Qadın.Netin əziz istifadəçiləri, bu xəbəri hazırlamaq fikiri atamla yol gedərkən ağlıma gəldi. Atam avtomobili sürətli sürürdü. Düşündüm ki, prezident olsaydım, kişilərə avtomobil sürməyi qadağan edərdim. Beləcə, kişiləri əsəbiləşdirmiş olardım. Bu niyyətlə sizlərin də fikirlərini öyrənmək istədim, bəziləriniz işi ciddiyə alıb ciddi qərarlar yazmışdınız (onları yazmıram, ümid edirəm ki, inciməyəcəksiniz. Bu bölümü oxuyub yenidən iştirak etmək istəsəniz, sevinərəm), bəziləriniz isə mövzuya uyğun yazmışdınız. Bu da istifadəçilərimizin fikirləri. Oxuyub gülümsəmənizə səbəb olacağına ümid edirəm.
Dəniz84
Mən prezident olsaydım, ölkədə dadlı yeməklərin bişirilməsinə qadağa qoyardım. Hər kəsi pəhriz saxlamağa məcbur edərdim. Ta ki, mən pəhrizimi bitirənə qədər. Daha sonra ölkəmdə dünyaya gələn hər qız uşağına mənim adımı verilməsini əmr edərdim. Beləliklə, hər adın qabağında məcburən nömrəsindən istifadə edərdilər.
Narın
Xəbərin adı diqqətimi çox çəkdi və üzümdə təbəssüm yaratdı. Bu heç vaxt real olmasa da, xəyalını qurmaq belə əyləncəli oldu. "Əgər prezident olsaydım" sözünü oxuyanda ilk ağlıma gələn şey o oldu ki, əmr edərdim hər kəs evində pişik saxlasın, kimliyindən asılı olmayaraq. ( Bəlkə o zaman anam da mənə icazə verərdi pişik saxlamağı)
Agat
Demək belə, xəbər çox gözəl, əyləncəli bir xəbərdir. Mən prezident olsaydım, təbii ki, sadə bir prezident olardım. Təmtərağı sevmirəm. Əvvəlcə məktəblərə aid qanun qoyardım. Belə ki, dərsə gedən hər uşaq dərsə getdiyi üçün dərsdən çıxarkən pulsuz dondurma və ya şokolad əldə etmiş olardı. Təbii ki, hər şeyin öz dəyərində. Bundan sonra böyüklərlə kiçiklərin yerini dəyişərdim. Qoy, böyüklər uşaqlıq eləsin, uşaqlar isə getsin işləsin. Uşaqlar bizə yemək bişirsinlər, ev yığışdırsınlar, qeydimizə qalsınlar. Biz isə yeyək, içək, kef edək. Digər bir əmrim isə o olardı ki, Qadın.Netdən başqa bütün saytlar bağlansın.
Şəri Babayeva
Mən prezident olsaydım, ilk növbədə ölkədə hind filmlərinə baxmağı və hind rəqslərini öyrənməyi qanuni edərdim. Bununla da səni cəzalandırmış olardım. Hind rəqslərini öyrənməyə məcbur edərdim, heç gözün götürmür də ona görə cəzalandırardım səni. Fürsət düşüb əlimə niyə istifadə eləməyim. Sonra səni filmə çəkdirərdim, orada da oxuyardın, oynayardın, bu da ikinci cəzan. Yaxşısı budur, mən prezident olmayım, yoxsa sənin işin çətin olacaq.
Gülşən29
Mən prezident olsam, əvvəlcə "Uraa" deyib qışqıraram. Daha sonra göstəriş verərəm ki, bütün iş yerlərində iş saatları səhər 8-9-10-da deyil, saat 1-də başlasın. Şənbə və bazar iş günləri, qalan beş gün istirahət günü kimi qeyd edilsin. Bütün mağaza və əczaxanalarda pamperslər pulsuz verilsin. Bütün ölkədə pəhriz saxlamağı qadağan edərdim. Hər kəs dadlı yeməklər yesinlər və hamı toppuş olsun.
AYSUN MEMMEDOVA
Mən prezident olsaydım, bu uşaq arabası və pampersi keşf edənlərə Nobel, Oskar, Kaan, Xalq artisti, Əməkdar artist, bir sözlə, nə mükafat varsa, ancaq onlara verərdim. Biz anaları düşünüblər, mən də onları qiymətləndirirəm bütün analar adından. Mən prezident olsaydım, uşaq kanallarına son qoydurardım, çünki televizora həsrət qalmışıq. Qadın.Net userlərinə çox gözəl hədiyyə verərdim. Ta sözü atdım da ortaya, seçim sizə qalıb.
