Həkim doğuş tarixini müəyyən etmişdir, körpə isə bu tarixlə razı deyil... Nə etməli? Hər şeydən əvvəl bilməlisiniz ki, narahatlığa və həyəcana heç bir səbəb yoxdur. Lakin əli qoynunda oturmaq da olmaz.
Hər şeydən əvvəl ümumi vəziyyətə diqqət yetirin: A/T, ifrazat və sidik sisteminin fəaliyyəti, qan və sidiyin analizi. Əgər normadan kənar hallar varsa, vaxtından əvvəl xəstəxanaya yata bilərsiniz. Əgər heç bir narahatlığınız yoxdursa, xəstəxanaya yatmağa tələsməyin. Xəstəxanada körpənin deyil, həkiminizin istəyi ilə doğmaq məcburiyyəti qarşısında qala bilərsiniz.
Ciftin fəaliyyət xüsusiyyətlərinə diqqət yetirin. Cift dölün tənəffüsünü, qidalanmasını və mübadilə maddələrinin kənar edilməsini təmin edən ən vacib orqandır. Öz inkişafında cift bir neçə dövrdən keçir: formalaşma, artma, yetkinlik, qocalma. Hər bir dövrdə cift müvafiq vəzifə və funksiyalarını yerinə yetirir. Ciftin qocalması uzun sürən hamiləlik zamanı baş verir. Uzun sürən hamiləlik təyin olunmuş doğuş tarixindən sonra 10-14 gün və daha çox çəkə bilər. Belə halın rast gəlmə tezliyi 2-14 %-dir. Həqiqi və yalançı uzun sürən hamiləliyi bir-birindən ayırmaq lazımdır. Həqiqi və ya bioloji uzun sürən hamiləlik 290-294 gün olur. Döl normal hamiləlikdə olduğundan daha yüksək inkişaf səviyyəsinə çatır. Cify isə geri inkişaf edir. Onun toxuması piy toxuması ilə əvəz olunur. Bu da döldə hipoksiya və maddələr mübadiləsinin pozulması əlamətlərinin yaranmasına səbəb olur. USM müayinəsi zamanı uzun sürən hamiləlikdə dölyanı suların azalması, ciftin qalınlığının azalması, dölün ölçülərinin iriliyi, konturların daha dəqiq olması və kəllə sümüklərinin qalınlaşması aşkar edilir. Yalançı uzun sürən hamiləlik və ya uzanmış hamiləlik, müddətin 10-14 gün üzanması deməkdir. Dölün artıq yetişməsi və ciftdə dəyişikliklər müəyyən olunmur. Üzanmış hamiləlik normal hamiləliyin bir variantı kimi nəzərdən keçirilir!!! Bu hal dölün inkişafının ləng getməsi ilə əlaqədardır və bu əlavə müddət dölə tam yetişmək üçün lazımdır.
Qidalanmanıza fikir verin. Ayrılmış qidalanmaya üstünlük verin. Böyük miqdarlarda ət, yağlı kəsmik, pendir, mayalı xəmirdən hazırlanmış və şirin məmulatları qəbul etməyin. Sizə o qədər də kəskin olmayan vegetarian pəhrizi çox yaxşı təsir edə bilər. Belə qidalanma oynaq və əzələlərinizi daha elastik və plastikalı edər və bu da doğuşda Sizə kömək edə bilər. Kalorisi az, bioloji enerjisi yüksək olan məhsullara üstünlük verin. Məsələn: meyvələr, qurudulmuş meyvələr, bal, tərəvəzlər, suda bişirilmiş sıyıqlar, cücərmiş dənli bitkilər, buğda cücərtisi, dəniz məhsulları, soya məhsulları, paxlalar, qoz, yağsız süd məhsullar, göyərti.
Bu dövrdə körpə ilə unsiyyətdə olmaq çox vacibdir. Öz körpənizi seyr etməkdən zövq alın, onunla fəxr edin. Körpə Sizi hiss edir və başa düşür. O, Sizin əhvalınızı hiss edir, ürək döyüntülərinizi, səsinizin titrəyişini eşidir. Onun sevinc və ya stres hormonu alması Sizdən və yenə də Sizdən asılıdır. Körpənizi səsləyin, lakin tələsdirməyin. O, dünyaya nə zaman gələcəyini hamıdan yaxşı bilir. Doğum 40 həfətədə baş verməlidir (38-42 həftə arasında ola bilər). Körpə doğulmağa hazır olduqda ananın orqanizmi xüsusi maddələr ifraz
etməyə başlayır. Bu maddələr doğuş mexanizmini işə salır. Bu tamaşanın ən kiçik iştirakçısının - körpənin həm fiziki, həm də psixoloji hazır olması vacibdır.
Dartılma məşğələlirini yerinə yetirməkdə davam edin, oynaq gimnastikası edin və sərbəstləşməyi öyrənin. Hamiləlik zamanı iki növ məşğələlər vacibdir: 1. ümumi inkişafetdirici - əzələ və digər toxumaları doğuşa hazırlayan; 2. aerob (tənəffüs) məşğələlər urək və tənəffüs fəaliyyətini möhkəmləndirən. 1-ci növ məşğələləri hamiləliyin sonuna qədər yerinə yetirməyiniz tövsiyyə olunur. Sona doğru tənəffüs məşğələlərinə üstünlük verin.
