayıda bilmərəm, məndə o güc qalmayıb. İndiki halımla  sevdiklərimə bir yükəm, özüm boyda bir yük. Anamın gözlərinin içinə baxa bilmirəm, baxışları ilə elə bil bu dəqiqə yandıracaq məni. Məhəbbətlə baxan gözlərindən sanki bir alov çıxaraq mən  yandırıb yaxacaq və bir ovuc külə çevirəcək. Ovuc içi boyda bir külə. Sonra da anam rahatlıqla nəfəs alıb mənim külümü evimizin hansısa küncündə, gizlin bir yerində saxlayacaq, hər gün gizlətdiyi yerdən götürərək ovcuna alacaq, göz yaşları içərisində əzizləyəcək, öpəcək, sonra da yerinə qoyub  öz ev işləri ilə məşğul olacaq. Anası qapının önündə göründü, lal- dinməz bir xeyli durub oğluna tamaşa etdi. Oğlu güclə anasına baxırdı. Ana bir xeyli baxdıqdan sonra görünməz oldu. "Ay ana, səhərdən məni izləyirsən, gözdən qoymursan, sanki olacaqlardan məni saxlayacaqsan" düşündü.

      Çarpayı çox narahat idi, hərdən sanki, uyumuş kimi olur, hərdən də tamam ayılırdı. Ayılan zaman yenə fikirləşməyə başladı, "əgər mən ölsəm, buna nə deyəcəklər? Hə, deyəcəklər ki, "ağ ölümün qurbanı oldu". Yox, bunun harası ağ oldu ki, heç qara ölüm də deyil, bəlkə boz ölümdür". Anası yenə qapı önündə göründü. Gözlərində sonsuz bir kədər vardı. Anasına baxdı, baxdı, gözlərini tam aça bilmirdi, bir anlıq fikirləşdi, çölə çıxa bilsəydim, cəhd göstərsəm çıxa bilərəm.

Bir ovuc kül

-Ana, könlüm halva istəyir, mənə bir halva bişir.

-Yaxşı oğlum, indicə bişirərəm.

 Ana  qapıdan çəkilib gedəndən sonra başı işlərinə qarışmışdı.

    Birtəhər ayağa qalxıb həyətə  çıxdı. Çöldə hava yaman soyuq idi, qar yağırdı, sakitcə, səssiz-səssiz . İri-iri dənələri hər tərəfi ağ örtüyə bürümüşdü. Üşüməyə başladı, bu soyuğun təsirindən deyildi, yaxşı bilirdi.

- Ana..., ay ana...

  Ana qapıda göründü, sonra da eyvana çıxdı.

- Hə, oğlum, nə lazımdır?

- Heç nə lazım deyil, ana. Yadındadır, uşaq vaxtı rəsm çəkməyi xoşlayırdım, hətta məni rəsm dərnəyinə də yazdırmışdın. Yadındadır, bir dəfə hər tərəf beləcə ağappaq olanda həyətimizin bu mənzərəsini çəkmişdim. Ana, o mənzərəni indi çəkə bilərəmmi ?

Ana kədərli gözlərini yana çevirdi. 

- Çəkə bilərsən, oğlum. "Sən həyatının rəsmini  çoxdan çəkdin oğlum, elə bir qələmlə çəkdin ki, onu bir də, heç dəmir pozanla da poza bilməzsən" ürəyində düşündü ana. Üşüyən kimi oldu, içəri keçdi.

- Gəl evə, oğlum, soyuqdu.

- Soyuq deyil, ana. Bu gözəlliyə tamaşa etmək istəyirəm...

- Ana, ay ana.

Ana yenə eyvana çıxdı. Ay oğul, deyirsən halva bişir, sonra da qoymursan , ha çağırırsan.

- Ana, nənəm mən uşaq olanda bir bayatı deyirdi, tez-tez oxuyurdu o bayatını.

- Hansını deyirsən ?

- Həmişə deyirdi, "qəm oylağımdır", belə bir bayatı idi.

-  Hə...

- "Dağlar  bağımdır, mənim,

    Qəm oylağımdır, mənim.

    Dindirməyin, ağlaram.

    Yaman çağımdır, mənim".

Ana özü də kövrəldi, dediyi bayatıdan gözləri doldu, içəri keçdi, göz yaşlarını oğlu görməsin.

