Bakıda hava
USD AZN
EUR AZN
3 aprel 14:10Ayla Ayla Yaxşı ki Survivor var başımızı qatırıg
41585

Bilmərəm

 

Bilmərəm

 

Nə qədər qəmim uludur,
Gülə bilmərəm, bilmərəm!
Görmürsən qara buludu?!
Gələ bilmərəm, bilmərəm!

 

O kimdi meydan sulayır?
Gör kimi kimə calayır?
Görəsən fələk nə sayır? 
Hələ bilmərəm, bilmərəm.

Kim bilmir ki, axı kimdik?
Gör gəlib kimlərə isindik?
Para yurdu çimdik-çimdik,
Bölə bilmərəm, bilmərəm.

Dədə Qorquddu, soyu var,
Baxma hicranın boyu var.

Xalqımın birlik toyu var,

Ölə bilmərəm, bilmərəm.

Bilmərəm

  Tapşırdın

 Göyçəni tərk etdin, göyçəli qardaş,
O zərlər zərini kimə tapşırdın?!
Bəs qoca Xusdubun qəlbində təlaş,
Dərdini-sərini kimə tapşırdın?!

Elə tərk etdin öz beşiyini,
Sənət beşiyini, söz beşiyini,
Bağının, bağçanın, ev-eşiyinin
Xeyrini-şərini kimə tapşırdin?


İtin ki uladı, ürəyim yandı,
Sinəmə hiddətin közü qalandı,
Başımda tüklərim biz-biz dayandı,
Bəs o çənbərini kimə tapşırdın?

Dərs alanlar gəlib dərs almış ondan,
Alını röyada gördüm pərişan,
"Halıma qalıbmı?"-dedi bir yanan,
O ərlər ərini kimə tapşırdın?!

Məftunam, yanıram mərdi-mərdanə,
Vətən həsrəti ilə qəlbən yanana.
Bunların hamısı qalsın bir yana,

                Ələsgər qəbrini kimə tapşırdın?!                

Səslərin sayı: 2
28
2241
Şərhlər
Offline
MAYA EL
çox gözəl şeirlərdi təşəkkür edirəm çox saq olun
30 iyun 2013 17:57
imza: Özün haqqında qışqıra-qışqıra danışma, qoy başqaları sənin barəndə sakitcə danışsınlar.
Offline
AY İŞIĞI
beyendim maraqli serdi give_ros
20 iyun 2013 19:18
Offline
Nigar
cox sagol bacican gozel sere gore
20 iyun 2013 15:28
imza: Allahın cümləmizə yar olsun amin
Offline
Kamailba
Sevgililər
Sevgi vardır ki, dodaqlarda açar güllərini,
Sevgi vardır ki, bir az qar kimi, rüzgar kimidir.
Sevgi vardır oxudur qəlbidə bülbüllərini,
Böylə bir sevgi mənim ruhumu oxşar kimidir.
Sevgi vardır ki, uzaqdan bizə parlaq görünür,
Ona yaxlaşmayalım, çünki o zülmətlə dolu.
Sevgi vardır ki, düşər yerlərə daim sürünür,
Öylə bir sevgi də min dürlü xəyanətlə dolu.
Sevgi vardır ki, bahardan bizə güllər gətirir
İçi zəqqum və zəhər, qoxlama, qəlbin qanayar.
Sevgi vardır üzü xoş, daxili bir qorxulu yar.
Sevgi vardır bizə çox dadlı əməllər gətirir,
Fəqət həpsində qaranlıq gecələr kölgəsi var.
Sevgilərdə qarışıq bilməcələr kölgəsi var.
19 iyun 2013 15:53
imza: "Hər bir ağacın bir meyvəsi var,
Qəlbin meyvəsidə övladdır."

Həzrəti Məhəmməd s.ə.s
Offline
alisa1971
Ələsgərlərin, Şəhriyarların məzarları parçalnmış Azərbaycan torpaqlarının payına düşdü. Göycə mahalı, bizi Cənubi Azərbaycandan ayıran Xudafərin körpüsü , Şah İsmayıl Xətainin şahlıq vaxtında Azərbaycan torpaqları 2800000 kv km olub. Azərbaycan əsrlərlə düşmən təcavüzünə məruz qalıb. Çoxlarının gözü olub bu torpaqlarda. Nəhayətdə yerdə qalan bu olub. İndik Azərbaycan.
19 iyun 2013 14:51
Offline
Zehra Bedirxanli
cox beyendim gozel weirdir. yazan elleriniz var olsun. give_ros
18 iyun 2013 23:45
imza: QADİN.NET
Offline
Fatma xanım
Louis Vuitton,
Dərdim çoxdu,dindirməyin həzarat,
Məni bir ala göz ceyran öldürür.
Qılıncsız, tüfəngsiz alır canımı
Kimsə bilmir pünhan-pünhan öldürür.

Heç bilmirdim neyləmişəm neylərəm,
Xəncər alıb qara bağrım teylərəm,
Bir canım var yara qurban eylərəm,
El desin "şıqda qurban öldürür".

Ələsgərəm bir gözələ mehmanam,
Ölməyincə çətin dönəm usanam.
Əzrayılı qanlı görməsin anam
Məni bir kipriyi peykan öldürür
18 iyun 2013 14:45
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Louis Vuitton
Fatma xanım,
Aşıq Ələsgərdən söz gedən yerdə susamam. smile

CЕYRAN

Durum dolanım başına,
Qaşı, gözü qara Cеyran!
Saldın еşqin ataşına,
Еylə dərdə çara, Cеyran!

Söz еşidib, ərzim qansan,
Mən yanana sən də yansan.
Özün bir tülək tərlansan,
Niyə uydun sara, Cеyran?!

Ələsgərəm, abdal ollam,
Еşqin girdabında qallam.
Küsdürmüşəm, könlün allam
Yalvara-yalvara, Cеyran!
18 iyun 2013 14:08
Offline
Elya
cox qeşeng şerlerdir.
18 iyun 2013 13:30
Offline
Günel Əsədova
Dağlar.Aşıq Ələsgər
Bahar fəsli, yaz ayları gələndə,
Süsənli, sünbüllü, lalalı dağlar!
Yoxsulu, ərbabı, şahı, gədanı
Tutmaz bir-birindən aralı dağlar!

Xəstə üçün təpəsində qar olur,
Hər cür çiçək açır, laləzar olur,
Çeşməsindən abi-həyat car olur,
Dağıdır möhnəti, məlalı dağlar!

Yazın bir ayında çox yaxşı çağın,
Kəsilməz çeşməndən gözəl yığnağın,
Axtarma motalın, yağın, qaymağın…
Zənbur çiçəyindən bal alı, dağlar!

Yazın əvvəlində dönürsən xana,
Son ayda bənzərsən yetkin bostana,
Payızın zəhməri qoyun virana,
Dağıdır üstündən cəlalı, dağlar!

Kahdan çiskin tökər, gah duman eylər,
Gah gəlib-gedəni peşiman eylər,
Gahdan qeyzə gələr, nahaq qan eylər,
Dinləməz haramı, halalı dağlar.

Ağ xələt bürünər, zərnişan geyməz,
Heç kəsi dindirib kefinə dəyməz.
Sərdara söz deməz, şaha baş əyməz,
Qüdrətdən səngərli, qalalı dağlar.

Köçər ellər, düşər səndən aralı,
Firqətindən gül-nərgizin saralı,
Ələsgər Məcnun tək yardan yaralı,
Gəzər səndə dərdli, nalalı, dağlar!…


18 iyun 2013 13:29
Offline
Selvi
Aşıq sənətinin əsas mövzuları – məhəbbət və təbiət gözəlliyi, insan və onun əməlləridir.Aşıq Ələsgər yaradıcılığında sevdiyim qoşma:

Çərşənbə günündə, çeşmə başında
Gözüm bir alagöz xanıma düşdü.
Atdı müjgan oxun keçdi sinəmdən,
Nazu qəmzələri qanıma düşdü.

İşarət eylədim dərdimi bildi,
Gördüm həm gözəldi, həm əhli-dildi,
Başını buladı, gözündən güldü,
Güləndə qadası canıma düşdü.