Tənəffüs məşğələlərindən istifadə etməklə özünüzə kömək edin. Bu məşğələlərə həmçinin açıq havada gəzintilər, üzmə, su prosedurları da daxildir. Sakit musigi dinləyin, gözəl təbiəti, ümumiyyətlə gözəllikləri seyr edin, rəssamlıq edin.
Emosional vəziyyətinizi analiz edin. Hansı sahədə hazırlıqsız olduğunuzu müəyyən etməyə çalışın. Sizə doğuş haqqında sevimli rəfiqələrinizin söylədiyi inanılmaz dəhşətli nağılları yaddan çıxarın, ancaq müsbət söhbətlərə qulaq verin. Özünüzü ancaq saf bulaq suyu ilə doldurmaq lazım olan qiymətli qədəh kimi təsəffür edin. Bütün cirkabı, mənfi halları özünüzdən uzaqlaşdırın, Siz çirkli vedrə deyilsiniz. Hər kəsi bağışlayın, qoy onlar da Sizi bağışlasın. Qadın doğuma saf, aydın, mənəvi təmiz olaraq daxil olmalıdır. Allah köməyiniz olsun!
Yadda saxlayın ki, doğuş zamanı kənar adam yoxdur. Həkiminizlə doğuşun gedişi, anesteziya variantları haqqında söhbət edin, onun nöqteyi-nəzərini öyrənin. Körpəni doğuşdan sonra nə zaman görəcəyinizi soruşun. Həkim də Sizin həm doğuşa həm də körpənizə məsuliyyətlə yanaşdığınızı hiss etsin.
Doğuş ev şəraitində olacaqsa, buna hazırlaşın və əvvəlcədən mama-ginekoloqla bütün təfsilatlar haqqında söhbət edin.
Indi ədəbiyyatda asan, sevinc dolu doğuşlar haqqında çox yazılır. Bu nağıl deyil. Əgər belə doğuş keçirmək istəyirsinizsə, məşğələlərə gedin və ana olmağa hazırlaşın.
Bənzər xəbərlər...
XƏBƏR LENTİ
Makiyaj ustasından dodaq makiyajı
Hicablı model gözəlliyi ilə diqqət çəkdi-FOTO
Hamiləlikdə USM
Beyni öldürən 10 təhlükə
Dəbli çantalar
"Seksenler"in Nazlısı oğlu ilə - FOTO
"Bu, Qarabağ üçün intihardır"
Paris Moda Həftəsində üst geyimlər
Ölkəmizdə daşqın gözlənilirmi?
Qeyri-adi faktlar
Beyonce olduğunu iddia edən qadın həbs olundu-FOTO
Qısa donlar
Gözaltı torbalardan xilas olmağın yolları
Riberi küsdü
Ermənistan dövlət sərhədində atəşkəs rejimini pozub - RƏSMİ
Azərbaycanda planşet istehsalına başlanacaq
Boyunu cavanlaşdıran 4 təsirli üsul
Mehriban Əliyeva xalqı təbrik etdi
Ağ pendirli pomidor (foto resept)
Soçi olimpiadasında iştirak edəcək Azərbaycan idmançılarının geyimləri təqdim edilib
Bir-birini çoxdan tanıyıb, illər sonra aşiq olan məşhurlar
"İstanbullu gəlin" üçün stilini dəyişən aktrisa-FOTO
Diqqət testi
41 yaşlı Diana Kryuqer ana olacaq-FOTO
Ceyms Bondun maşını satışa çıxarıldı-FOTO
Nəşhur həkimdən ilginc AÇIQLAMAlar
Türkiyədə kütləvi dəfn mərasimi keçirildi
Ən böyük savab
Azərbaycan əhalisinin sayı artdı
Hazal Kaya kafe açır
Gələcəyin maşını
Dünyada növbəti soyuq müharibə
Ananas pəhrizi
Toyuq ətli salat (foto resept)
Sellülitdən aspirinlə xilas olun
Döş böyütmə əməliyyatı haqda ümumi informasiya
Uşaq bağçalarına qəbul YENİ QAYDALARLA olacaq
Hər kəs BU GÜNÜ GÖZLƏYİR: sabah başlayacaq və...
Çağatay Ulusoya 200 minlik təklif
Oskar gecəsinin aksesuar seçimləri
Məşhur aktrisa öldü-FOTO
Bakı sürücülərinə şad xəbər
Kosmetikanı necə saxlamalı?
Fərqli çay içmək istərdinizmi?
Gürcüstanda zəlzələ şaxtanı dağıdıb
Süd,bal və kələm
İlin Ən Yaxşıları Seçildi - FOTO
Ebola həyəcanı sona çatdı
Bədbəxtliyimizdən qurtulaq!
BASDIRMA (foto resept)
- ŞƏRHLƏR