Bakıda hava +18°
USD 0.7843 AZN
EUR 1.0835 AZN
20:42NiCaT_NiLuFeR Happiness-lady?Bacı Bebee var e o çox şirindiiiii 20:33Happiness-lady NICAT CANIM MEN BAXMISAM BUNA COX SIRINDIIIIIIIIII 20:30NiCaT_NiLuFeR Qızlar bu klipə baxın da bir zəhmət:)))) 20:29NiCaT_NiLuFeR http://www.youtube.com/watch?v=kQje2ssObL8 20:25Ruhəngiz 《YEGiŞ》Xoş gəldin canım Yegişim,necəsən? 20:23《YEGiŞ》 Onlayn cicey acib ee mawAllah.hemiwe bir arada canlarim 19:46yegish xos gorduk Aqat 19:42Agat_♥ yegish xoş gəldin :) 19:12yegish men geldim 18:29Gulnarə Mətanət, cavab yaz gözləyirəm...
21448

TV nə vəziyyətdədir?

Çox fikirləşdim,yaxşı tərəflərini kəşf etmək istədikcə özümü aldatdığımı başa düşdüm.Mən xarici kanalların bizə vurduğu ziyandan danışmayacam.Çünki ,adı üstündə-xarici kanallar.Onlar üçün maraqlı deyil biz millət olaraq həssasıq,eroziyaya meyilliyik və hərlənib-fırlanıb harda pis nə varsa, onu çəkəcəyik özümüzə tərəf.Axı kimsə bizə poqramlarını,seriallarını zorla sırımır.Özlərinə təsir göstərməsindən qorxmadıqları təbliğatın bizə pis təsir etməsinə niyə baş sındırsınlar ki?Məni maraqlandıran öz TV kanallarımız və radiolarımızdır. Mənbəyi,mənsəbi,məqsədi bəlli olmayan, yaxud da dəyişən TV kanallarımız.Söz tullamayacam,işarə vurmayacam.Konkret olaraq ad çəkəcəm,ünvan göstərəcəm. Bu da mənim tərzimdir...

Ilk öncə televiziyanın və radionun cəmiyyətimizdə tutduğu mövqeni aydınlaşdırmaq istəyirəm.Biz o qədər də irəli getməmişik.Texniki cəhətdən nəzərdə tuturam.Bizim insanlarımız hələ xəbərləri,proqramları,serialları internetdən alacaq adətini qavramayıblar.Olsa da, bu faiz azlıq təşkil edir.Dünyada TV öz təsirini və aktuallığını itirsə də, Azərbaycanda hələ bu mərhələyə adlanmayıb.Üstəlik, TV bizə deyil, biz TV-yə xidmət göstəririk.İstənilən halda o bizə yox,biz ona işləyirik.Bir mənzərəni gətirin gözünüzün qarşısına:bütün günü işləyən ailə,dərsdən gələn uşaqlar axşam sehirlənmiş kimi TV qarşısında oturub,60 saniyəlik dəqiqədə 60 dəfə kanal dəyişməklə,reklam vaxtları çay-çörək yeyib-içməklə bütün gecəsini geçirir və bu hər gün təkrar olunur, ailə isə bunun fərqinə varmır.Ən yaxşı halda ata–ana TV,övladlar isə internet qarşısında oturur.Müzakirələrdə TV-dəki (daha dəqiq desək, seriallardakı) sözlər,fikirlər iştirak edir.Mübahisələrə serialdakı mövzular səbəb olur.Bəzən də kanal üstündə münaqişələr.Bu, sıradan,bizim özümüzə məxsus bir mənzərə idi.Belə olan halda bunu düşünməyə məcburuq ki,TV-nin bizim məişət həyatımızda rolu,əhəmiyyəti böyükdür."Məişət" dedim, amma məişətdən start götürən sosioloji,psixoloji amillər də məhz buradan qaynaqlanır. Ümumiyyətlə, mənim fikrimcə,xüsusən radionun yeniyetmələrin həyatında,psıxologiyasının tənzimlənməsində,xarakterinin möhkəmlənməsində,şəxsiyyət kimi formalaşmasında rolu danılmazdır.Yeniyetmənin beyni ağ kağızdır,ora kim daha cəld tərpənib nə yazsa, o da əks olunacaq.Artıq iş qalır yazanın insafına,əqidəsinə.Əgər bir cəmiyyətin TV-dən belə aslılığı varsa, həmin kanalların rəhbərliklərinin,formatının öhdəsinə nə düşəcək?Birmənalı şəkildə deyə bilərik ki,millətinə düzgün istiqamətdə xidmət göstərmək.Həmin kanallardan həssaslıq tələb olunacaq.Bəs bizim TV kanal və radiolarımız bu tələblərə cavab verirmi?Mən radio ilə böyümüşəm desəm, yanılmaram. Daha çox da ANS ÇM ilə.Abituriyent olanda dərslərlə yanaşı, radio ilə də hazrlaşırdım alı məktəbə.Nə qədər etsələr də ayrılmırdım.Radio və radiodakılar mənim üçün evimdən biri, yaxınlarımdan, doğmalarımdan biri olmuşdu.Amma mənim bəxtim gətirdi ki,mənəviyyatı sağlam olan insanları dinlədim,onlarla böyüdüm. Sevda, Teymur,Tural (Badukubə),Tofiq (Orucov),Rahib Azəri, Doktor Ziya və barmaqla sayılacaq qədər az olan kimlər,kimlər.İndi bu dj-lərin harada olması barədə heç bir məlumatım yoxdur, amma beynimin ağ kağızına cızma-qara etmədikləri üçün onlara minnətdaram.Radio ilə mən yaxşı yola gedirdim, amma birdən hər şey dəyişdi.”Birdən” yox, əslində yavaş-yavaş.Mənmi böyüdüm,radiomu kiçildi, bilmirəm.Tək onu bilirəm ki ANS ÇM əvvəlki səviyyəsini itirdi.Peşəkar dj-lərin yerini kəkələyən aparıcılar tutdu. Surxayı,Validi, Tofiqi (Həsənsoy), daha adını bilmədiyim kimləri. Proqramlar bir-birinin ağzına tüpürmüş kimi təkrar,mövzular oxşar.Aparıcılar savadsız!Xəbərləri isə Səbinə adlı xanım və Kamran adlı oğlan aparır, amma hər dəfəsində elə bir cümlə olmur ki, orda çaşmasınlar, kəkələməsinlər.Yazını qarşılarına qoyub üzündən də oxuya bilmədiklərini fikirləşəndə adam heyrətlənməyə bilmir.Məni bir şey maraqlandırır,o boyda Bakida düz-əməlli,savadlı bir kadr yoxdurmu ki, ANS ÇM indi belələrinin ümidinə qalıb?Ya rəhəbərlik adi dinləyicinin hiss etdiklərini görüb duymur?Uzun müddət Tural Yusif bütün günü radioda atamanlıq edirdi. Dinləyicilərlə rəftarın üsulunu bilməyən dj özündən o qədər razı idi ki,rəhmətlik Ovodun sözü yadıma düşürdü: ”Hazırcavab görünmək istəyənlər sadəcə zəhlətökən olurlar”. Bu aforizm tam mənası ilə Tural Yusifə aiddir.