- Hə, "yaman çağımdır, mənim", ürəyində təkrarladı. Artıq bütün vücuduna bir əsmə gəlirdi, əlləri də əsməyə başlamışdı. Dura bilmirdi.

  Səmaya baxdı, göy də yer kimi ağappaq idi. Bu gün hər şey ağ olacaq. Ətrafa baxdı, heç kim yox idi. Səhərdən beynindən keçirərək qəti qərarlaşdırdığı bir ölüm əmri  ilə bu acı həyat hekayəsinə son qoymaq istəyirdi.

  Həyətin aşağı  başındakı tövləyə sarı getdi, içəri keçib, qapısını içəridən kildlədi. Əvvəlcədən gizlətdiyi kəndiri çıxardı, halqa etdi, sonra da ayğının altına nə isə qoyub  tavandakı mıxa möhkəm-möhkəm bağladı. Kəndirin halqasını başından keçirərək boğazına  sıxdı və ayağının altındakını itələdi, gözlərindən iki gilə yaş yanağı boyunca gəldi... Bir az əvvəl düşündüyü kimi göz yaşlarını içində boğmağa çalışaraq özünü  ağ ölümün qurbanı etdi.

Səslərin sayı: 8
48
5238
loading...
Şərhlər
Offline
Arzu Nihad
Cox qəmli hekayə idi,GÜnümüzün reallığı həm də,Belə insanlara cəmiyyət laqeyd olmamalıdr vaxtinda əlindən tutub düz yola cəkməlidir.Bir çox insanlar hamı tərəfindən atıldıqdan sonra bu yoldan dönməyə özündə artıq güc tapmır və məhv olur,
16 iyul 2013 20:53
Offline
MAYA EL
bu yolla gedənlərin əlbətdə çoxu peşman olur çoxunun iradəsi omur qayıtsın bu qurbanların sayı təssüfki gənclərdi
16 iyul 2013 19:07
imza: Özün haqqında qışqıra-qışqıra danışma, qoy başqaları sənin barəndə sakitcə danışsınlar.
Offline
eliyeva
ag olum indiki dovrun en acitici olumu, cox teesufler olsunki... kimleri yerle yeksan etmediki bu lenete gelmiw ag?
16 iyul 2013 00:30
Offline
heqiqet.hebibova
DOQRUDAN DA YAZIQLAR OLSUN IRADESI ZEIF OLANLARA AKTUAL LAKIN HUZNLU HEKAYEDIR TANRI HEC BIR ANAYA OVLAD DAQI CEKDIRMESIN BELELERINE DE AQIL VERSIN HEYATDA O QEDER ZOVQ ALINACAQ SEYLER VAR KI
15 iyul 2013 18:32
Offline
Şəri Babayeva
dəhşət..... cray
15 iyul 2013 18:24
imza: Qadın təbiəti gərəyi zəifdir; amma ağrıya ən çox o dözər. Qadının müqavimətini qıran tək şey xəyal etdiyi kişinin boş çıxmasıdır...
Offline
alisa1971
Bir daha şərh yazan hər kəsə təşəkkür edirəm, hamınızın şərhlərini oxudum, əlbəttə ki, bu cür həyatı heç kim, heç düşməninə də arzulamaz, amma təəssüf, çox təəssüflər olsun ki, bəzən həyat çox amansız olur, cəmiyyətin ən dəhşətli gerçəyi....
15 iyul 2013 17:52
Offline
Flowers
Iradesi zeif olub axmaq muhite tez dusen insanlar! Allah komek olsun size ve mohkem iradeye sahib olub pis verdislerden uzaq olasiz hemise Amin. Tesekkurler alisa aktual movzulu xebere gore.
15 iyul 2013 16:59
Offline
Louis Vuitton
alisa1971,
Çox təşəkkür edirəm sənə bu hekayə üçün. Ona görə yox ki, bir acı taleyi bölüşdün, ona görə ki, günümüzün aktuallığını gətirdin ortaya. Mən həmişə cavanlarımızı görəndə, istər oğlan, istər qız olsun, onlar üçün: "ALLAH sizi mərdimazardan qorusun" deyirəm. Həqiqətən də var-dövlət üçün gəncləri bu yola təhrik edənləri ən ağır cəzaya məhkum etmək lazımdır. İnsanın doğru olmayan yoldan çəkinməsi üçün iradə ilə yanaşı ətraf mühiti də sağlam olmalıdır. Bəzən bilərəkdən, bəzən də gizlin-gizlin, müxtəlif yollarla gəncləri bu yola sövq etdirirlər, sonra da axırı bax belə faciələrlə nəticələnir. Mərdimazara lənət...
15 iyul 2013 16:25
Offline
Serras
Ilk once tesekkur edirem yaziya gore SIZIN yazilariniz her zaman mene maraqli gelir,
Sonra ise ALLAh genclerimizi duzgun yoldan ayirmasin seytan aldadir onlari geride yaziq olanlar ise valideynler olur,ALLAh komek olsun anasina,ozununde ALLAh kecsin gunahlarndan.
15 iyul 2013 15:41
Offline
Nermin Ceferova
ALLAH ovladlarimizdan uza elesin ..her zaman bunun qorxusu ile yawayiram ..umid edirem ovladlarima verdiym terbiye ve rebbime inamim uwalarimi bu ag olumden qoruyar
15 iyul 2013 14:17
Offline
♥Selena♥
Çıxış yolu var idi,müalicə oluna da bilərdi.Ən asan yolu seçdi.Allah heç bir anaya bu dərdi yaşatmasın.