Aytac
Əgər mən prezident olsaydım, həmişə istirahət, əyləncə mərkəzləri və mağazalardakı malların pulsuz olmasına göstəriş verərdim. Həm də özümə köməkçi götürərdim. Mən istirahət edəndə o işləsin deyə.
Selvi
Maraqlı mövzudur. Öncə onu deyim ki, insanı düşündürən bir sualdır. Bu cür mövzuları sevirəm. Mənim də fikrimi nəzərə aldığınıza görə sizə təşəkkür edirəm. Çox düşündüm, sonda bu fikrimin üstündə dayandım. Mən əgər prezident olsaydım, evdə qalmış qızları ərə verərdim. Toylarında da iştrak edərdim. Təsəvvür edin bu səhnəni...
Hacət-i Vuslat
Yumor bölməsinə aid xəbərdə iştirak etmək təklifi gələndə, düzü, əvvəlcə imtina edəcəyimi düşündüm, "Siz prezident olsaydınız, nə edərdiniz?" - belə bir mövzunun yumoristik tərəfini görmək mənim üçün çətindir. Amma sonra o gülməli məqamı gördüm. Bu suala cavabımdır - " Mən prezident olmaq istəməzdim." - məncə, bu gülməli gələ bilər çoxuna. Çünki "kim istəməz ki, ölkənin ən yüksək vəzifəsində olsun" deyə bir düşüncə var. Bundan imtina edən şəxsə hər halda gülərlər. Amma vəzifə yüksəldikcə məsuliyyət də çoxalır. 2-3 uşaqdan ibarət ailənin məsuliyyətini daşımaqda bəzən çətinlik çəkirik. İndi, görün, milyonlarla vətəndaşın məsuliyyətini daşımaq necə çətindir. Məsuliyyətdən, çətinlikdən qaçmıram, yox. Amma, həqiqətən, çox çətindir, insanların haqqını qorumaq, kimin haqlı olduğunu bilmək, qul haqqına girməmək çox vaxt həddən artıq ağır olur. Allah (c.c) buyurur ki: " İbadət bəndəmlə Mənim aramdadır, bağışlaya bilərəm. Amma qul haqqı bəndələrin arasındadır, bağışlanma yoxdur." Ölkənin ən kasıb insanı və ya prezidenti olmaq seçimi verilsəydi - "birinci" olardım, 100%!
Ro - Xe -Sa
Öncə onu qərar verərdim ki, kişilər avtomobil sürməsin, bu qadağandır. Nəinki avtomobil, nəqliyyat sözü keçən hər vasitə qadağandır: at, uzunqulaq istisnadı. 8 Martda kişilərin telefon istifadə etməsinə qadağa qoyardım, istifadə edənləri də ən ağır cəza ilə cəzalandırardım. 8 Martda yoldaşına hədiyyə ilə yanaşı gül almalarını da qərara alardım, almayanları isə bir gül buketinin qiyməti qədər cərimələndirərdim. Müəllimlər günü şagirdlərin müəllimlərə dərs verməyini əmr edərdim.
Xəyalə Murad
Kim istəməz ki, prezident olsun. Əgər mən prezident olsam, göstərişimin sayı-hesabı bitməyəcək. Yalnız oxatan bürcündən olan xanımları öz əhatəmə toplayacağam. Daha sonra göstəriş verəcəyəm ki, qış fəslində bütün maşınlar dayanacaqlara qoyulsun. Şəhərdə bir ədəd nəqliyyat vasitəsi olsun, o da mənə məxsus olan. İnsanlar tamamilə ağ rəngdə xəz geyinsinlər. Yaz fəslində hər kəs yaşıl rəngdə geyinməlidir. Yayda sarı, payızda isə şabalıdı rəngdə geyimlərdə olmalıdırlar. Bir tək mən istədiyim rəngdə geyinə bilərəm. Ölkə əhalisi üçün cəmi 4 rəng yetərli və hətta artıqdır. Bütün geyimlərin dizaynı yalnız mənə aid olacaq. Heç qarışmayacağım sahə isə təhsil olacaq. Təhsildə valideynlər söz sahibi olacaq, qayda-qanunları yeni qərarları özləri verəcəklər. Digər ölkə prezidentləri ilə nəinki görüşlər və sazişlər imzalayacam, hətta yarışma belə keçirəcəyəm. Dünya üzrə prezidentlər olimpiyadası keçirilməsinin əmrini verəcəyəm. İki ildən bir olimpiyada təkrar olmalıdır. Olimpiyada da yarışlar idmanın ən çətin növləri olan 7 daş, 5 daş və ipdən atlama üzrə olacaq. Təbii ki, bu yarışda da mən qalib gəlməliyəm. Xalqı düşünən yox, düşündürən prezident olacağam. Bütün dünya prezidentlərinə örnək olsun deyə ildə bir dəfə deyil, ilboyu istirahət edəcəyəm. Ölkənin tək modelyeri, tək yazarı, tək söz sahibi özüm olacağam. Platformam isə: “Mən yalnız Mənim üçün” olacaq.