ANS TV - bu kanal haqqında söz demək,irad tutmaq asan deyil.ANS-in yaradıcıları səngərdə döyüşdüyü vaxt,mən A-la B-ni ayıra bilmirdim.Uzun müddət oz səviyyəsini, ağıryanalığını, millətpərəstliyini saxlayan ANS son illər unudub ya özünü, ya keçmişini. Digər kanallara gəlincə...

Öncə xəbərlər proqramından başlayaq. Bizim kanallar xəbərlərə ya heç önəm vermir, ya da az verir.Hər halda, versəydi, indi belə acınacaqlı vəziyyət yaranmazdı.Xəbərləri aparıcılıq cəhətdən o qədər yanlış seçimdədir ki,çatdırdıqları xəbərin təsiri də itir.Biz bilirik ki, xəbərləri aparan aparıcılar xüsusilə seçilməlidirlər.Təkcə dili səlis bilməli deyil,eyni zamanda,təsir yarada biləcək xarici görünüş,ötkəm səs,ciddi sima və tamaşaçını inandıra biləcək bir aparıcı!Bu gun kanallarımızda xəbərləri aparan aparıcılar tam mənası ilə təlxəklik etmək, yersiz (sözün əsl mənasında yersiz!) əl-qol hərəkətləri,mimika və jestləri ilə sanki bir-birləri ilə bəhsə giriblər.Çox uzağa getməyək: heç nəylərini bəyənmədiyim türk kanallarında xəbərlər proqramı üçün seçilən aparıcılara diqqət yetirin.Yaşlı,illərlə təcrübəsi olan,tamaşaçını dediyi xəbərin təsirinə sala bilən,inandıran əsl aparıcılar var. Bəs biz buna nümunə olaraq kimi göstərə bilərik?ANS-ə nəzər salarkən proqramlardan daha çox aparıcı cəhətdən kasadlıq çəkdikləri hiss olunur.