Haqlısan, bacım. Hər şeyə çarə var bircə ölümdən başqa. Amma insan özünü artıq ölü kimi hiss edirsə bunun çarəsi varmı?
Yazıiya görə təşəkkür edirəm, kədərli olsa da hamımız üçün, xüsusən də gənclər üçün bir dərs idi.
15 iyul 2013 12:40
Offline
Qəribə
hec bir valideyin istemez ki,ovlad bele olsun,seher oxuyanda cox pis oldum,cox sagol bacim,ALLAH uzaq etsin,birde ALLAH komek olsun her kese,cox sagol bacim,yaxsi xeberdir.
15 iyul 2013 11:18
imza: Не забывайте благодарить Бога, Он же не забывает будить вас каждое утро.

Iдеальных людей не бывает, цените тех,
кто смог полюбить ваши недостатки.
Offline
ELnare Huseynli
onsuz ureyim aqrayirdi by xeberide oxudum dayda pis oldum olan yene ANAYA oldu recourse
15 iyul 2013 10:53
Offline
alisa1971
Xəbərimə şərh yazan hər kəsə təşəkkür edirəm. sağ olun, həmişə var olasınız, gözəllərim, mənim.

Oğul, nədir etdiyin, bəs bu haqq-say üçün,
Qaytar onun ömrünə neçə gecə , neçə gün.
Qaytar onun saçının qaralığını geri,
Qaytar, qaytar onları , qaytar qoyma sabaha ,
Sən ki, dərd verdin, oğul, sənə həyat verənə,
Oğul demərəm, sənə.
Deyirəm ki, varını, yoxunu, qaytar geri,
Qaytar onun borcunu,
O borc sənin özünsən, özünü qaytar geri.
(Ə.Kərim)
15 iyul 2013 10:13
Offline
Gulsen Isi
sabah sabah oxudum pis oldum.yaziq analarimiz.bizi boya basa catdirir ezab eziyyetle ki birikiz gedek narkaman olaq birimiz de nazir.??allah hec kesin aglini basindan almasin,insallah
15 iyul 2013 09:16
Offline
farida najafova
allah belelerine ozu komek olsun.tesirli idi.hec bir anaya allah evlad dagi gostermesin.
15 iyul 2013 08:45
Offline
Shokolad Tvix(Evli)
Vaxsey bu ne xeber idi bashdigi oxuyanda bele xeber oldugunu hec tesevvur elemedim Allah uzaq elesin!
15 iyul 2013 05:34
Offline
Sevinc M
Allah hec kime gostermesin.Sekillerine baxanda bele pis oluram
15 iyul 2013 01:29
Offline
Ilayda
ehh ne deyim, ne soyleyim sukut sukut....
15 iyul 2013 00:17
Offline
Almaz S.
Çıxış yolu var idi,müalicə oluna da bilərdi.Ən asan yolu seçdi.Allah heç bir anaya bu dərdi yaşatmasın.Yazı üçün təşəkkürlər,təsirli idi
14 iyul 2013 23:29
Adıniız:*
E-Mail:
ıifrə: *
Son şərhlər
loading...
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )