Onu sevirsiniz. Amma unutmayın ki, ortağınız olacaq - qaynananız. Həyat yoldaşınızın həyatındakı ən önəmli qadın bəlkə də sizsiniz, amma sizin qədər dəyər verdiyi başqa bir qadın da var - anası. Əgər evliliyin ilk günlərindən diqqətli olsanız və qaynananızla yaxşı münasibət qura bilsəniz, ailə həyatınız problemsiz keçəcək. Bu xəbərdə sizlərə geniş yayılmış qaynana tiplərini təqdim edirəm. Tipini öyrənmək onunla nə cür davranmaq lazım gəlidiyini müəyyən etməyinizə yardımçı olacaq.
Oğlunu həddən çox sevən qaynana: Gəlini ilə oğlunun xoşbəxt olmasını istəyər, ancaq oğlundan ayrı qala bilməz. Əgər oğlu ayrı yaşayırsa, tez-tez qonaq gələr, gecə qonaq qalar, zamanının çoxunu oğlugildə keçirər. Özü onları tez-tez qonaq çağırar, bir sözlə, tez-tez görüşmək istəyər. Oğlunu az-az görməyi onu itirmək kimi qəbul edər, bişirdiyi yemək boğazından keçməz.
Belə qaynanalar gəlinləri qıcıqlandırır, gedib-gəlmək məsələsində həyat yoldaşları ilə mübahisə edirlər. Çox zaman nə özləri gedər, nə də onun getməsini istəyərlər. Uzaq olmağa, az görüşməyə çalışırlar. Bu zaman ana “Oğlum əlimdən gedir” qorxusu ilə oğlunun üzərinə daha çox düşür, bu da münasibətləri daha da kəskinləşdirir. Vaxt ötdükcə analar oğullarının ayrı bir evi olduğuna alışır. Buna görə də gəlinlər ağıllı davranmalı, inad etməməlidirlər.
Bir yerdə yaşayanlar üçün isə bu tip qaynanalar daha çox problem yaradır. Hətta gəlininin yataq otağlna girib oğlunun üstünü örtən qaynanalar da vardır. Gəlinin gecə çimib-çimmədiyinə də fikir verənlər mövcuddur. Belə vəziyyətlərə əsəbləşib özünə və yoldaşına zərər verməkdənsə, gülərək fikir verməmək lazımdır.
Qısqanc qaynana: “Oğlumu itirirəm” qorxusu ilə yaşayır. Oğlunun ondan başqa bir qadını sevməsinə dözə bilməz. Oğlunun gəlinə yaxşı baxıb anasını sevməkdən vaz keçəcəyindən qorxar. Buna görə də oğlunun gəlini ilə yaxşı davranmasından, söhbət etməsindən narahat olur. Amma onların ayrılmasını da istəmir.
Qaynanasının onu qısqandığını hiss edən gəlinlərin çoxu ona inad olsun deyə daha çox xoşbəxtlik havasına girir. Yoldaşının aldığı hər şeyi qaynanasının “gözünə soxar”. Belə davranış sizə zərərdən başqa bir şey verməz. İnsanların həsəd və qısqanclıq duyğularını körükləmək sizə ancaq ziyan vura bilər. Qısqanc qaynana çox təhlükəlidir, yoldaşınızla aranızı vurmaq üçün arxanızca danışa, ona təsir edə bilər. Buna görə də ağılla davranmalı, onu qısqandırmamalısınız.
Gəlinini qəbul etməyən qaynana: Oğlu onun seçdiyi qızla evlənməyən qaynanalardır. Oğlu onun bəyənib-seçdiyi qızla deyil, başqa bir qızla evlənər. Qaynana yeni gəlini heç vəchlə bəyənməz, qızda, ailəsində qüsurlar tapar. Nişan-toy zamanı problem yaradar, davamlı deyinər, gəlinin etdiklərini bəyənməz.
Belə qaynana ilə inadlaşmaq, ona zidd çıxmaq sizə heç bir şey qazandırmaz. Əksinə, siz inad etdikcə oğluna” Gördünmü, mənim dediyim qızı almadın, arvadın bizi sevmir” deyə arxanızca danışar. Qaynananızın zəif nöqtəsini tapın, ona yaxınlaşmağa cəhd edin. Ona hədiyyə almaqla könlünü fəth etməyə çalışın. Qonaq gəldikdə onun üçün dadlı yeməklər bişirin, evni təmizləmkdə kömək edin. Bu, sizi qəbul etməsini asanlaşdıracaq.
Gəlinindən diqqət gözləyən qaynana: Belə qaynana oğlu ilə gəlinin işlərinə müdaxilə etməz, onları evləndirməklə öz işlərini bitmiş hesab edər. “Mən gəlinin işinə qarışmıram, ağıllı qaynanayam” desələr də, bu, yalandır. Gəlini ilə oğlunun gəlib-getməsinə can atar, gəlməsələr “Niyə gəlmirsiniz” deməyi özünə sığışdırmaz. Yaxşı qaynana olacam deyə özünü həddən çox qısar. “Siz evinizdə xoşbəxt olun, mənə yetər” deməyinə baxmayın, həmişə sizin yolunuzu gözləyər. Onunla əlaqəni kəsməyin.
El-oba üçün yaşayan qaynana: Onun üçün ən əsas şey “El-oba nə deyər” deyə ətrafa yaxşı görünməkdir. Gəzməyi sevər, çox gəzdiyi üçün qonaqları da çox olar. Hər yerə gəlini ilə getmək istəyər. Qonaq gəldikdə “Gəlin qulluq etsin, el-oba söz etməsin” qayğısı çəkər. Gəlinlər qaynana ilə çox gəzməyi sevməzlər. Könlünü qırmamaq üçün fürsət tapdıqca onunla gəzməyə gedin, gedə bilmədiyiniz vaxt səbəblərini şirin dillə anladın. Üzünü sallasa, fikir verməyin, əsəbi tezliklə keçib gedər.
Küsəyən qaynana: Küsəyəndir, hər söz xətrinə dəyər. Özünə qarşı diqqət tələb edər. Adi xəstəliyi şişirdər, diqqət görmək üçün yataqlara düşər. Uşaq kimidir. Diqqət görəndə xoşbəxt olur.
Tərif gözləyən qaynana: Onun ən çox istədiyi “Nə qədər yaxşı qaynana” olduğunu gəlindən eşitməkdir. Beləsi adətən öz ailəsindən tərif eşitmədiyi üçün bunu gəlinindən gözləyir. Yaxşı qaynanadır, amma təbii ki, səhvsiz deyil. Əgər kiçik səhvlərinə göz yumsanız, yaxşı cəhətlərini təqdir etsəniz, sizdən yaxşı gəlin olmaz.
Feminist qaynana: Ona görə kişilərin hamısı eynidir, hətta oğlu olsa belə. Buna görə də həmişə gəlinin haqlı bilir, gəlinə tərəf olur. Onun sözünə uyub yoldaşınıza qarşı çıxmayın. “Anan belə məni haqlı bilir” deyərək səhvlərinizə haqq qazandırmayın. Qaynananızın sözlərini ciddi qəbul etmək yoldaşınızla aranızı poza bilər.
Qorxaq qaynana: Bəzi qaynanalar gəlinlərdən qorxurlar. “Oğlan onsuz da bizimdir, amma gəlinlə aramızı pozmayaq” deyə gəlini ilə yaxşı dolanmağa çalışır. Gəlinin hörmətsizliyini görməməzliyə vurur, onu haqlı çıxarmağa çalışır. Oğlu ilə gəlini arasında problem yaşandıqda feminist qaynanalar kimi gəlinə tərəf olur, oğluna acıqlanır. Qaynananız hər dəfə sizi haqlı çıxarmağa çalışırsa, bu, sizin haqlı olduğunuz anlamına gəlmir, qadın sizdən qorxur. Davranışlarınızı bir qədər yumşaldın.