Ilk öncə onların tolerantlıq cəhdlərini başa düşmürəm. Məcburdurlarmı Yelena Sidorenkonu,Xose Bernardonu ,Rita Ömərovanı göz qabağına çıxarmağa?Əgər kiməsə çörək vermək,illah da yardım etmək istəyirlərsə, kadrarxası işlərlə məşğul edə bilməzlər?Yelena Sidorenkonun indiki fəaliyyətindən əmin deyiləm (baxmayaraq ki,uzun müddət çox gülünc formada xəbərləri aparırdı). Amma hava,idman haqqında məlumata o qara oğlanın aparıcılıq etməsinə heç bir məntiqlə haqq qazandıra bilmirəm.Axı TV oyuncaq deyil!Hələ ANS ümumiyyətlə deyil! Kiminsə başını sığallamaq,yetimçiliyini unutdurmaq üçün onu aparıcı etmək olmaz!Əgər əyləncə yaratmaq,orijinallığa imza atmaq istəyirlərsə, bunun üçün də uğurlu seçim etməyiblər.Yanlış anlaşılmasın,mən başqa millətdən olan adamın bizim kanallarda çörək qazanmasına,işləməsinə qarşı deyiləm,Amma iki şərtlə: ya bu insanlar bizim ana dili,verilişi apardıqları dili,onun aksentini mükəmməl bilməlidirlər,ya da verilişin formatı ciddi olmamalıdır.Ən azından xəbərlər,hava haqqında olmamalıdır.Xose Bernardonun regionlarımızı sayarkən Lənkəran,Astara ,Lerik, YARMADA deməsinə nə ad vermək olar?!(Yardımlı əvəzinə Yarmada). Niyə belə olur?Çünki Xosenin Azərbaycan dilindən xəbəri yoxdur.Danışığı bilmək şərt deyil axı.Oxumağı bacarmaq,düzgün tələffüz etmək lazımdır.Niyə kanal dilimizə qarşı belə məsuliyyətsizliklə yanaşır?Dilimizə hörmətsizlik edən bir aparıcının (bilərəkdən ya bilməyərəkdən-orası mənə maraqlı deyil,əsas ortaya çıxan nəticədir) efirdə nə işi var?!Xosenin aksenti Latın Amerika aksentinə bərabərdir,fiziki cəhətdən də bizim dilimizə uyğun deyil,çünki hər qitənin,yarımkürənin insanları həmin yerin dilində danışmaq qaydası ilə formalaşıblar fiziki cəhətdən. Ağzında dilini fırlada bilməyən birinin Azərbaycan dilindəki sözlərə axıcılıq, ahəngdarlıq, səlistlik verməsini gözləmək sadəlövhlük olardı.Beynində sözləri tutmaq guşəsi o qədər sürətli olmalıdır ki,Xosenin tələffüz etdiyi sözləri başa düşə biləsən.Yaşlı nəsilin o məlumatları qavraması üçün nə qədər əziyyət çəkdiyini təsəvvür etmək çətin deyil.Hələ nəzərə alsaq ki,Xose hər dəfə standart cümlələri işlədir ,hamımızın əzbər bildiyi şəhərlərin adını çəkir,bununla belə,danışığındakı eybəcərliyi ört-bastır edə bilmir.SPACE kanalında “Canlı pul” adlı verilişdə türk oğlan (İlhan) aparıcılıq edir.Amma o verilişin formatı əyləncədir.Yeri gəlsə, hamı ona baxmaq məcburiyyətində deyil və bəlkə də müəllif proqramıdır,hər halda, bir kanalın şah damarı sayılan,reytinqinə ciddi mənada təsir edən xəbərlər proqramı deyil ki.Bir şeyi də xatırladım,həmin bu İlhanı da Azərbaycan telekanallarının başına elə ANS bəla edib...