XƏBƏR LENTİ
Azərbaycanı böyük təhlükə gözləyir
"Miss Türkiyə 2016"nın qalibi bəlli oldu - FOTO
İlham Əliyev: “Naxçıvanla Azərbaycanın əsas hissəsi quru yolla birləşdiriləcək”
Pronovias 2018 Payız/Qış kolleksiyası
Kiyev kotleti (foto resept)
"Bu qadının sirri nədir?" - FOTO
Alma formalı iynə balıncı
Uşaqlığımızı xatırlayaq
Analar, ağıllı uşaq istəyirsiniz? Onda oxuyun
Buraxılış gecəsi donları (2)
2020-ci ilin ayaqqabı trendləri
Azərbaycan daha bir şəhid verdi - RƏSMİ
HAVA necə olacaq?
Uşaqlarınıza hər gün deməli olduğunuz cümlələr
Cansu Derenin tərəf müqabili o oldu
Kral ailəsinin ən məşhur üzvü oldu
Azərbaycan ailəsi: ata seçimi, yoxsa həyat yoldaşı?
Ancelina Colinin geyimi bu dəfə bəyənilmədi - FOTO
Xəmir sənəti
Yeni ildə uşaqları hara aparaq?
Həftənin ilk iş gününün havası
Səudiyyə Ərəbistanında ilk – Sürət qatarı
Ronaldo: ""Qızıl top"u Leo qazanacaq"
Hava haqqında - 26.08.2013
Koronavirus xəstəsinə cinayət işi açıldı-SƏBƏB
Məktəbli forması nə üçün lazımdır?
13 milyonluq evə 8 milyon ödədi-FOTO
"Möhtəşəm yüz il"ə fərqli baxış - II hissə
Dollar kritik həddə ucuzlaşdı - Manatın məzənnəsinə necə təsir edəcək?
Noutbukun ömrünü necə uzatmaq? - 9 məsləhət
Ən ağır "bir həftəm"
Azərbaycanda daha iki Ordu Korpusu yaradıldı
Azərbaycanlı gənclərdən İNANILMAZ KƏŞF - Boğulmaq qorxusunu unudun - VİDEO
Stilist Yevgeninin əl işləri
121 min dollarlıq sevgi məktubu
Göy qutabı və ətli qatlama (müəllif: AZS və emilya86)
Məhərrəmlik ayı avtomobillərdə reklam yazılarının yerləşdirilməsi məsələsinə aydınlıq gətirildi
Torpaq sahəsini necə özəlləşdirmək olar?
Əsəbləşən kimi yeyirsiniz? Bəs bu dəhşətlərdən xəbəriniz var?
Nəqliyyat Nazirliyi gediş haqqının qaldırılması xəbərinə aydınlıq gətirdi
Günün qoroskopu:Aqressiv olmayın!
Gəlinlər üçün boyunbağılar
Rayonlarda internetin dayandırılması ilə bağlı xəbərlərə nazirlikdən RƏSMİ AÇIQLAMA
Palma yağı haqqında bilməli olduqlarınız
Cəfərinin faydaları
Çindən ət məhsulları və heyvanların gətirilməsinə qadağa qoyuldu
Azərbaycanda ən çox yayılan endokrinoloji xəstəliklər açıqlandı
Prezident İlham Əliyev qəbul imtahanlarının ödənişi ilə bağlı SƏRƏNCAM VERDİ
Baykal gölü ikiyə ayrıldı
DÇ-2014: hansı oyun, hansı kanalda?
- ŞƏRHLƏR