Ələsgərəm hər elmdən halıyam,
Gözəl, sən dərdlisən, mən yaralıyam,
Dedi nişanlıyam, özgə malıyam,
Sındı qol-qanadım, yanıma düşdü.
Təşəkkürlər...
18 iyun 2013 13:07
imza: Əxlaqı qanunla əvəz etsələr, buna qanunun çiyni dözməz!
Nöqtə qədər xeyir üçün vergül kimi əyilənlər nəticədə düz xətt olub ayaqlanmağa məhkumdurlar...
Offline
Aysu_M
twkrlr maraqli seirdir.
18 iyun 2013 13:06
Offline
Aminim
təşəkkür Firuzə
18 iyun 2013 12:20
imza: qadin.net
Offline
Ruhəngiz
Çox sağ ol bacı yaxşı şeirdir.
18 iyun 2013 12:05
imza: Böyük insanlar hadisələri,dahi insanlar isə nəticələri düşünür.
Offline
Fatma xanım
Siz eşidin vəsfi-halın söyləyim,
Yaxşı camaatdı eli Göyçənin
Adamları saf məhəbbət, əhlidi
Cənnətdi çənməni, çölü Göyçənin.

Hər yerdə söylənir Göyçənin adı,
Səfalı yaylağı, qurğu , büsatı
Sürüynən erkəyi, ılxıynan atı,
Nə çoxdu dövləti,malı Göyçənin.

Hər dağdan ucadı ,Çalmalı dağı,
Car olub köksündə Qumlu bulağı,
Əzüz saxlayırlar gələn qonağı,
Dad verir dahana balı Göyçənin.

Musanın sözlərin eyləyin əzbər,
Yazılsın kitablar, cəm oldun dəftər,
Gəzəsən ,kənbə kənd, şəhərbəşəhər,
Deyəsən necədi halı Göyçənin

buda Ələsgər vətəninin tərifi
18 iyun 2013 12:01
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
PePito
Günel Əsədova,
bay bay bay bu ne gozel sheirdi bele ))) cox beyendim ....
18 iyun 2013 11:51
Offline
Günel Əsədova
Çox təşəkkür edirəm.Gözəl şerlərə görə.Gəlin ƏLəsgərdən də bir neçə misra oxuyaq.
Ala gözlüm, səndən ayrı düşəli,
Hicranın qəmiylə kef eyləmişəm,
Ah-vayınan günüm keçib dünyada,
Dərd alıb, qəm satıb, nəf eyləmişəm.


Səndən ayrı şad olmuram, gülmürəm,
Canımdan bezmişəm, ölə bilmirəm,
Nə müddətdi qulluğuna gəlmirəm;
Bağışla təqsirim, səf eyləmişəm.


Həsrət qoyma gözü gözə, amandı!
Yandı bağrım, döndü közə, amandı!
Keçən sözü çəkmə üzə, amandı!
Hədyan danışmışam, laf eyləmişəm,


İnsafdımı, gülə həmdəm xar ola?
Tülək tərlan ovlağında sar ola?
Ələsgər istəyir bir bazar ola,
Seçmişəm gövhəri, saf eyləmişəm.
__________________


Fatma xanım,
Allah onların cəzasını versin Fatma xanım.Çox pis oldum.
18 iyun 2013 11:50
Offline
_Nur Ay _
beyendim weir superdi ellerinize sagliq give_ros girl_cray
18 iyun 2013 11:28
Offline
Fatma xanım
Ələsgər qəbrini kimə tapşırdın?! qardaşım kəndimizi çəkdirib Ələsəgin qəbrini və o biri qəbirstanlığı elə dağıdıblar ki Allah cəzasını vermişlər
Dərdiçi yaman təzələdin bu şeirlə
18 iyun 2013 10:52
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
PƏRVANƏ ƏLİYEVA......
Sheirlerin ikiside cox gozeldi.Teshjakkur edirem canim bacim. give_ros air_kiss
18 iyun 2013 10:34
Adıniız:*
E-Mail:
ıifrə: *
Son şərhlər
Son yazılar
Ailənizin ümumi gəliri:
500 AZN-ə qədər
500-1000 AZN
1000-1500 AZN
2000-3000 AZN
5000 və ya daha çox
Sizə nə var?! )