Xəbərlərdən danışarkən öz aparıcılarımızdan son aylarda ulduzu parıldayan Qənirə Ataşovanın adını çəkməmək olmaz.Xəbərlərə elə başlayır ki,sanki bu dəqiqə ekrandan çıxıb tamaşıçıları döyəcək!Yəqin kimsə onu inandırıb ki,”Salam”əvəzində “Salamməleyküm!!!” desə təsir qüvvəsi artacaq...Afət Telmanqızına gəlincə, səsindəki normal ölçüdə ötkəmliklə ANS-də üzünə su çəkməli yeganə aparıcıdır.Digərləri ilə müqayisədə sözləri daha düzgün tələffüz edir və tamaşaçını inandıra bilir.Son günlər isə ANS “xəbərçisinə” hər proqram boyu öz “gözəl” adını ən azı 5-6 dəfə bizə xatırladan Nigar Mahmudovanın təqdimatında baxırıq.Xanım xəbərləri çatdıranda nədənsə yersiz halda elə hey gülümsəyir, az qala ölüm xəbərini də hırıldamaqla çatdırır.Xəbərlər əsl uşaq oyuncağı təsiri bağışlayır onun təqdimatında.Gündüz buraxılışlarında olsa dərd yarıdır, bu həvəskar “civcivi” axşam efirinə çıxardanların ağlı və gözü hardadır görəsən?!Eyni sözləri ATV-dəki “Son xəbər”in aparıcısı Mehriban xanım haqqında da demək olar.Ekrana yaraşan xanımın kaş ki gözəl siması kimi səs tonu da bir az gözəl olardı.Əslində gözəldir də (o xanımın ilk vaxtlardakı fəaliyyətini xatırlayıb bu qənatə gəlirəm). Amma son zamanlar Azərbaycan kanallarındakı xəbərlər aparıcılarını tutmuş azar - səsə süni ton vermək,boğazda danışmaq və çox göz-qaş atıb,baş yelləmək azarı bu xanımdan da yan keçməyib.Nəticədə xənbərlər boyu sinir oyadan səsi ilə zəhlətökənlik edən bir aparıcı çıxıb ortaya.Hər cümlə başlayanda səs tonu ən azından qışqırmaq səviyyəsində olan Mehriban xanım cümlə bitənə qədər səsini qaydaya salır.Yeni kadr,yeni xəbər və yenidən səs tonu süni və cingiltili. ”Xəzər xəbər”in aparıcıları isə əsl utanc mənbəyidir.Azərbaycan dilini,doğma dilimizi korlamaları bəs deyilmiş kimi, utanmadan dilimizin ahənginə,məntiqi vurğusuna da zərbə vururlar.Əsl türk stilində reportajlar hazırlayıb,türk aksenti ilə məlumatı səsləndirib,eyni cümlələri azı 4-5 dəfə təkrar edirlər.Bir söz bir dəfə aparıcının dilində (hələ xəbərlərin özətini nəzərə almıram), 3-4 dəfə də müxbirin dilində səslənir və reportaj boyu eyni məzmunda xəbəri müxtəlif formalı kəlmələrlə tamaşaçıya catdırırlar.Bir sözlə, tamaşacını sözün əsl mənasında yola verib, hərləyib-firlayıb eyni cümləni təkrar edirlər.Özü də hansı aksentlə! Dilimizə çox təsirlər olub bu günə qədər,çox hücümlar,çox zərbələr vurulub, amma hələ belə pisliyi edən olmamışdı.Həm də özümüzünkülər tərəfindən.Sözün əsl mənasında satqınlıqdır bu.Dilimizin ahəngini dəyişməklə,sözləri tamamilə başqa vurğu altında deməklə qulaqlarımızı buna öyrəşdirməyə çalışırlar ki, bunu da Azərbaycan xalqı,dili və tarixi onlara bağışlamayacaq.Elə bilməsinlər ki fərqinə varmırıq... Xəbər aparıcısı Anar Nəcəflinin yersiz və lazımsız əl- qol hərəkətləri o qədər əndazəsini aşır ki,o yan-bu yana əyilməkdən monitordakı cümləsini itirir və ortaya kor kimi,qaldığı cümləni axtaran,səriştəsiz aparıcı çıxır.Oxumağı və tələffüzü qətiyyən bacarmayan aparıcı əlindəki qələmi az qala ekranın o tayından bu tayına-tamaşaçıların gözünə soxmaq istəyir.Özünü türk aparıcılarana oxşatmaq istəyən aparıcı onların fiziki hərəkətlərini təqlid etməkdənsə, qüsursuz nitqlərindən dərs alsın!Ümumiyyətlə, kanal bütövlüktə Türkiyənin ATV kanalının eybəcər təqlidçisidir.

Dövlət TV-nın xəbərlərinin məzmunu nə qədər ürəkaçan olmasa da, forması bir o qədər təskinlik verir.”Lider”,”Space”,”İTV”- nin xəbərlərində bəzi qüsurlar olsa da, hər halda gözəçarpacaq qədər də deyil.

Bu gün kanallarımızda kollektiv yox, fərdi fəaliyyət daha çox inkişaf edib.Hər kanal bir-iki aparıcı simasında aktivlik göstərir.ATV-də vaxtilə İlkin Həsəninin tutduğu yeri indi Zaur Baxşəliyev alıb.Həm İlkin Həsəninin vaxtında vəziyyət o qədər də acınacaqlı deyildi.Zaur Baxşəliyev sözün əsl mənasındsa özünü itirib.Bir-birindən mənasız,yalnız maddi marağa xidmət edən layihələrə qol qoyaraq özü kimi TV manyakı olan bir-iki adamı da kukla edib gündə neçə saat TV-də vaxt alır. Danışarkən əzilib-büzülən özü kimi ikinci bir kişi aparıcısı da yoxdur Azərbaycan TV məkanında. Evlənmək proqramında bir-iki qüsurlu insanı evləndirməsi nə qədər tədqirəlayiqdirsə, bu fəaliyyətini çox az etməsi,evlilik məqsədilə efirə çıxardığı insanlardan verilişinin reytinqi naminə ucuz söhbətlərdə,intiriqalarda istifadə etməsi bir o qədər pislənəcək hərəkətdir.Evlilik üçün açdığı proqramda evləndirməkdən başqa hər şeylə məşğuldur! Özünə vurğun bu aparıcı bir az ətrafa baxıb,əsl uğur sahiblərindən örnək götürsün,efiri falçı,cadükün yuvasına çevirməsin.Nanə Ağamalıyevanın öz inkişafı üçün üzərində apardığı yeniliklər diqqətəlayiqdir.Amma bu dəyişiklik təkcə saçın rəngini dəyişmək,burnu plastik əməliyyat etdirməklə kifayələnməsin kaş ki. Bir az da danışarkən səs tonuna,tələffüz qaydalarına diqqət yetirsə, daha yaxşı olar.Hər halda, efir ona döğma evi kimi görünsə də ,verilişinə tanış-bilişini çağırsa da, efir efirdir və orada milyonlarla tamaşaçının önündə qonşularıyla söhbət edirmiş kimi davranması heç də xoşagələn deyil.Ümumiyyətlə, aparıcılarımızın ən böyük qüsuru səs tonlarını düzgün müəyyənləşdirməmələridir. Ya çox yüksək,demək olar ki qışqıraraq,ya da yuxulu-yuxulu danışmalarıdır.”Xəzər” TV-də “Səyyah”, "Ay ev yiyəsi” kimi proqramlarda isə aparıcılar kəndlilərin yanında özlərinin üstünlüklərindən ləzzət alır və bunu məmnun surətdə büruzə verirlər.Qaynar və sürətli paytaxt mediasının içində özlərini göstərə bilməyən aparıcılar rahatlığı sosial cəhətdən geri qalmış kənd və qəsəbələrdə tapırlar.Sözdə güya özlərini səmimi jestlər edirmiş kimi göstərən hər iki aparıcı ortaya şit bir proqram çıxardırlar. Kəndlilərin süfrəsindən çörəyi nümayişkaranə surətdə kəsib,toy-nişanlarında lütf edib qollarını qaldırmaqla bunu onlara şərəf verirmiş kimi görür və göstərir.Güya ki, millətə çox lazım imiş "Səyyah"ın aparıcısı hansı toyda uşaqla necə sındırıb! İTV-də Saleh Bağırov,Leyla və Hüsniyyə kimi aparıcıların fəaliyyəti isə tədqirəlayiqdir.Müasirliklə milliliyi, xəlqiliyi vəhdətdə tutmağı bacaran bu aparıcıların iş qüsurları da nəzərəçarpacaq dərəcədə deyil.

Səhər proqramlarında Zənurə xanım sürətini bir az artırsa və suflyoru oxuduğunu bir qədər az büruzə versə, yaxşı olar.Az qala kopya çəkən şagirdlərə oxşayır üzünün ifadəsi ilə xəbərləri oxuyanda. Natəvan xanım isə hər kəlməbaşı kəkələməklə tamaşaçının bütün əsəblərini oynatdığına şübhə yoxdur... Rövşanə Səlimovaya gəlincə - xanım “Bektaşi” olduqdan sonra sanki ona qəribə hallar olub.İlk öncə deyim ki, bu xanımı mən ilk yaradıcılıq vaxtlarından - dövlət kanalında müxbir,aparıcı,”Space”də aparıcı olduğu vaxtlardan izləyirəm.Amma heç bir vaxt “ANS” də olduğu qədər əndazəsini aşmamışdı.Nə səsi,nə kobudluğu, nə üzündəki kosmetikası, nə qeyri-peşəkarlığı ilə hələ heç vaxt bu qədər qüsura yol verməmişdi.Bu xanım danışarkən sözün əsl mənasında ona belə bir sual vermək gəlir içimdən: "NİYƏ QIŞQIRIRSAN???" Yuxarıda adı çəkilən dj Tural Yusifin dinləyici ilə danışarkən sanki tində dostlarıyla, ya da əsgər yoldaşlarıyla danışması kimi Rövşanə xanım da tamaşaçı ilə ünsiyyəti yarmarkalarda göyərti satan qadınların bir–biri ilə davasına bənzəyir.Üz-gözünü saldığı vəziyyətdən isə danışmağa dəyməz. Bilmək olmur efirə çıxıb, ya podiuma...Eyni sözləri “ATV”-də hava haqqında məlumatı çatdıran aparıcı üçün də demək olar.Xanım efirə çıxanda məşhur ifadədə deyildiyi kimi “əynində elə əyni olur!” (bu yerdə “Lider” TV-dəki bir xanım aparıcını xatırladım.Adını dəqiq bilmirəm, amma həmişə hansısa klinikalardan çağırdığı həkimlə sağlamlıq kimi ciddi mövzuda danışır.Geyimi isə tam mənası ilə yersizdir.Heç ziyafət və toylara o formada açıq paltarlar geyinilmir, hansı ki o xanım verilişdə geyinir. Haqqında dəqiq bilmədiyimə görə, budəfəlik üstündən yüngül keçirəm, amma onlara da zaman gələcək...) ”Space” kanalında bütün formatda verilişlərə peyda olan Günel xanımın aparıcılıq qabiliyyətinə,danışıq formasına isə bir kəlmə ilə münasibət bildirmək olur-iyrənc!