Pis davranışlı qaynana: Pisliyi təkcə gəlininə qarşı deyil. Sevilməyən tipdir, onunla dolanmaq çox çətindir. Qohumlarına, həyat yoldaşına, övladlarına da pis davranır. Yaxşı hərəkətlərə qulp qoyar. Problem yaratmaq üçün mütləq bir şey tapır. Heç bir yaxşılığınızın qiymətini bilməz, altında pislik belə axtarar. Sizin yaxşılıq etməyə məcbur olduğunuzu düşünər. Bu tiplərə əsəbləşmək, etdiklərində məntiq axtarmaq psixikanızı pozar. Buna görə də onun davranışlarına əsəbləşib həyatı özünüzə və yoldaşınıza zəhər etməyin. Allah rizası üçün yaxşılıq etmək istəyirsinizsə, bunun üçün qaynananızı seçin.
XƏBƏR LENTİ
Biskivitli rulo peçenye (foto resept)
Həkim Bəhram Bağırzadənin son vəziyyətindən danışdı
Dünyanın ən populyar smartfonu açıqlandı
Ayaqqabılar
NATO Rusiya ətrafında həlqəni daraldır
Qadin.Netlə bağlı ən xoş xatirələrimiz - 3
Yaz havası davam edəcək
Eminanın ayrılıq xəbərləri yayıldı
Facebook-da yenilik var
Tolstoydan qızıl məsləhət: “Qadınlardan uzaq dur”
"Ayasofya" 86 ildən sonra ibadətə açıldı
Hər kəs bu toydan danışır!-FOTO
Tarkan qızı üçün mahnı yazdı-FOTO
"22-ci əsrin memarlığı"-FOTO
6 aya 142 kq arıqladı!-FOTO
20 il sonra anasını tapdı-ŞOK NƏTİCƏ
Ünsiyyət problemi: hər kəsə onu sevdiyini deyə bilməzsən...
İdman salonuna getmədən necə formada qalmalı?
Uşaqlarımızı dəyişən mavi ekranlar
Problem sənsən!
Ad günündə 10 nəfər koronavirusa yoluxdu: "Böyüdəcək heç nə yoxdur"
Hazal Kaya alış-veriş mərkəzində problem yaşadı - FOTO
Xoşbəxt olmağın 8 yolu
Günün qoroskopu:Bədxərclik etməyin!
Mehriban Əliyeva məzunları təbrik edib
Bu qidaları əsla yeməyin!
Server istehsalı artır
Koronavirusdan qorunmaq üçün xüsusi dəbilqə ixtira edildi
Məktəblərdə namaz otaqları yaradılacaq
Özcan Denizin xanımı gözəlliyi ilə diqqət çəkdi-FOTO
Bakalavrların nəzərinə
Ermənilər Ağdamın işğal olunmuş ərazilərində yanğın törədiblər
Avtomatlaşdırma 800 milyon insanı işsiz qoya bilər
Rusiya maşınlarının Azərbaycana yolu bağlanır
Ayaqların donması və tərləməsi
Rusiya sülhməramlıları Laçın dəhlizində - VİDEO
Qadın beyin əməliyyatı zamanı dolma hazırladı - VİDEO
Məktəblər nə vaxt açılacaq? - Nazir deputatlarla müzakirələr aparır
Zibillikdəki Xəzinələr Muzeyi
İranlı ekstrasensdən şok proqnoz
Bu ilin trendləri nə oldu?
150 milyard dollarlıq layihə Azərbaycandan keçəcək
On yaşlı qız hər kəsi heyrətləndirdi-FOTO
Heydər Əliyev Fondunun vitse-prezidenti Leyla Əliyeva "Bakı Marafonu 2016"da iştirak edir
Hava haqqında - 04.10.2013
Toyuq ciyərindən qəlyənaltı(foto resept)
Burak Özçivit doğulacaq körpəsindən danışdı-FOTO
Hava xəbərdarlığı - Bakıda çovğun olacaq
Gökhan Tepedən xoş paylaşım-FOTO
Ağ donu nə ilə geyinməli?
- ŞƏRHLƏR