Aytən Səfərova - düzünü deyim, bu xanım mənim üçün bir az qaranlıqdır.Səhv etmirəmsə, əvvəllər cox ciddi ampluadada xəbərlər aparır,ciddi geyinir və özünü düz-əməlli aparırdı. Bir ara soyadını dəyişib Feyzullayeva etdi,sonra yenidən əvvəlki soyadına qayıtdı,  amma bu dəfəki forması tam mənası ilə fərqlidir.”Kök altı” verilişinin ilk növbədə formatı, mənası, məntiqi lazımsız və mənasızdır.Aparıcının özünü aparma qaydası isə heç bir etik və efir qaydalarına sığmır.Hətta ona irad tutanlara da cahillliklə belə bir cavab verir: ”Mən kimin ekranını partladıram ki?”... Məsuliyyətsiz,qaydasız və mədəniyyətsiz bir verilişə sadaladığım “sız-süz”ləri özündə cəmləşdirən birinin aparıcılıq etməsi proqramı əməlli-başlı əndazədən çıxardır.Yersiz danışıq,pis nümunə,lazımsız qonaqlar və söhbətlər.Ümumiyyətlə, bu verilişin hansı mənəviyyata və mənəviyyatsızlığa xidmət etməsi qaranlıq qalır mənə.”Bu gün tamaşaçı əyləncəli verilişlər istəyir” fikrini özlərinə bayraq edən bu aparıcılar əslində əllərindən düz-əməlli bir şeyin gəlmədiyini,bacarıqlarının səviyyəli proqramlara çatmadığını ört-basdır edirlər.Ara zövqləri nəzərə alaraq,elit mövzuları kənarlaşdırmaqla əslində geniş və səviyyəli tamaşaçı kütləsinin  hüquqlarını pozduqlarını nəzərə almırlar görəsən?Sözdə güya ki, buna təəssüf edib,istəmədən də olsa reytin dalınca qaçdıqlarını desələr də, əslində çox həvəsli görünürlər buna. Həm “Kök altı”, həm də “Toylar kralı “ haqqında eyni sözü demək olar.Tam mənası ilə maddi marağa söykənən layihələrdən biri olan "Toylar kralı"nın məhs “ANS”də yayımlanması təəssüf doğurur.Verilişin aparıcısı haqqında heç nə demək istəmirəm, çünki öz təlxəklik tarixinə söykənərək qəlblərdə taxt quran aparıcılardandır.Mənə bir şey maraqlıdır: Azərbaycan səhnəsinə,incəsənətinə,musiqi tarıxinə o layihədən çıxan simalar (simasızlar) lazımdırmı?Onların hansısa yox olsa, Azərbaycan toylarında (hələ musiqisində demirəm) boşluq yaranacaq??!Onların biz tamaşıçılara,dinləyicilərə və ən nəhayət, adi vətəndaşlara nə xidməti və nə xeyri var?Onlar nəyə xidmət edir öz şəxsi mənafeyindən başqa? Belə olan halda, həftədə neçə saatı TV-ni “zanit” etməyə nə ixtiyarları var? Məncə, “ANS”in ən böyük gəliri məhz bu layihədəndir, elə buna görə də artıq neçə ildir belə səviyyəsizliyə göz yumurlar. Bir tərəfdən toylarımızın düşdüyü acınacaqlı vəziyyətin dərdini çəkdiyimiz,çıxış yolu tapmaq üçün müzakirələr aparılan bir zamanda belə düşüncəsiz verilişlərin heç yeri yoxdur və mənfi təsir etmək,hər şeyi bir azda korlamqdan başqa heç nəyə yaramır.

TV və TV-dəki proqramlar,aparıcılar barəsində çox söz demək olar.Deyərik də.Amma bir şeyə təəssüflənirəm: çox heyf ki, onların bu yazıdan xəbəri yoxdur...

Səslərin sayı: 28
213
5505
Digər yazılar
Şərhlər
Offline
Məhluqə
Nə yazmısan, düz yazmısan... Əvvəllər baxdığım bi kanal var idisə, o da ANS idi, indi elə zəhləm gedir ki... Hərdən İctimai televiziyanın bir-iki verilişinə baxıram..
27 sentyabr 2011 08:33
Offline
Elnarə
Dogrusu men hec azeri kanallarina baxmiram.Xeberleri de turk kanallarindan izleyirem.Ozumuze aid xeberleri de ordan esidirem.Nedense olarin xeber proqrami mene cox maraqli gelir.
27 sentyabr 2011 07:01
imza: Hər insan səhv edər. Əsas odur ki, səhvini anlayıb təkrar səhvə yol verməyəsən.
Offline
Niko_F
Gorursuz?Aztvden bawqa her bir kanal tenqid olundu demeli men duz movqe secmiwem yazi eeeladi ellerinize sagliq...hemfikirem sizinle..en nifret etdiyim ise Aytendi gombul Ayten..ewitdiyime gore Bineli Ilham aktyorumuz,onu yaxwica bagliyib ecceb eliyib!
27 sentyabr 2011 02:40
Offline
Shabnam
tekce 1 soz deyecem hamsi sifirdir hamsi maraqsiz inan esebiyle oynayan duzu sonacan oxuya bilmediim evvelerinden oxudum fikirlerivizle raziyam cehaletdir hamis cehalet
27 sentyabr 2011 02:33
Offline
Niko_F
QIZLAR MENI QINAMIYIN AMMA MENIM EN BEYENDIYIM KANAL AZTV-DIR.BIRAZ WEXSIYYETEPERESTIW ARTIQLIQ EDIR O DA ZIYAN ETMEZ.ESAS VERILIWLERIN FAYDASI VE APARICILARIN QUSURSUZLUGUDUR!HEM MENE KENDIMIZI MILLILIYIMIZI XATIRLADAN YEGANE KANALDIR!XEZERIN ISE YALNIZ XEBERLERINI SEVIREM...RENGARENGDIR MARAQLIDIR,SUJET XETTI ELADIR!XEBER UCUN MINNETDARAM!
27 sentyabr 2011 02:25
Offline
sahilka
mende sizinle raziyam...biz "ozumuz olmagi " niye bacarmiriq niye ozumuzu başqalarina benzetmeye calişiriq? artiq tv ye sunilik desek daha duzgun olar
27 sentyabr 2011 02:11
Offline
Buket
Sitat: SAMIŞKA
GUNEL MUSEVIDIR,MEN USAQ OLANDA O VERILIS APARIRDI O VAXTLAR,100 %I FILAN,HARA YOXA CIXDI O?

O, Amerikada yaşayir, ona gore TV mekanindan uzaqlaşib.
Meni en cox "qiciq" eden aparici Cal-Cagir Dilaredir. Qetiyyen nitq qabiliyyeti yoxdur.
27 sentyabr 2011 01:56
imza: Sonralar olmur :)

Offline
LEYLA
COX GOZEL IDI ESASDA ZAUR HAQDA YAZILANLAR OZUNU TURKLERE OXSADIB ONLAR KIMI VERLIS APARMAQ ISTEYIR AMA ONDA BU COX PIS ALINIR.TURKLERDE OLAN VERLISLERI KOPYALAMQLA MESGULDU
27 sentyabr 2011 00:48
Offline
Iceberg
Sitat: şirin-bala
bes ne etmek lazimdir ki,bu veziyettden cixaq,ozumuz olaq

bax əsas məsələ budur.tənqidlə iş bitmir.hamı tənqıd edə bilər.amma çıxış yolu tapmaq lazımdır.şəxsən mən senzura tərəfdarıyam
27 sentyabr 2011 00:46
imza: Səni sevirəm; 1 cümlə, 2 kəlimə, 2 insan və 1 axmaq...

- Cemal Safi
Offline
bes ne etmek lazimdir ki,bu veziyettden cixaq,ozumuz olaq, what ,yoxsa ozumuz ele buyuq ozumuzde bilmeden?
27 sentyabr 2011 00:41
Offline
Iceberg
Selcan_Xatun,
eslində xoşuma gəldi. feel
27 sentyabr 2011 00:39
imza: Səni sevirəm; 1 cümlə, 2 kəlimə, 2 insan və 1 axmaq...

- Cemal Safi
Offline
Ceylan Mumoğlu
Diqqət! Bu linki görmək üçün zəhmət olmasa qeydiyyatdan keçin.
27 sentyabr 2011 00:33
Offline
Iceberg
Sitat: damla89_89
..menim ureyimden xeber verdin

bir müəllif üçün ən gözəl söz bax budur.başqalarının da ürəyini oxumaı bacarmışamsa çox sevindim.təşəkkür edirəm

Sitat: denish
yazilasi cox şey var.Iceberg,

yazarıq smile

Sitat: Selcan_Xatun
Iceberg,
Xeberin daha tez getseydi efire günün popüleritesi olacaqdın

o formal bir şeydi,olmasa da olar.bu arada,facedəki o başlıq üçün təşəkkür edirəm."tənqidçi İceberg" wink
27 sentyabr 2011 00:19
imza: Səni sevirəm; 1 cümlə, 2 kəlimə, 2 insan və 1 axmaq...

- Cemal Safi
Offline
Ceylan Mumoğlu
Diqqət! Bu linki görmək üçün zəhmət olmasa qeydiyyatdan keçin.
27 sentyabr 2011 00:14
Offline
Denka
deyirem yazigim gelir ee atv kanalina baxanda.esas da onun yarisi verlişi var ee.ne gundedi ee o program.baxilasi deyil.camaat nece gedib oturur orda başa duşe bilmirem.hele liderdeki o qizil pille verlisinin aparicisi.iyrenirem ee o qizdan.butun kaanallar da yemek bisirmekle mesguldu.hansini acirsan yemek bisirirler.yazilasi cox şey var.Iceberg,
he eledir.space lap pis gundedi.hele oldugu kimini demirem.ne bilim allah yardimcilari olsun
27 sentyabr 2011 00:10
Offline
zulya
ay senin yazdigin ellerin var olsun..menim ureyimden xeber verdin..Biz balaca olnda anam deyirdiki televizora az baxin.bizimde aglimiz usaq aglidi da,sorusanda niye ele dediyini..: Televiziya proqramlainda bir birinin ardinca kesilmeyen verlisleri verirler ki muselman milletine dinini ,imanini yaddan cixarsin....
dogurdan niye qorxunc kinolari bizde gec verirler ...ona goreki daima baxilan qorxunc kinolar adamda qorxu hissi yaradir...Men wexsen qorxulu kinoya baxanda bu otaqdan o biri otaga tek kecmirem.....birde bizi dusunmeye ,,torpaqlarimizi nece almagi fikirlesmeye imkan yaratmirlar.daima basimizi bos-bos verlisler,xarici filimler,eylence proqramlari ve s.qatirlar.
TELEVIZOR SEYTAN EMELIDIR.........
27 sentyabr 2011 00:08
Offline
Iceberg
Ulviyye.B,
səbirsizliklə gözləyirəm smile
27 sentyabr 2011 00:06
imza: Səni sevirəm; 1 cümlə, 2 kəlimə, 2 insan və 1 axmaq...

- Cemal Safi
Offline
B.Ulviyye
Iceberg,
Sitat: Iceberg
TV nə vəziyyətdədir?

Sən tək Ans kanalından danışmısan ki,winked ,heyf ki,yuxum gəlir,razılaşmadığım çox məqamlar var , sabah səhər yazacam.Bir onu yazım ki,ən bərbadların adını qoyub , varda- yoxda tv.məkanında 4 aparıcı varsa onun biri Günel , ikincisi Aytəndir ki, durub onları pisləmisən.
səhər gələcəm
27 sentyabr 2011 00:03
Offline
Iceberg
Sitat: SAMIŞKA
GUNUN POPULYARI OLACAQSINIZE))

məqsədim o deyil smile
Sitat: SAMIŞKA
BU XEBERIN 2CI HISSESINI DE YAZIN)))

gərək çoxluuuu-çoxluuu müşahidə aparım.dəqiq məlumatım olsun sonra yazım smile
27 sentyabr 2011 00:01
imza: Səni sevirəm; 1 cümlə, 2 kəlimə, 2 insan və 1 axmaq...

- Cemal Safi
Offline
Iceberg
Nazuletta,
Sitat: Nazuletta
y canın yanmasın, ürəyim elə təndir çörək istədi kiiiiiii........

)))o tərəflərdə yoxdur?

Sitat: yekta
Iceberg,
əslində Manananı onagore yazdım ki, o da başqa millətin nümayəndəsidi. aparıcılardan Zeman yaddan çıxıb Liderdəki? ondan bir acığım gəlir. cümlənin yarsi rusca, yarsi azərbaycanca. elə aparıcı olar? onu da tənqit atəşinə tutardın da bolluca :)

yazı çox uzun alınırdı deyə yarıda kəsdim .yazsaydım gedəcəkdi hələ smile
26 sentyabr 2011 23:55
imza: Səni sevirəm; 1 cümlə, 2 kəlimə, 2 insan və 1 axmaq...

- Cemal Safi
Məlumat "Qonaq" kimi daxil olan ziyarətçilər saytda şərhlərin bildirə bilməzlər.Zəhmət olmasa qeydiyyatdan keçin və ya öz hesabınızla sayta daxil olun!
Yazarlar
Qadin.TV
Son yazılar
Maraqlıdır!
Son şərhlər
Ən çox oxunulanlar
Saytda bu dərslərdən hansının keçilməsini istərdiniz?
Tarix
Fəlsəfə
Psixologiya